|
Llibra esterlina
La llibra esterlina (en inglés pound sterling) ye la divisa del Reinu Xuníu y de les Dependencias de la Corona Británica. La so abreviatura ye GBP (códigu ISO 4217) y el so símbolu ye £ (que remana del llatín llibra, que se refería a la unidá de masa). Un llibra divídese en 100 peniques. El nome oficial dafechu, "llibra esterlina" (en plural llibres esterlines), ye usáu en contestos formales y tamién cuando se fai necesario desemeyar la moneda que s'usa nel Reinu Xuníu de les que s'usen n'otros países y que caltienen el mesmu nome. El nome de la divisa -pero non los nomes de les sos unidaes- abréviase delles vegaes namái como "esterlina", particularmente nos mercaos financieros de venta al por mayor; por exemplu "acéutase pagu n'esterlines", pero non "eso cuesta cinco esterlines". Les abreviatures "ster." o "stg." úsense menos. El términu llibra británica úsase davezu en situaciones menos formales, magar que nun ye un nome oficial de la divisa. La esterlina ye una antigua moneda inglesa de plata esterlina, una aleación d'un 92,5% de plata y un 7,5% de cobre y/u otros metales, y con una masa de 1,555 gramos, o 1/240 de una llibra troy. ReferenciesEnllaces esternos
|
|||||||||||||||||||||||||||
