Si Carlos Peña Rómulo, QSC PLH (14 Enero 1899 – 15 Desyembre 1985) sarong Filipinong diplomatiko, estadista, soldados, peryodista, asin kagsurat. Sa edad na 16, siya nagin nang reporter, asin sa edad na 20, nagin nang editor nin peryodiko, dangan sa edad na 32, saro' nang sayod na kagpublikar nin peryodiko. Siya an katuwang na kagmukna kan Boys Scouts kan Filipinas, nagin heneral sa Hokbo kan Estados Unidos, asin kan Hokbong Filipino, presidente nin unibersidad, Presidente kan Nasyon Unido Asambliya Heneral asin nagin man saro sa Artista Nasyonal kan Filipinas sa Literatura, asin kagresibi nin dakul na mga onra asin mga titulo honoris causa.
Edukasyon
Namundag sa Camiling, Tarlac, siya nagkua kan saiyang elementarya sa Casmiling Central Elementary School. Sa kolehiyo, nag'adal siya sa Unibersidad kan Filipinas (B.A., 1918) asin sa Columbia University (M.A. 1921). Siya an pinakaenot na Asyano asin Filipino nagkamit kan Pulitzer Prize.
Karera diplomatiko
Si Romulo nagserbe sa walong presidente nin Filipinas komo Sekretaryo nin Department of Foreign Affairs, poon ki Manuel L. Quezon sundo ki Ferdinand Marcos asin nagin representante kan Filipinas sa Estados Unidos asin sa Nasyon Unido. Kan periodong Kumonwelt, siya man nagserbi bilang Resident Commissioner sa U.S. House of Representatives. Kan an presidente iyo si Diosdado Macapagal, siya nagserbi sa gabinite niya bilang Sekretaryo nin Edukasyon asin siring man sa gabinite ni Presidente Ferdinand Marcos sa siring man na katongdan, poon 1962 abot 1968.
.[1][2]
Presidente kan Nasyon Unido Asambliya Heneral
Siya nagserbe bilang Sekretaryo Heneral sa Ika-apat na Sesyon kan Nasyon Unido Asambliya Heneral kan taon 1949 asin pamayo kan United Nations Security Council.[3][4] Siya nagserbi ki Heneral Douglas MacArthur sa Pasipiko, embahador sa Estados Unidos, asin pinakaenot na bakong-Amerikanong na magkamit kan Premyo Pulitzer sa Correspondence kan taon 1942. An websityo kan Pulitzer Prize nagpahayag na si Carlos P. Romulo kan Philippine Herald pinaggawaran huli sa "saiyang mga pagmasid asin paghuna-huna sa mga desarolyo sa Far Eastern durante kan saiyang turno sa mga sentro nin ribok poon Hong Kong abot Batavia."
Mga Onra asin Pagmidbid
Gen. Romulo (3d from R), bilang Presidente kan Nasyon Unido Asambliya Heneral, kaulay si Primer Ministro Jawaharlal NehruLadawan:Manilajf0292 10.JPGEstatuwa ni Carlos P. Romulo sa UN Avenue.
Si Rómulo gayod iyo na an Filipinong pinaka'nagawadan nin pag'onra sa historya, na kun saen kabali diyan an 82 na titulo honoris causa hale sa manlaen-laen na mga institusyon internasyonal asin mga unibersidad asin 74 dekorasyon idinuhol nin mga iba-ibang nasyon:
Nobel Peace Prize nominasyon kan 1952 "For his contribution in international cooperation, in particular on questions on undeveloped areas, and as president for UN's 4th General Assembly"[5]
World Government News First Annual Gold Nadal Award (para sa mga paghingoa sa Nasyon Unido para sa katoninongan asin gobyernong pangkinaban), Marso 1947
Crusade in Asia (The John Day Company, 1955; about the 1953 presidential election campaign of Ramon Magsaysay)
The Meaning of Bandung
The Magsaysay Story (with Marvin M. Gray, The John Day Company 1956, updated re-edition by Pocket Books, Special Student Edition, SP-18, December 1957; biography of Ramon Magsaysay, Pocket Books edition updated with an additional chapter on Magsaysay's death)
