Deezer
англ.: Deezer
URL	deezer.com (англ.)
Тып сайта	музычны стрымінгавы сэрвіс[d], streaming media receiver[d], podcast directory[d] і прадпрыемства
Аўтар	Daniel Marhely[d]
Пачатак працы	22 жніўня 2007
Абарот	▲542 млн € (2023)
Чысты прыбытак	▼−123 млн € (2021)[1]
Колькасць супрацоўнікаў	602 чал. (2023)
Рэйтынг Alexa	1 169[2]
Медыяфайлы на Вікісховішчы

Deezer — французскі інтэрнэт-сэрвіс струменевай перадачы музыкі. Дазваляе праслухоўваць музычныя кампазіцыі розных лэйблаў гуказапісу, уключаючы Universal Music Group, Sony Music і Warner Music Group (належыць матчынай кампаніі Deezer Access Industries), на розных прыладах у рэжыме анлайн ці афлайн. У наш час у базе сэрвісу знаходзяцца больш за 73 мільёны музычных кампазіцый і 34 000 радыёстанцый. Сэрвіс налічвае звыш 14 мільёнаў актыўных карыстальнікаў у месяц і 7 мільёнаў платных падпісчыкаў.

У 2006 годзе ў Парыжы Даніэль Марэлі (Daniel Marhely) распрацаваў першую версію Deezer, названую Blogmusik. Яго задума складалася ў тым, каб даць людзям неабмежаваны доступ да музыкі з дапамогай тэхналогіі струменевага аўдыя.

У сваім першапачатковым выглядзе сайт быў звінавачаны ў парушэнні аўтарскіх праў французскім агенцтвам SACEM, але пасля зачынення ў красавіку 2007 года быў ізноў запушчаны ў жніўні пад назвай Deezer. З агенцтвам былі дасягнуты пагадненні, якія дазволілі ўладзіць усе канфлікты. Так, Deezer абавязаўся выплачваць уласнікам аўтарскіх праў працэнт ад прыбытку з рэкламы.

На момант свайго запуску ў 2007 годзе, Deezer яшчэ не складаў пагадненняў з буйнымі музычнымі лэйбламі і таму мог прапанаваць сваім карыстальнікам толькі абмежаваны каталог музыкі. Сэрвісу спатрэбілася больш за два гады для складання пагадненняў з чатырма найбуйнейшымі лэйбламі і ўжо ў 2011 годзе сэрвіс мог прапанаваць слухачам больш за 8 мільёнаў песень. У жніўні 2007 года, у першы месяц сваёй працы, сэрвіс сабраў каля 773 тысяч карыстальнікаў, але ўжо ў маі 2008 года колькасць карыстальнікаў налічвала ўжо 2,75 мільёнаў чалавек, а ў снежні 2009 года карыстальнікаў ужо было 7 мільёнаў.

Нягледзячы на высокую актыўнасць, сэрвіс амаль адразу ж сутыкнуўся з фінансавымі праблемамі — у першай палове 2008 года кампанія атрымала прыбытак усяго ў €875 тысяч, што было недастаткова для аплаты ліцэнзійных збораў. У ліпені 2008 года сэрвіс стаў прадаваць рэкламу праз даччынае рэкламнае агенцтва Deezer Media; у кастрычніку Deezer атрымаў прыбытак ужо $15,8 млн. У лютым 2009 года сэрвіс увёў бясплатную рэгістрацыю для сваіх карыстальнікаў, каб мець магчымасць прапанаваць ім больш мэтавыя рэкламныя прапановы, а ў лістападзе была ўведзена аўдыярэклама, прайграваная ў момант змены песень.

5 лістапада 2009 года Deezer запусціў новую мадэль абслугоўвання. Пакінуўшы базавую бясплатную вэб-трансляцыю, сэрвіс прэзентаваў два абаненцкія тарыфы: за €4,99 карыстальнікі атрымалі магчымасць месяц слухаць музыку ў высокай якасці і без рэкламы, за €9,99 карыстальнікі атрымвалі апроч магчымасцяў вышэйапісанага тарыфу магчымасць загрузкі адмысловай праграмы на прылады з АС Android, BlackBerry і iOS.

У студзені 2010 года генеральны дырэктар і сузаснавальнік кампаніі Джонатан Банассая быў заменены на пасту Акселем Доўшы пасля таго, як з 12 мільёнаў карыстальнікаў на платныя паслугі падпісалася ўсяго 15 тысяч. У жніўні 2010 года аператар мабільнай сувязі Orange склаў шэраг пагадненняў з Deezer, дзякуючы якім колькасць платных карыстальнікаў сэрвісу павялічылася з 6 да 100 тысяч. Да студзеня 2011 года платную падпіску аформілі 500 тысяч чалавек.

У верасні 2011 года сэрвіс дадаў інтэграцыю з Facebook, што дало карыстальнікам магчымасць ажыццяўляць аўтарызацыю з дапамогай свайго ўліковага запісу, а таксама магчымасць абагульваць музыку праз сацыяльную сетку.

У студзені 2012 была анансавана інтэграцыя Deezer з сэрвісам Last.fm, што пасля дало карыстальнікам сэрвісу магчымасць захоўваць песні ў асабістым уліковы запісе сэрвісу Last.fm і ўжыццяўляць скроблінг.

Deezer быў запушчаны ў Францыі ў 2007 годзе. 7 снежня 2011 года Deezer, быўшы ў той час даступным толькі ў Бельгіі, Францыі і Вялікабрытаніі, абвясціў пра сваё жаданне пашырыць зону абслугоўвання на ўвесь свет цягам 2012 года. Паводле даных кампаніі, да канца студзеня планавалася давесці свае паслугі да ўсёй Еўропы, да Паўднёвай і Паўночнай Амерыкі (за выключэннем ЗША), да канца лютага планавалася пашырэнне паслуг на Афрыку і Паўднёва-ўсходнюю Азію. Іншы свет планавалася ахапіць да канца чэрвеня (за выключэннем Японіі).

Фактычна ва ўсёй Еўропе Deezer стаў даступны 15 сакавіка, 25 красавіка сэрвіс быў запушчаны ў Аўстраліі, Канадзе і Новай Зеландыі. 8 чэрвеня сэрвіс абвясціў пра сваю наяўнасць у 35 лацінаамерыканскіх краінах (выключаючы Бразілію). 15 жніўня было абвешчана, што сэрвіс будзе даступны ў Інданезіі, Малайзіі, Пакістане, Філіпінах, Сінгапуры і Тайландзе цягам некалькіх тыдняў.

8 кастрычніка 2012 года сэрвіс абвясціў, што ён атрымаў $130 млн ад холдынга Access Industries на далейшае міжнароднае пашырэнне. Праз два дні сэрвіс абвясціў, што ён стаў даступны ў 76 новых краінах, у выніку чаго яго агульная наяўнасць дасягнула 160 краін. 21 снежня сэрвіс заявіў, што ён выходзіць на новы узровень абслугоўвання, што прапануе дзве гадзіны бясплатнага струменевага прайгравання музыкі ў месяц, даступнага для карыстальнікаў па ўсім свеце.

Па стане на снежань 2012 года, Deezer налічваў каля трох мільёнаў платных карыстальнікаў са штомесячнай сямімільённай актыўнай базы карыстальнікаў. Колькасць песень у каталозе налічвала 20 мільёнаў. Паводле слоў генеральнага дырэктара Акселя Доўшы, да 2016 года кампанія будзе мець пяць працэнтаў долі сусветнага музычнага рынку.

У студзені 2013 года сэрвіс анансаваў пашырэнне сваёй наяўнасці ў 22 новых краінах Афрыкі, Азіі, Блізкага Усходу, даводзячы агульны лік краін наяўнасці да 182. У ліпені 2016 года Deezer дадаў ЗША ў спіс падтрымліваемых краін. Па стане на пачатак 2017 года сэрвіс абслугоўвае 187 краін.

Пачынальна з 2014 года Deezer стаў усталёўваць партнёрскія адносіны з кампаніямі, што маюць вялікую кліенцкую базу. Прыкладам, да іх тычыцца адна з найбуйных у свеце турыстычных кампаній TUI. Кліенты кампаніі атрымалі магчымасць скарыстаць дармовую трохмесяцовую падпіску на Deezer пры браняванні падарожжа. Іншым партнёрам выступіла кампанія Samsung: Deezer быў усталяваны па змаўчанні на тэлефонах Samsung Galaxy S5, а таксама ў дадатак падаваўся дармовы доступ да Deezer на некалькі месяцаў пры куплі дадзенай прылады. У 2021 годзе супольна з A1 Telekom Austria Group Deezer запусціў музычны сэрвіс А1 Xplore Music, пры гэтым абаненты А1 атрымалі доступ да стрымінгавай платформы на адмысловых умовах.

• Deezer даступны на наступных платформах:
• АС Android
• «Разумныя» тэлевізары Bang & Olufsen
• Прылады BlackBerry, што працуюць на АС BlackBerry 10
• Bluesound Network Player
• Убудаваныя сістэмы BMW
• Bose SoundTouch і SoundLink
• Google Chromecast
• Бяздротавыя сістэмы HEOS by Denon
• Мульты-пакаёвыя аўдыясістэмы Harman Kardon
• iOS
• JAMBOX, BIG JAMBOX & Mini JAMBOX ад Jawbone
• Kindle Fire HDX
• Logitech Squeezebox
• MINI Connected
• Сістэма NetRange (Sharp, TCL і іншыя)
• NuVo Wireless Audio Systems
• macOS
• Panasonic TV
• Parrot ASTEROID Classic, Parrot ASTEROID Mini, Parrot ASTEROID Tablet і Parrot ASTEROID Smart Consoles ад Parrot
• Philips TV
• Philips Fidelio, AirPlay, Bluetooth
• Rocki
• Roomplayer і Roomplayer with Amp ад Simple Audio Music
• Samsung M5, M7, HW-H750, HW-H751 Multiroom Wireless Audio Speakers
• Samsung Smart TV
• Sonos Audio Systems
• Sony Home Cinema Blu-ray System
• Stream 1, Stream 3 і Stream Source ад Cabasse
• Toshiba TV
• WD TV
• Тэлевізары на WebOS (LG Smart TV)
• Windows 8
• Windows 10 і Windows 10 Mobile
• Xbox 360
• Xbox One

На сярэдзіну 2020 гады даступныя пяць тыпаў падпісак. Усе тыпы падпісак дазваляюць слухаць музыку без абмежаванняў, а таксама падтрымваюць мабільныя прылады.

Зноскі