Maybach

Maybach
ням.: Maybach
Тып аўтамабільная марка[d] і historical car manufacturer[d]
Заснаванне 1909
Скасавана 2013
Пераемнік Mercedes-Maybach[d] і MTU Friedrichshafen[d]
Заснавальнікі Вільгельм Майбах
Краіна
Адрас
Галіна аўтамабільная прамысловасць
Прадукцыя аўтамабіль класа люкс[d]
Матчына кампанія Мерседэс-Бенц
Сайт maybach.com (англ.)
mercedes-benz.com/… (англ.)​ (ням.)

Майбах (ням.: Maybach) — нямецкая кампанія, найбольш вядомая дзякуючы вытворчасці раскошных эксклюзіўных аўтамабіляў класа «люкс».

Гісторыя

Гісторыя маркі пачынаецца ў 1921 годзе, калі канструктар Вільгельм Майбах стварыў аўтамабіль Maybach W3 (свой першы аўтамабіль ён стварыў нашмат раней — у 1889 годзе), яго можна лічыць першым у гісторыі маркі. На гэтым Вільгельм Майбах не спыніўся, і наступнай мадэллю стала Maybach W5, якая выйшла ў 1926 годзе.

У 1929 годзе Вільгельм Майбах раптам захварэў і памёр. Справу працягнуў яго сын — Карл Майбах.

Пасля Другой сусветнай вайны вытворчасць аўтамабіляў была спынена.

У 1960 годзе кампанія была набыта канцэрнам Daimler-Benz.

Адраджэнне

Maybach 62

Упершыню канцэптуальная версія сучаснага «Майбаха» была прадстаўлена ў 1997 годзе на Мотаршоу ў Токіа, а ў 2002 годзе мадэль была запушчана ў серыйную вытворчасць у дзвюх версіях — Maybach 57 і Maybach 62. Для вытворчасці мадэлі быў пабудаваны спецыяльны завод Maybach Manufaktur у Зіндэльфільгене. Прэм'ера серыйных седанаў Maybach 57 і Maybach 62 прайшла ў ліпені 2002 года ў Нью-Ёрку.

Серыйныя лімузіны Maybach выпускаліся ў шасці варыянтах — стандартны Maybach 57 даўжынёй 5,72 м і падоўжаны да 6,16 м Maybach 62. Таксама ў гаму дадаліся варыянт «S» (2006 год), адкрыты Maybach 62 Landaulet (2007 год), а таксама самая дарагая і раскошная версія пад назвай Zeppelin (2009 год). Усе мадэлі Maybach былі пабудаваныя на платформе Mercedes-Benz S-Class.

Акрамя лімузінаў, кіраўніцтва Maybach разглядала магчымасць выпуску спартыўнага купэ. У 2005 годзе ў адзіным экзэмпляры было выпушчана купэ Exelero.

Аднак, спадзяванні DaimlerAG адрадзіць легендарную марку не апраўдаліся. Продажы аўтамабіляў Maybach апынуліся вельмі нізкімі і не апраўдвалі ўкладзеныя ў іх сродкі. У лістападзе 2011 года кіраўніцтва Даймлер-Бэнц прыняло рашэнне аб згортванні ў 2013 годзе выпуску аўтамабіляў маркі Maybach.

Mercedes-Maybach

Mercedes-Maybach Pullman

У 2014 годзе Mercedes вырашыў выкарыстоўваць назву Maybach у якасці суббрэнда, пад якім кампанія будзе прадаваць найбольш раскошныя варыянты S-класа.

Першыя мадэлі адроджанага брэнда былі прадстаўленыя ў лістападзе 2014 года[1], у дзвюх версіях — S 500 і S 600. У параўнанні з доўгабазавым Мэрсэдэсам S-класа «Майбах» падоўжаны на 20 сантыметраў. У задняй частцы салона размясціліся два асобныя крэслы з рэгуляванымі падножкамі, мультымедыйная сістэма, уласны блок клімат-кантролю, з магчымасцю іянізацыі і распылення эксклюзіўных духоў ў салоне, як на папярэдніх "Майбахах". У якасці опцыі можна будзе замовіць бар з двума сярэбранымі келіхамі.

У сакавіку 2015 года шэраг мадэляў дапоўніў падоўжаны на метр лімузін Pullman.

У Беларусі

Станам на канец 2020 года ў Беларусі зарэгістраваны 1 аўтамабіль маркі Maybach[2].

Зноскі

  1. ↑ http://motor.ru/news/2014/11/19/richnfamous/ Архівавана 19 лютага 2015. «Мерседес» возродил «Майбах» // motor.ru (руск.)
  2. ↑ Пять Lamborghini и один Maybach. Названы самые популярные и редкие машины в Беларуси (руск.)(недаступная спасылка). av.by (1 лістапада 2021). Архівавана з першакрыніцы 1 лістапада 2021. Праверана 1 лістапада 2021.

Спасылкі

commons: Maybach на Вікісховішчы

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.