|
N. V. M. Gonzalez
Si Néstor Vicente Madali Gonzaga (8 Septyembre 1915 - 28 Nobyembre 1999) sarong Pilipinong nobelista, parasurat nin halipot na isturya, saysay asin, sarong poeta. Napilì bilang Artista Nasyonal kan Pilipinas para sa Literatura kan taong 1997. Si Gonzales, sarong Pilipinong bistadong parasurat, hinihiling ngunyan na sarong literaryong lumigaryo na an mga kontribusyon sa literaturang Pilipino nagwalat nin indedultong marka sa lantad nin kultura asin pintor kan Pilipinas. Sia sarong matibayon na paraistorya, an saiyang mga tataramon nagpalaad sa puso asin isip kan saiyang parabasa. An saiyang mga naisurat sarong patunay kan saiyang hararom na pagkasabot dapit sa pinag-aragihan kan mga Pilipino, asin sa pagsurat niya pinagsararo ang elemento kan historiya, kultura, asin an emosyon kan mga tawo. An saiyang prosa asin tula nagtatao nin sentimental na pagirumdom kan panahon, nagpapahiling kan mga manlain-lain na tradisyon asin pagiging moderno kan Pilipinas. Bilang sarong maurag asin maabilidad na parasurat nakua niya an makulay na pagbuhay kan Pilipino. An saiyang mga isturya igwa nin tema kan pagkakabisto,mga pamana, asin an kamugtakan kan tawo, ini para maipahiling sa mga parabasa an manlain-lain na pagbuhay. Sa paagi kan saiyang mga nagibo, nagtao siya nin liwanag sa mga pinag-agihan asin trayumpo kan kapwa niya Pilipino, asin naging inspirasyon kan mga arog niya man na parasurat asin sa mga naghahanap nin hararom na pagkaintindi sa kultura kan Pilipino. An saiyang pagkamuot sa literaryo naging pamana na niya sa kapwa niya, ta an saiyang mga ginibo padagod na tig- aadalan asin tig seselebrar kan mga iskolar, estudyante, asin parabasa. An saiyang ambag sa pagsurat bako sana nagpayaman kan literatura kan nasyon, kundi dagos na nagserbi nin tulay sa manlain-lain na henerasyon, ini nagtatabang tanganing mapreserba an mga memoryang ini asin an pamana sa mga Pilipino. Siya namundag kan ika 8 kang Setyembre taong 1915 sa Romblon, Pilipinas. Alagad nagdakula sya sa Mansalay, probinsya kan Oriental Mindoro. Aki siya kan sarong superbisor sa eskwelahan asin kan sarong maestra. Kan siya sultero pa, tig tatabangan niya an saiyang ama para maghatod nin karne sa mga harong sa saindang lugar. siya saro man ning paratugtog. Nagtutogtog siya nin violin asin nakagibo nin apat na gitara. Nagka kwarta siya kaidto sa pagtugtog nin violin kada may gadan na intsik sa Romblon. Nag eskwela man siya sa Mindoro High School(ngunyan iyo an Jose J. Memorial National High School) puon kan taong 1927 abot 1930. Nagklase man siya nin kolehiyo sa National University (Manila) alagad dae niya natapos an saiyang kurso. Habang yaon siya sa Manila nagsurat siya para sa Philippine Graphic kan naghaloy naging editor kan Evening News Magazine asin sa Manila Chronicle. An inot niyang naipublikar na saysay nagluwas sa Philippine Graphic asin an inot niyang tula sa Poetry kan 1934. Ginibo niya an saiyang marka sa Philippine writing Community bilang sarong miyembro kan Board of Advisers of Likhaan: the University of the Philippines Creative Writing Center na iyo an editor kan The Diliman Review asin an inot na presidente kan Philippine Writers' Association. Nagklase man siya sa creative writing classes sa irarom ni Wallace Stegner asin Katherine Anne Porter sa Unibersidad kan Stanford. Nagbalik siya sa Pilipinas kan 1950 asin nagtukdo sa Unibersidad kan Sto Tomas, sa Philippine Women's University, asin sa Unibersidad kan Pilipinas (U.P). Kan yaon siya sa U.P saro sana siya sa duwang miyembro kan faculty na inako para magtukdo sa Unibersidad maski mayong tig graduwaran. Basado sa saiyang mga publikasyong literaryo asin sa saiyang pagkamanlain-lain, dae naghaloy nagtukdo siya sa Unibersidad kan California, Santa Barbara, California State University, Hayward, sa Unibersidad kan Washington, asin sa Unibersidad kan California, Berkeley.  Kan 14 Abril 1987, an Unibersidad kan Pilipinas nagtao ki N.V.M. Gonzaga nin degree of Doctor of Humane Letters, honoris causa,"para sa saiyang mamuknang henyo sa paghaman kan halipot na istorya asin nobela sa Pilipinas, asin paggibo nin bagong linaw sa idiomang Ingles asin tradisyon na kun saen siya nagpatindog nin tunay na bokabularyo, ... para sa saiyang may pakarorop na kritisismo, paagi kaini pinakarhay niya an literaryong tradisyon kan Pilipino asin pinagyaman an karapatan kan gabos na parasurat kan presenteng henerasyon... N.V.M. Si Gonzaga tig proklamar bilang Artista Nasyonal kan Pilipinas kan 1997. Nagadan siya kan ika 28 Nobyembre 1999 sa edad na 84. Bilang sarong National Artist, ginawadan sya onra kan kargong estado sa Libingan ng mga Bayani.  An mga gibo ni Gonzalez naipublikar naman sa Pilipino, Ingles, Intsik, Aleman, Ruso asin Indonesia. Mga Nobela/poet
Halipot na osipon
Mga Saysay
Toltolan.jpg) Pinopoonan an artikulong ini sa Literatura. Makakatabang ka sa Bikol Wikipedia sa pagparambong kaining pahina. |
||||||||||||||||||||
