Victor M. Bichara, Sr.

Si Victor Masoud Bichara, Sr. (10 Marso 1890 - 27 Oktobre 1961)^[1] sarong Lebanes na namundag sa Maaaser II Chouf, 57 kilometro an rayo sa Beirut, Lebanon.^[2], na naghubo igdi sa Filipinas kan enot na dekada kan ika-20ng siglo asin kan 1923 tinogdas an Cine Bichara igdi sa banwaan nin Naga (ngonyan Siyudad nin Naga), an pinakaenot na sinehan igdi sa Ronang Bikol.^[3]

An naagom niya iyo si Emily Panayotti na saro man Lebanes gikan Bethlehem, Palestina. An mag'agom nagkaigwang doseng aki na iyo sinda Alfredo, Alfonso, Susana, Jaimito, Benjamin, Miguel, Milagros, Julia, Emily, Esther, Victor, Jr., asin si Alex.^[4]

Si Don Victor Bichara, Sr., ginawadan nin pagpipilang postuma kan Sumaro Bikolnon kan Desyembre 9, 2016 huli sa saiyang pagtogdas kan industriya nin sinehan igdi sa Kabikolan kan 1923 na ngapit an nagsurunod pang 31ng sinehan na tinogdas kan pamilya Bichara nagdulot nin labilabing pakinabang sa ekonomiya kan rona', na dawa dai na sambiton an labis na kaalingan iwinaras sa mga paradalan na Bicolano.

Siya nagadan kan Oktobre 27, 1961 sa edad na 71. Siya ilinubong sa Sto. Nino Memorial Park, Syudad nin Naga.

Sarong tamboan an artikulong ini. Makakatabang ka sa Wikipedia sa pagpoon kaining pahina.