|
Pendueles (parroquia)
Pendueles[2] ye una parroquia del conceyu asturianu de Llanes. Asitiada na fastera costera del conceyu, nel so estremu nororiental, tien una estensión de 7,99 km². Llenda al norte col mar Cantábricu, al sur coles parroquies llanisques de Tresgrandas y Carranzo, al oeste cola de Vidiago y al este col conceyu de Ribedeva. Tien una población (INE, 2009) de 249 habitantes, que se reparten ente los llugares de Buelna, Pendueles y Santiuste. El pueblu de Pendueles, cabecera de la parroquia, divídese en varios barrios, por un llau ta Raos, Berines, La Laguna, Trey y Las Cocheras. El centru neurálxicu y social del pueblu ye la zona de la bolera aprovechá pol veranu tantu pa les fiestes patronales como pa que xueguen los guajes mas qu'a los bolos al pote-pote aunque paez qu'esti xuegu se ta perdiendo na ultima xeneración. Xunto cola bolera la parada l'autobus ye l'otru nucleu de Pendueles, nella ademas de los viaxeros que ten de pasu podemos topar colos mas sabios del llugar debatiendo de temes trascendentales pal desarrollu del pueblu y del pais. El pueblo de Pendueles tien tres fiestes las principales son las de la Sacramental el 18 d'agostu, la nuechi enantes plantase la hoguera que ye un palu d'ocalitu de treintaitantos metros d'altu que los mas duros del llugar llevanten con unes cuerdes. Les otres dos fiestes son San Acisclo patron del pueblu n'honor del que se fai un amagüestu a mediaos de Noviembre y San Antoniu en Xunu, que ye'l santu los guajes. La parroquia de Pendueles ye famosa poles sos playes, entamando desde la fastera oriental topamonos col complexu xeologicu de Cobixeru formáu poles playes de La Silluca, la propia Cobixeru y la llaguna fangosa El Molin, si seguimos palantre topamos cola sablera Buelna una cala piquiñina con un picon. Mas hacia LLanes esta la sablera de Castiellu que ye de piedres y cantos rodaos pero cuya caracteristica principal ye que ta formada en rededor d'unos picones, esta playina tien varies zones inportantes: entamando pela derecha topamos el pozu los perros, la piedrona y los picones. Por ultimu la parroquia fina na sablera de Bretones o el Puertu que llega hasta la boca del riu Nobales. Llocalidaes
Sitios
Referencies
Enllaces esternos
|
|||||||||||||||||||||||||||||||||||||||||||||||||||||||||||||
.jpg)
.svg){kind=small}
