Tracia
Ang Tracia o Thrace ( /θreɪs/, thrayss)[1] ay isang rehiyong heograpiko at makasaysayan sa Timog-silangang Europa na halos katumbas ng lalawigan ng Thracia sa Imperyong Romano. Napapaligiran ng Kabundukang Balkanes sa hilaga, ng Dagat Egeo sa timog, at ng Dagat Itim sa silangan, binubuo ito ng kasalukuyang timog-silangang Bulgarya (Hilagang Tracia), hilagang-silangang Gresya (Kanlurang Tracia), at ng bahaging Europeo ng Turkiya (Silangang Tracia). Ang mga lupaing tinirhan din ng mga sinaunang Trasyano ay umaabot sa hilaga hanggang sa modernong Hilagang Bulgarya at Rumanya at sa kanluran hanggang sa Macedonia.
Etimolohiya
Ang salitang Tracia, mula sa sinaunang Griyegong Thrake (Θρᾴκη),[2] ay orihinal na tumutukoy sa mga Trasyano (sinaunang Griyegong Thrâikes Θρᾷκες),[3] isang sinaunang taong naninirahan sa Timog-silangang Europa . Ang pangalang Europa (sinaunang Griyegong Eurṓpē Εὐρώπη), ay unang tumutukoy rin sa rehiyong ito, bago lumawak ang terminong iyon upang maisama ang modernong kahulugan nito.[4][5]
Inangkin ng heograpo noong ika-anim na siglo na si Esteban ng Bizancio na, bago pa man nagsimulang tukuyin ng mga sinaunang Griyego ang rehiyon bilang Tracia, kilala ito bilang Aria (Aría Ἀρία) at Perke (Pérkē Πέρκη).[6][7]
Sa wikang Turko, ang Tracia ay karaniwang tinutukoy bilang Rumeli, na nangangahulugang "Lupain ng mga Romano", na siyang pangalang tradisyonal na ibinigay ng mga lipunang Turko sa Imperyong Bisantino at mga Kristiyanong Ortodokso.
Sa mitolohiyang Griyego, ang Tracia ay ipinangalan sa pangunahing tauhang babae at mangkukulam na si Thrace, na anak nina Okeanos at Parthenope, at kapatid ni Europa.
Heograpiya
Mga lungsod
Ang pinakamalaking lungsod ng Thrace ay: Istanbul, Plovdiv, Çorlu, Tekirdağ, Burgas, Edirne, Stara Zagora, Sliven, Yambol, Haskovo, Komotini, Alexandroupoli, Xanthi, at Kırklareli.
Mga tala
- ↑ Bulgaro: Тракия, romanisado: Trakiya; Griyego: Θράκη, romanisado: Thráki; Turko: Trakya
- ↑ Θρᾴκη. Liddell, Henry George; Scott, Robert; A Greek–English Lexicon sa Perseus Project
- ↑ Θρᾷξ. Liddell, Henry George; Scott, Robert; A Greek–English Lexicon sa Perseus Project
- ↑ "Greek goddess Europa adorns new five-euro note". BBC News. 10 January 2013.
- ↑ Pagden, Anthony (2002). "Europe: Conceptualizing a Continent" (PDF). Mula sa Pagden, Anthony (pat.). The idea of Europe: from antiquity to the European Union (sa wikang Ingles). Washington, DC; Cambridge; New York: Woodrow Wilson Center Press; Cambridge University Press. doi:10.1017/CBO9780511496813. ISBN 9780511496813. Inarkibo (PDF) mula sa orihinal noong 9 October 2022.
- ↑ Stephanus Of Byzantium – Ethnica, Theta 316.9
- ↑ Billerbeck, Margarethe (2010). Stephanus von Byzanz: Stephani Byzantii Ethnica / Delta – Iota (sa wikang Aleman). pp. Theta. ISBN 978-3111738505.
- Museo Etnolohikal ng Thrace, komprehensibong website tungkol sa kasaysayan at kultura ng Thrace.
- Arkeolohiya sa Bulgaria. at Higit Pa - Arkeolohiya, Kasaysayan at Kalikasan: ang Koneksyon ng Tao - Daigdig Archived Ang pinakasikat na Kayamanan ng Thracian ng Bulgaria – Ang Panagyurishte Gold Treasure, ibabalik pagkatapos ng dalawang taon
- Ang Pamana ng mga Thracian sa Bulgaria. kabilang ang mga larawan ng komprehensibong koleksyon ng sining ng gintong Thracian na matatagpuan sa teritoryo ng kontemporaryong Bulgaria.
- Impormasyon tungkol sa Sinaunang Thrace
- Ang mga Tao ng Diyos-Araw na Ar at Areia (modernong Thrace) Ang mga Tao ng Diyos-Araw na Ar at Areia (Modernong Thrace)
- Posibleng ukit sa batong Orphic Lyre na natuklasan sa Silangang Kabundukan ng Rhodope ng Bulgaria. Archived
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.