Kim P. Alarcon

Si Kim P. Alarcon tubong San Jose, Camarines Sur sarong maestro asin bikolanong parasurat, namundag kan Nobyembre 9, 1996. Siya ngunyan nag tutukdo sa Salogon, Elementary School sagkud siya nag kukuang Masters in Education in Curriculum Instruction Major in Elementary Early Childhood Education sa sarong prestihiyusong eskwelahan kan Bicol an Ateneo de Naga University. Siya nag tapos nin elementarya sa Telegrafo Elementary School kan suarin sa ika-limang grado nag poon siya mag surat. Nag klase siya nin sekondarya sa Vivencio Obias-Kinalansan National High School.

Taon 2017, tinapos niya an kursong Bachelor of Secondary Education Major in English sa Partido State University sa Goa, Camarines Sur. Siya kasali sa organisasyon nin Association of Language and Literature Enthusiast kan siya nasa koliheyo.

An storyang "An Aki asin an Maurag na Lapis na Mayong Pamura" nasurat kan taon 2018, kan suarin siya nagin partisepante sa ika-walong Saringsing Writers Workshop na pinapadalagan kan Parasurat Bikolnon, kaibahan an iba pang nuebe na para surat na hali sa man iba-ibang syudad kan Bicol. Ginibo ini sa Buhi, Camarines Sur kan Abril 14-17 manungod sa mga literatura pan aki.

Ipinagpublikar an saiyang sinurat na "An Mga Ulod sa Nag Lalayog na Gapo" sa sarong online library kan taon 2021. Ini patungkol sa apat na ulod na nag buo kan ancient settlement kan Ibalon.