«Nowhere Man» (з англ. — «Чалавек з ніадкуль») — песня гурта The Beatles з альбома Rubber Soul, напісаная Джонам Ленанам і прыпісаная аўтарскаму дуэту Ленан — Мак-Картні^[3]. Запісана ў перыяд з 21 па 22 кастрычніка 1965 года.

Песня апісвае чалавека, які не мае свайго пункту гледжання. Гэта адна з першых песень «The Beatles», не звязаная з рамантыкай або каханнем. Яна з'яўляецца яскравым прыкладам па-філасофску арыентаванай песеннай творчасці Ленана^[4].

У ЗША песня заняла трэцюю пазіцыю ў чарце Billboard Hot 100. Таксама яна ўзначаліла чарты Канады і Аўстраліі.

Бліжэй да канца працы над альбомам «Rubber Soul» у Джона Ленана ўзніклі цяжкасці з сачыненнем новай песні. На працягу пяці гадзін ён не мог нічога прыдумаць і вырашыў крыху адпачыць. Раптам Ленан уявіў сябе «чалавекам з ніадкуль, які жыве ў нідзе»^[5]. Затым ён падзяліўся тэкстам песні з Полам Мак-Картні, які сказаў, што Ленан напісаў песню для сябе і пра свой шлюб. У выніку Джон усё ж вырашыў дапісаць гэтую песню, але напісаў яе ў трэцяй асобе, а не ў першай, як планаваў першапачаткова^[6][7]. Гэтая песня з'яўляецца адной з першых песень The Beatles, якія не закранаюць тэму кахання або рамантыкі^[4][8].

У інтэрв'ю часопісу Playboy Ленан казаў:

Той раніцай я патраціў пяць гадзін на тое, каб напісаць песню, якая б добра гучала і была напоўнена сэнсам. У рэшце рэшт я здаўся. І тут нарадзілася песня «Nowhere Man»^[9].

У інтэрв'ю 1984 года Мак-Картні сказаў:

Гэта быў Джон пасля начнога адпачынку, перад досвіткам. Думаю, у той момант ён крыху... задумваўся, куды ж яму ісці^[10].

Рэцэнзуючы сінгл, выпушчаны ў ЗША, часопіс Record World назваў яго «песняй, поўнай сэнсу, пра тое, што адбываецца з чалавекам, які баіцца быць самім сабой»^[11].

Песня была запісана ў перыяд з 21 па 22 кастрычніка 1965 года^[1].

Ленан, Мак-Картні і Харысан выканалі яе ў трохгалоснай гармоніі. Гітарнае сола было сыграна ва ўнісон Харысанам і Ленанам на электрагітарах Fender Stratocaster^[12][13][14].

Песня ўяўляе сабой 32-тактавую форму^[15].

• Джон Ленан — вакал, рытм-гітара, сола-гітара^[16]
• Пол Мак-Картні — бэк-вакал, бас-гітара^[16]
• Джордж Харысан — бэк-вакал, сола-гітара^[16]
• Рынга Стар — ударныя^[16]

Чарт (1965—1966)	Вышэйшая пазіцыя
Аўстралія (Kent Music Report)[17]	1
Ö3 Austria Top 75[18]	8
Ultratop Wallonia[19]	12
Фінляндыя (Suomen virallinen lista)[20]	36
Радэзія (Lyons Maid)[21]	4
Billboard Hot 100[22]	3
ЗША Cash Box Top 100[23]	2
ЗША Record World 100 Top Pops[24]	1
ФРГ Musikmarkt Hit-Parade[25][26]	3

Песня была перапета многімі выканаўцамі. Сярод іншага ёсць версія ад The Carpenters, запісаная ў 1968 годзе і выпушчаная ў 2001 годзе^[27].

• Babiuk, Andy (2002). Beatles Gear: All the Fab Four's Instruments, from Stage to Studio. San Francisco, CA: Backbeat Books. ISBN 978-0-87930-731-8.
• Clayson, Alan (2003). George Harrison. London: Sanctuary. ISBN 1-86074-489-3.
• Everett, Walter (2001). The Beatles as Musicians: The Quarry Men through Rubber Soul. New York, NY: Oxford University Press. ISBN 0-19-514105-9.
• Gilliland, John. The Rubberization of Soul: The great pop music renaissance. (нявызн.). Pop Chronicles. Digital.library.unt.edu (1969).
• Kruth, John (2015). This Bird Has Flown: The Enduring Beauty of Rubber Soul, Fifty Years On. Milwaukee, WI: Backbeat Books. ISBN 978-1-61713-573-6.
• MacDonald, Ian (2005). Revolution in the Head: The Beatles' Records and the Sixties (Second Revised ed.). London: Pimlico (Rand). ISBN 1-84413-828-3.
• Spizer, Bruce (2003). The Beatles on Apple Records. New Orleans, LA: 498 Productions. ISBN 0-9662649-4-0.
• Turner, Steve. A Hard Day’s Write: The Stories Behind Every Beatles' Song, Harper, New York: 1994, ISBN 0-06-095065-X
• Unterberger, Richie. [[[:Шаблон:AllMusic]] Rubber Soul] (нявызн.). Allmusic (2009). Праверана 15 чэрвеня 2009.
• Winn, John C. (2008). Way Beyond Compare: The Beatles' Recorded Legacy, Volume One, 1962–1965. New York, NY: Three Rivers Press. ISBN 978-0-3074-5239-9.
• Winn, John C. (2009). That Magic Feeling: The Beatles' Recorded Legacy, Volume Two, 1966–1970. New York, NY: Three Rivers Press. ISBN 978-0-307-45239-9.