Null modem

Нуль-мадэмны перахаднік, які ператварае мадэмны кабель у нуль-мадэмны

Нуль-мадэмнае злучэнне — злучэнне двух камп'ютарных прыладаў праз пратакол RS-232 без мадэму.

Першапачаткова стандарт RS-232 прызначаўся для злучэння тэлетайпа з тэлефонным мадэмам[1] — і ўжо праз мадэмы тэлетайпы размаўлялі адзін з адным. Таму злучэнне праз RS-232 асіметрычнае: мяркуецца, што з аднаго боку мадэм, а з іншага — крыніца/спажывец звестак. У нуль-мадэмным злучэнні лініі перадачы і прыёму злучаны скрыжавана. Нуль-мадэмнае злучэнне не стандартызавана, таму існуюць некалькі разводак.

Разводка

Нуль-мадэмны кабель
Разводка для DE-9
Разводка для DB-25

Найболшь складаная з разводак[2][3], з якой будзе працаваць нават ПЗ, якое спраўджвае сігнал carrier detect (наяўнасць-страта нясучай).

Прызначэнне гнязда Гняздо
DB-25		 Гняздо
DE-9		 Напра-
мак		 Гняздо
DE-9		 Гняздо
DB-25		 Прызначэнне
Корпус FG 1 - - 1 FG
Перадача TxD 2 3 → 2 3 RxD
Прыём RxD 3 2 ← 3 2 TxD
Запыт перадачы RTS 4 7 → 8 5 CTS
Гатовы прымаць CTS 5 8 ← 7 4 RTS
Сігнальная зямля SG 7 5 5 7 SG
Гатоўнасць мадэма DSR 6 6 ← 4 20 DTR
Наяўнасць нясучага сігнала DCD 8 1
Гатоўнасць тэрмінала DTR 20 4 → 1 8 DCD
6 6 DSR

Без кантроля злучэння

Найпростая разнавіднасць паслядоўнага кабеля — поўная адсутнасць кантролю злучэння. TxD на адным канцы злучаецца з RxD на другім, «зямля» з «зямлёй» — усяго тры провады. Працуе з ПЗ, якое не спраўджвае працу мадэма (напрыклад, з большасцю гульняў) і з прыладамі, якім не патрэбны лініі кіравання мадэмам.

Замыканне кіруючых сігналаў на сябе

Калі ПЗ патрэбны менавіта мадэм і яно спраўджвае, ці ёсць сувязь, можна яго падмануць, замкнуўшы кіруючыя лініі на сваім порце (RTS+CTS; DTR+DSR+DCD). Праграма будзе лічыць, што злучэнне і апаратанае кіраванне струменем даных ёсць.

Гэты кабель толькі вырашае праблемы сумяшчальнасці, якасцю сувязі ён нічым не лепш папярэжняга: пры любой памылцы злучэння сувязь парвецца без бачнай прычыны.

Частковае кіраванне струменем

У гэтым кабелі лінія RTS замкнутая на свой жа CTS і злучана з чужой DCD, а DTR — з чужой DSR. З адпаведным ПЗ такі кабель дазваляе сувязь на высокіх частотах — да 115 кілабод. Але з-за нестандартнай разводкі патрабуе адмысловае ПЗ.

Поўнае кіраванне струменем

Гэты кабель таксама дазваляе высокія хуткасці; менавіта гэта разводка ўказана ў табліцы і на малюнку.

Для кіравання прыладамі Cisco існавала разводка Yost, з COM-порту на 8P8C.[4] Яна цікава тым, што ў нуль-мадэмным кабелі (з 8P8C на 8P8C) кантакты обжымаюцца ў адваротным парадку: 1…8 на адным канцы з 8…1 на іншым.[5] Кабелі завадской вытворчасці часта робяць не з вітой пары, а з плоскага шлейфу і гэтым адрозніваюцца ад сеткавых патч-кордаў.

Небяспека

Нуль-мадэмнае злучэнне не змяшчае гальванічнай развязкі, як напрыклад Fast Ethernet. Злучэнне камп'ютараў, паміж масамі якіх маецца рознасць патэнцыялаў, можа спаліць COM-порты ці ўсю мацярынскую плату (актуальна для часоў папулярнасці ў СССР у 80-я — 90-я, калі разеткі з зазямляючым кантактам былі рэдкасцю).

Ужыванне

Вытокавае ўжыванне нуль-мадэмнага кабеля — злучэнне двух тэрміналаў (тэлетайпаў) наўпрост без мадэма. Калі прыладам для злучэння патрэбны мадэм, а яны знаходзяцца побач, выкарыстоўваўся нуль-мадэмны кабель.

У 1980-я і 1990-я гады нуль-мадэмны кабель шырока ўжываўся як танная альтэрнатыва лакальнай сетцы: сеткавыя адаптары былі дарагія, COM-порты былі ў любога камп'ютара, а набыццё ці выраб нуль-мадэмнага кабеля абыходзіўся танна. У апошняй версіі MS-DOS у камплекце была праграма INTERLNK; Norton Commander мог не толькі перадаваць файлы, але і «кланаваць» сябе на іншы камп'ютар праз нуль-мадэм. Многія з DOS-гульняў таго часу (Grand Prix 2, Doom, WarCraft II, Duke Nukem 3D…) падтрымлівалі сувязь і праз COM-порты. Хуткасць — да 8 кілабайт/с — была малой нават для таго часу, але для гульняў гэта было няважна: яны першапачаткова праектаваліся пад 9600- альбо 14400-бодныя мадэмы.[6] «Кантроллер аддаленага доступу» Windows дазваляў злучэнне праз нуль-мадэм любым з даступных сеціўных пратаколаў, таму Windows-гульням досыць было падтрымліваць IPX альбо TCP/IP. З патанненнем Ethernet знікла патрэба ва ўжыванні нуль-мадэмнай сувязі для арганізацыі лакальных сетак.

Зараз нуль-мадэмная сувязь выкарыстоўваецца для адладкі ядраў АС — з-за прастаты драйверу. Гэта здольныя рабіць KGDB для Linux, ddb для BSD і WinDbg для Windows. Да таго ж сучасныя АС збудаваны так, што графічная абалонка манапольна захоплівае экран і клавіятуру — таму, калі АС «выляціць» з аварыйным экранам, адладчык не зможа іх запатрабаваць, але застанецца магчымасць перадаць аварыйныя звесткі праз кабель.

Безманіторныя прылады (камутатары, маршрутызатары, стоечныя серверы, рознага кшталту убудавальныя кантролеры) могуць адміністравацца у тым ліку і праз RS-232. У некаторых прыладах для злучэння з камп'ютарным COM-портам патрабуецца пераўтваральнік напружанняў — выдаюцца звычайныя для электронікі ТТЛ-узроўні.[7]

У Unix ёсць віртуальныя нуль-мадэмныя злучэнні (псеўдатэрмінал, pty), якія дазваляюць злучаць кансолі на розных камп'ютарах праз любы даступны канал сувязі. У DOSBox таксама ёсць эмуляцыя нуль-мадэмнага злучэння — для «паслядоўнай» гульні праз сеціва. Варта заўважыць, што гульня праз Интернет не заўсёды магчымая — часта сеткавыя падсістэмы старых гульняў разлічвалі на малы пінг.

Зноскі

  1. ↑ [http://www.gaw.ru/html.cgi/txt/interface/rs232/ Последовательный интерфейс RS-232
  2. ↑ The Hardware Book: Нуль-мадэмны кабель (англ.)
  3. ↑ Null Modem (англ.)
  4. ↑ The Hardware Book: Cisco Console (англ.)
  5. ↑ [http://www.cisco.com/en/US/products/hw/routers/ps332/products_tech_note09186a0080094ce6.shtml Cabling Guide for Console and AUX Ports — Cisco Systems
  6. ↑ У Doom у сістэмных патрабаваннях мадэм на 9600 бод (англ.), у Duke Nukem 3d — 14400, у Unreal Tournament — 28800.
  7. ↑ Інструкцыя прашывання маршрутызатара Edimax BR-6104K узора 2007 года (англ.)

Гл. таксама

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.