Software

Kompyuter software, o kahit software lamang ay pangkat ng mga utos na nababasa ng makinang nangangasiwa sa processor ng kompyuter para gumawa ng mga tiyak na operasyon. Magkaiba ang software ng kompyuter sa pisikal na bahagi nito, ang hardware. Kailangan ng software at hardware ang isa't-isa at hindi mo talaga sila magagamit kung wala ang isa. Gamit ang musikal na analohiya, ang hardware ay parang instrumentong pangmusika at ang software ay parang sheet music.

Kasama sa kompyuter software ang mga programa, mga library at ang kanilang mga kaugnay na dokumentasyon. Ang salitang software ay ginagamit din minsan sa mas mababaw na kahulugan, na ang ibig sabihin ay application software lamang.

Sa pinakamababang lebel, ang executable code ay binubuo ng utos ng machine language na tiyak sa isang indibidwal na processor - kadalasan ang central processing unit. Ang machine language ay binubuo ng grupo ng mga 0 at 1 na pinapahiwatig ang utos ng processor kung saan binabago nito ang estado ng kompyuter mula sa nakaraan nitong estado. Halimbawa, maaaring baguhin ng isang utos ang halaga na nakatago sa isang partikular na lugar sa loob ng kompyuter - isang epekto na hindi direktang nakikita ng gumagamit. Pwede rin ang isang utos ang maging dahilan para may lumabas na isang bagay sa display ng kompyuter - isang pagbabagong makikita ng gumagamit. Isinasagawa ng processor ang mga utos sa ayos na ibinigay sa kanila, maliban na lamang kung inutusan itong "tumalon" sa ibang utos, o natigil.

Unang ginamit ang katagang ito sa ganitong kaisipan ni John W. Tukey noong 1958.[1].

Larawan ng LibreOffice Writer

Ilan sa kabilang rito ay:

  • Ang application software, tulad ng mga word processor, na naggagawad ng mga gawaing kapakipakinabang sa mga gumagamit nito.
  • Ang firmware na isang uri ng software na itinatalaga sa mga kasangkapang tumatanggap ng panuto sa pamamaraang elektrikal. Naiiba ito sa ibang software dahil hindi ito nabubura o nagbabago kahit na walang dumadaloy na kuryente sa kasangkapang kinapagpapalooban nito.
  • Ang middleware na siyang namamahala at nagpapakilos ng mga kalat-kalat na sistemang pang-kompyuter.
  • Ang mga website na nagbibigay kaalaman at kakayahan sa mga taga-gamit sa pamamagitan ng internet o intranet.

Ginagamit din minsan ang katagang "software" sa malawakang pagtukoy sa anumang bagay na ginagamit ng hardware ngunit hindi nananatili rito gaya ng mga pilm, tape at mga record.[2]

Tingnan din

Mga sanggunian

  1. ↑ John Tukey, 85, Statistician; Coined the Word 'Software', New York Times, Obituaries, Hulyo 28, 2000
  2. ↑ software..(n.d.). Dictionary.com Unabridged (v 1.1). Retrieved 2007-04-13, from Dictionary.com website: http://dictionary.reference.com/browse/software

Mga kawing panlabas

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.