Falling In Reverse
Асноўная інфармацыя
Жанры	пост-хардкор[d][1], металкор[2], поп-панк[3] і эма[4]
Краіны	ЗША
Адкуль	Лас-Вегас
Лэйблы	Epitaph Records[d]
Склад	Роні Радке
fallinginreverse.com (англ.)
Медыяфайлы на Вікісховішчы

Falling in Reverse — амерыканскі рок-гурт, які працуе па кантракце з Epitaph Records. Быў сфарміраваны ў 2008 годзе ў Лас-Вегасе, штат Невада. Дэбютны альбом «The Drug in Me Is You» выпушчаны 26 ліпеня 2011 года, заняў дзевятнаццатую пазіцыю ў хіт-парадзе Billboard 200. У першы тыдзень продажаў было прададзена 18 000 копій. Сінглы «Raised by Wolves», «The Drug in Me Is You» і «I’m Not a Vampire» былі выпушчаныя ў падтрымку альбома.

Другі альбом, «Fashionably Late», быў выпушчаны 18 чэрвеня 2013 года. Кружэлка заняла сямнаццатае месца ў хіт-парадзе Billboard 200. У падтрымку альбома былі выпушчаныя сінглы «Alone» і «Fashionably Late». Таксама на песню «Alone», да афіцыйнага рэлізу кружэлкі, быў зняты відэакліп.

Свой трэці альбом «Just Like You», гурт выпусціў 24 лютага 2015 года. Іх апошні альбом, на сённяшні дзень, «Popular Monster», выйшаў 16 жніўня 2024 года. Гурт актыўна гастраляваў у падтрымку сваіх рэлізаў з такімі музычнымі гуртамі, як: Escape the Fate, Chelsea Grin, Atreyu, Attila, Metro Station, letlive., I See Stars.

Лідарам гурта з’яўляецца Рональд Джозэф Радке, былы ўдзельнік гурта Escape the Fate.

Гурт быў заснаваны Рональдам Радке, які ў 2008 годзе быў выгнаны з гурта Escape the Fate з-за праблем з законам.

Яшчэ ў 2006 годзе Радке быў уцягнуты ў сварку ў Лас-Вегасе, у выніку якой быў застрэлены 18-гадовы Майкл Кук. Хоць Радке не страляў у Кука, ён быў асуджаны за саўдзел у забойстве. Гэты выпадак разам з праблемамі Радке з наркотыкамі прывялі да таго, што ў 2008 годзе ён быў асуджаны на два гады. Басіст Escape The Fate Макс Грын казаў пра праблемы Радке з законам: «Спачатку мы не маглі гастраляваць за межамі дзяржавы, цяпер — за межамі штата». Гэта ўсё стала прычынай таго, што ўдзельнікі гурта Escape The Fate знайшлі на яго месца іншага вакаліста — Крэйга Мебіта, былога ўдзельніка гурта Blessthefall.

Радке не быў зацікаўлены ў вяртанні ў гурт, затое за час свайго знаходжання ў турме сфармаваў новы гурт пад назвай From Behind These Walls. Пасля вызвалення Радке ў 2010 годзе гурт пачаў актыўную дзейнасць, але ў хуткім часе ўдзельнікам прыйшлося змяніць назву на Falling In Reverse ў сувязі з парушэннем аўтарскіх правоў. У першыя часы, склад гурта не быў сфармаваны; музыкі, акрамя самога Радке, часта мяняліся. У першапачатковы касцяк гурта ўваходзілі Роні Радке і басіст Нэйсан Шофлер, які дапамог знайсці гітарыста Джэкі Вінцэнта і рытм-гітарыста Дэрэка Джонса. Барабаншчыкам гурта спачатку быў Скот Джы (былы ўдзельнік гурта LoveHateHero), а пазней — Раян Сіман.

У студзені 2010 года гурт пачаў запіс першага альбома. 20 снежня 2010 года, было абвешчана, што гурт адправіцца ў Арланда, штат Фларыда, каб запісаць поўнафарматны дэбютны альбом на працягу двух месяцаў з папярэдняй датай выхаду ў першым квартале 2011 года. Гурт таксама пацвердзіў, што сябар Радке, Майкл Баскет, які раней працаваў над альбомам гурта Blessthefall «Witness» і над альбомам «Dying Is Your Latest Fashion», першага гурта Радке Escape the Fate, выступіць прадзюсарам першага альбома Falling in Reverse. Неўзабаве было пацверджана, што гурт падпісаў кантракт з Epitaph Records, з якім гэтак жа супрацоўнічаў Роні, калі быў у складзе Escape the Fate. Першы альбом гурта, атрымаў назву The Drug in Me Is You і быў выпушчаны 26 ліпеня 2011 года. Альбом уключаў адзінаццаць трэкаў. Першае музычнае відэа гурта было выпушчана 28 чэрвеня 2011 года на аднайменную песню «The Drug In Me Is You». Альбом здолеў прадаць 18 000 асобнікаў у першы тыдзень у ЗША і атрымаць дзевятнаццатае месца ў Billboard 200. У красавіку 2011 года Нэйсан Шофлер сышоў з гурта, а яго месца заняў Міка Харыучы, які раней працаваў у гурце Cellador. Пасля сыходу Мікі з гурта ў 2012 годзе на яго месца прыйшоў Рон Фікара, былы бас-гітарыст гурта «Iam Ghost».

Падчас выступу гурта на Dirt Fest 2012 у Birch Run Michigan, Роні Радке паведаміў гледачам, што гэта будзе апошняе шоў гурта, перад тым, як яны вернуцца да студыйнай працы над другім альбомам. У адным з інтэрв’ю, Роні таксама сказаў, што гурт будзе актыўна працаваць у студыі ў канцы 2012 года з дэма-версіямі песень і спадзяецца на выпуск альбома ў пачатку 2013 года. У нумары 1442 часопіса Kerrang!, Радке ў інтэрв’ю заявіў: «Запіс скончаны! Мы гэта зрабілі пасля гастроляў на Warped Tour . Мы проста нікому пра гэта не сказалі!». Ён таксама дадаў, што альбом будзе выдадзены летам 2013 года. Альбом атрымаў назву Fashionably Late, рэліз якога адбыўся 18 чэрвеня 2013 года. На пачатку лета 2014 гурт пакідае Рон Фікара, яго месца займае Макс Грын, які перайшоў з Escape the Fate. Улетку таго ж года гурт адпраўляецца на гастролі па ЗША ў рамках Warped Tour. Увосень Макс Грын сыходзіць з гурта. Летам 2014 года з’явіліся чуткі аб тым, што гурт працуе над новым альбомам, які выйдзе ў пачатку 2015 года.

У снежні 2014 Роні апублікаваў у свой Instagram фотаздымак гурта з подпісам: «Новы альбом выйдзе найбліжэйшым часам». 15 снежня 2014 адбыўся афіцыйны выхад новага сінгла Falling in Reverse «God, If You Are Above…». 13 студзеня выходзіць яшчэ адзін сінгл з новага альбома — «Guillotine IV (the Final Chapter)». Новы альбом Falling In Reverse канцэптуальна з’яўляецца працягам дэбютнага альбома Escape the Fate — «Dying Is Your Latest Fashion». Афіцыйны рэліз трэцяга альбома Falling In Reverse «Just Like You» быў прызначаны на 24 лютага 2015 года.

Пасля выхаду альбома «Just Like You» становіцца вядома, што Зак Сандлер (былы бас-гітарыст гурта Black Tide) далучыцца да гурта на час тура ў падтрымку альбома як сесійны бас-гітарыст. Пасля за Закам замацаваўся статус афіцыйнага ўдзельніка. У лістападзе 2015 гурт паведаміў аб маючым адбыцца туры па Амерыцы пад назвай «Supervillains». У рамках гэтага тура да гурта далучыліся Metro Station і Attila. У самым канцы кастрычніка сола-гітарыст Falling In Reverse, Джэкі Вінцэнт, мірна пакінуў гурт, каб засяродзіцца на сваёй сольнай кар’еры. Амаль адразу пасля сыходу Джэкі Вінцэнта становіцца вядома, што яго месца зойме гітарыст Крысціян Томпсан (былы ўдзельнік гуртоў The Hollowed і Jovian). 9 снежня 2015 года Falling In Reverse, сумесна з гуртамі Metro Station і Attila, адыгралі апошняе шоу ў рамках тура «Supervillains» у Філадэльфіі.

На пачатку студзеня 2016 года з’явілася першая інфармацыя пра новы альбом гурта. Гэтай інфармацыяй Роні Радке падзяліўся ў інтэрв’ю для часопіса Alternative Press. 28 студзеня 2016 года, выйшла новае відэа Falling In Reverse на песню «Chemical Prisoner». 19 снежня 2016 года гурт афіцыйна выпусціў першы сінгл «Coming Home» з аднайменнага альбома. А 20 студзеня 2017 года Falling in Reverse афіцыйна абвясцілі пра выхад свайго чацвёртага альбома «Coming Home», які быў прызначаны на красавік 2017 года. У той жа дзень яны выпусцілі сінгл «Loser».

Чацвёрты студыйны альбом гурта пад назвай «Coming Home» пабачыў свет 7 красавіка 2017 года. Пасля выхаду альбома з’явіліся чуткі, што барабаншчык Раян Сіман расстаўся з гуртом. Чуткі пацвердзіліся тым, што на наступных шоу гурта, замест Райана быў сесійны бубнач. Па некаторых непацверджаным даным, Раян пакінуў калектыў з-за пагаршэння адносін з фронтмэнам гурта Роні Радке. Але дадзеная інфармацыя не была ніяк пацверджана або аспрэчаная афіцыйна.

23 лютага 2018 года, Falling In Reverse выпусціла новую песню пад назвай «Losing My Mind». Адначасова, на гэты сінгл, быў выпушчаны кліп. 12 сакавіка 2018 года, падчас тура па ЗША, вядучы гітарыст Крысціян Томпсан разарваў круцільную абшэўку пляча. У сваім профілі ў Instagram ён заявіў, што не зможа ўдзельнічаць у найбліжэйшых шоу амерыканскага тура, а таксама ў маючых адбыцца турах па Азіі і Аўстраліі і што яго музычная кар’ера знаходзіцца на нявызначаным перапынку. У якасці замены Крысціяна на жывых выступах, выступіў Тайлер Берджес, удзельнік гурта Dead Girls Academy. 17 красавіка 2018 года, лід-гітарыст Крысціян Томпсан, афіцыйна заявіў пра свой сыход са складу Falling In Reverse.

26 чэрвеня 2018 года гурт выпусціў песню пад назвай «Losing My Life» разам з музычным кліпам, як працяг кліпа на песню «Losing My Mind». У гурта адбыліся змены ў складзе, з’явіліся новыя ўдзельнікі, якіх можна ўбачыць у кліпе «Losing My Life». Новым cола-гітарыстам стаў Макс Георгіеў, які раней выступаў у якасці сесійнага бас-гітарыста ў гурта Escape the Fate, а таксама быў гітарыстам для гурта New Years Day; Тайлер Бёрджэс, які выступаў вясной 2018 года з Falling in Reverse у якасці запрошанага сола-гітарыста, стаў новым басістам, а Зак Сандлер (які да выхаду «Losing My Life», быў пастаянным бас-гітарыстам гурта) стаў выконваць функцыю клавішніка; гэтак жа ў складзе гурта з’явіўся новы бубнач Брэндан Рыхтэр, які граў раней на ўдарных з гуртом Motionless in White. Таксама Falling in Reverse абвясцілі, што яны выступяць у апошні год правядзення штогадовага фестывалю Vans Warped Tour.

Неўзабаве пасля завяршэння гастроляў у рамках Warped Tour, на афіцыйных крыніцах гурта, быў анансаваны акустычны тур пад назвай «The Roast of Ronnie Radke». Але ў сярэдзіне турнэ гурт быў вымушаны адмяніць астатнія канцэрты, у сувязі з узніклымі асабістымі праблемамі ў Роні Радке^[5].

8 красавіка 2019 года выйшаў новы кліп на новую песню «Drugs». Зак Сандлер не прымаў удзел у відэа, што стала прычынай здагадак пра яго сыход з гурта. У відэакліпе таксама прысутнічаў удзельнік гурта Black Veil Brides Крысціян «CC» Кома, у якасці бубнача. Дзевятага красавіка ў сваім Instagram Крысціян заяўляе, што будзе выступаць з гуртом у іх туры Episode III. Таксама ў новым сінгле і кліпе на яго, прыняў удзел Коры Тэйлар, фронтмэн такіх гуртоў, як Slipknot і Stone Sour. Праз некаторы час, пасля выхаду кліпа-сінгла «Drugs», Роні Радке, пракаментаваў у сваім Твітэры тое, чаму Зак Сандлер спыніў прымаць актыўны ўдзел у дзейнасці гурта. Вось, што напісаў Радке: «Мы ўсе любім Зака, гэта адзін з маіх любімых людзей, але цяпер ён хоча засяродзіцца на сямейным жыцці і бізнесе, якім ён займаецца ў дадзены момант, гэта не значыць, што ён не будзе гастраляваць з намі ў наступным туры». Тым самым Роні пацвердзіў, што Зак усё яшчэ з’яўляецца ўдзельнікам калектыву.

20 лістапада 2019 года выйшаў новы сінгл пад назвай Popular Monster. Адначасова з сінглам выйшаў відэакліп.

17 снежня 2019 года дэбютны альбом гурта «The Drug In Me Is You» быў адзначаны залатым запісам RIAA. Каб адзначыць залаты статус альбома, гурт арганізаваў тур пад назвай «The Drug In Me Is Gold Tour». У рамках гэтага тура, калектывам былі сыграны ўсе песні з дэбютнага альбома. Гурты Escape the Fate і The Word Alive, гэтак жа прынялі ўдзел у гэтым туры. Праз некаторы час пасля пачатку «The Drug In Me Is Gold Tour», на афіцыйных рэсурсах гурта, было абвешчана, што Falling In Reverse прымуць удзел у туры з Asking Alexandria, які называецца «Like House On Fire World Tour». У гэтым турнэ, гэтак жа плануецца ўдзел такіх калектываў, як Wage War І Hyro the Hero.

13 лютага 2020 года гурт выпусціў сінгл «The Drug In Me is Reimagined», які з’яўляецца альтэрнатыўнай фартэпіяннай версіяй сінгла «The Drug In Me Is You», загалоўнай песні з дэбютнага альбома гурта.

21 красавіка 2020 года гітарыст гурта Дэрэк Джонс памёр ва ўзросце 35 гадоў, што пацвердзіў Роні Радке ў сваім афіцыйным акаўнце Твітэр. Вось што напісаў Роні: «Я ніколі не забуду, калі ты забраў мяне з турмы на сваім старым фургоне, каб прыступіць да Falling in Reverse. Твая душа назаўжды будзе ўплецена ў музыку, якую я пішу. Спачывай з мірам Дэрэк Джонс. Маё сэрца разбіта». Паведамленне суправаджалася чатырма фотаздымкамі нябожчыка гітарыста, які афіцыйна далучыўся да гурта ў 2010 годзе і ўдзельнічаў у запісе ўсіх чатырох альбомаў Falling in Reverse. Прычыны смерці Роні Радке апісаў пазней у сваёй кнізе наступнымі словамі: «Я магу гэта растлумачыць як субдуральнае кровазліццё».

14 ліпеня 2020 года гурт выпусціў песню «Carry On», якая павінна была ўвайсці ў альбом Coming Home, але не была ў яго ўключана. Месяцамі раней Роні дэманстраваў песню на сваім канале на Twitch. 18 кастрычніка 2020, Крысціян Томпсан праз свой профіль у Instagram, паведаміў пра вяртанне ў склад гурта.

12 лютага 2021 года на пляцоўцы YouTube быў выкладзены кліп з альтэрнатыўнай версіяй трэка «I’m Not A Vampire» з альбома «Тhe Drug In Me Is You». Гэтак жа, у лютым, гурт абвясціў пра два шоў пад назвай «Live From The Unknown», якія пройдуць у канцы красавіка 2021 года. Абодва канцэрты пройдуць у рэжыме анлайн-трансляцыі ў сувязі з пандэміяй каронавіруса.

Незадоўга да канцэртаў Тайлер Берджэс і Джоні Мел пакінулі гурт. Уэс Хортан заняў месца пастаяннага басіста, а Люк Холанд — далучыўся да складу ў якасці часовага бубнача, але пазней застаўся ў складзе.

5 студзеня 2022 года гурт выпусціў сінгл «Zombified» у прамым эфіры, які з’яўляецца першым сінглам з іх маючага адбыцца EP «Neon Zombie». Раней гурт абвясціў пра свой тур «Live From The Unknown» па ЗША ў суправаджэнні гуртоў Wage War і Hawthorne Heights і амерыканскага рэпера Джэрыса Джонсана.

28 мая 2022 года гурт выпусціў сінгл «Voices in My Head», у відэакліпе якога ў гурце зноў удзельнічае Тайлер Бёрджэс.

У маі 2024 гурт анансаваў, што замест EP выйдзе поўнафарматны альбом «Popular Monster», які ўключае ў сябе 7 песень, якія выйшлі сінгламі, пачынаючы з сінгла Popular Monster, за выключэннем «The Drug in Me is Reimagined», «I’m Not a Vampire» і «Carry On», а таксама 4 новыя кампазіцыі. 16 жніўня 2024 года альбом «Popular Monster» пабачыў свет.

• Роні Радке (англ.: Ronnie Radke) — вакал, фартэпіяна (2008—нашы дні), рытм-гітара (2017—2018)
• Крысціян Томпсан (англ.: Christian Thompson) — рытм-гітара (2020—нашы дні), бэк-вакал (2015—2018, 2020—нашы дні), сола-гітара (2015—2018)
• Тайлер Бёрджэс (англ.: Tyler Burgess) — бас-гітара, бэк-вакал (2018—2021, 2022—нашы дні), сола-гітара (2018)
• Люк Холанд (англ.: Luke Holland) — ударныя, перкусія (2021—нашы дні)

Былыя ўдзельнікі:

• Энтані Авіла (англ.: Anthony Avila) — сола-гітара (2008)
• Нік Рыч (англ.: Nick Rich) — ударныя (2008—2009)
• Гілберт Каталана (англ.: Gilbert Catalano) — рытм-гітара, бэк-вакал (2008—2009)
• Оскар Гарсія (англ.: Oscar Garcia) — ударныя (2009—2010)
• Халед Бірсак (англ.: Khaled Biersack) — ударныя (2010)
• Нэйсан Шофлер (англ.: Nason Schoeffler) — бас-гітара, бэк-вакал (2008—2011)
• Скот Джы (англ.: Scott Gee) — ударныя (2010—2011)
• Міка Хорыучы (англ.: Mika Horiuchi) — бас-гітара, бэк-вакал (2011—2012)
• Рон Фікарра (англ.: Ron Ficarro) — бас-гітара, бэк-вакал (2012—2014)
• Макс Грын (англ.: Max Green) — бас-гітара, бэк-вакал (2014)
• Джэкі Вінцэнт (англ.: Jacky Vincent) — сола-гітара (2008—2015)
• Раян Сіман (англ.: Ryan Seaman) — ударныя, бэк-вакал (2011—2017)
• Брэндан Рыхтэр (англ.: Brandon Richter) — ударныя (2018)
• Зак Сандлер (англ.: Zakk Sandler) — клавішны, рытм-гітара (2018—2019), бэк-вакал (2015—2019), бас-гітара (2015—2018)
• Дэрэк Джонс (англ.: Derek Jones) — рытм-гітара, бэк-вакал (2009—2020, памёр у 2020)
• Джоні Мэлі (англ.: Johnny Mele) — ударныя (2019—2021)
• Уэс Хортан (англ.: Wes Horton) — бас-гітара, бэк-вакал (2021—2022)
• Макс Георгіеў (англ.: Max Georgiev) — сола-гітара, бэк-вакал (2018—2024)

Канцэртныя і сесійныя ўдзельнікі:

• Джонатан Вулф — бас-гітара, бэк-вакал (з 2014—2015)
• Крыс Камрада — ударны (2017)
• Майкл Лівайн — ударны (з 2017—2018), (2018)
• Энтані Газель — ударны (2018,2019)
• Крысціян Кома — ударны (2019)
• Люк Холанд — ударны (c 2021)
• Крыс Лаплантэ (англ.: Chris LaPlante) — сола-гітара (2024)
• Марк Окубо (англ.: Marc Okubo) — сола-гітара (2024)

Falling in Reverse пераважна грае ў жанры постхардкор, да якога часам дадаюцца элементы ню-металу, поп-музыкі, электронікі, хіп-хопу і глэм-металу. Стыль дэбютнага альбома гурта быў пазначаны, як пост-хардкор і поп-панк з элементамі поп-музыкі у прыпевах. Адной з характэрных рыс многіх песень з’яўляецца «крыклівы» вакал. У асноўным Роні Радке, лідар гурта, прытрымліваецца таго кірунку і стылю, у якім ён працаваў раней у гурце Escape the Fate, які таксама спалучае глэм-метал і поп у многіх кампазіцыях. 7 мая 2013 года быў выпушчаны першы сінгл з другога студыйнага альбома — «Alone», разам з відэакліпам да яго. Трэк утрымліваў электроніку і рэчытатыў, неўласцівыя старому стылю гурта. Затым, 21 мая выйшаў другі сінгл «Fashionably Late», у стылі поп-панк, які казаў пра тое, што папярэдні быў толькі эксперыментам, а гурт застаўся верны свайму стылю. Пазней, 30 мая, у сетку была выкладзеная трэцяя песня з альбома «Born to Lead». 31 мая Роні выпускае сольны трэк у жанры хіп-хоп, зварот да сваіх фанатаў на сваім YouTube канале. Пазней выходзіць яшчэ адзін трэк. У інтэрв’ю гаворыцца, што ў будучыні будзе выпушчаны мікстэйп, які ўключае ў сябе трэкі з рознымі рэперамі. Радке выказвае сваю неабыякавасць да хіп-хоп культуры і музыцы.

Лірычны змест, то бок тэксты песень гурта, па большай частцы заснаваныя на асабістым вопыце і ўласных уражаннях і ўспамінах яе заснавальніка — Роні Радке. Ён піша пра сваю маці, пра знаходжанне ў турме і пра вызваленне, пра праблемы з законам, наркотыкі, карупцыю ў Лас-Вегасе і пра іншае. Некалькі песень нават распавядаюць пра яго сыход з Escape the Fate.

Студыйныя альбомы

• The Drug in Me Is You (2011)
• Fashionably Late (2013)
• Just Like You (2015)
• Coming Home (2017)
• Popular Monster (2024)

• Афіцыйны сайт Epitaph Records
• fallinginreverse.com (англ.) — афіцыйны сайт