Palitaw

Sangkap ng Palitaw
Para sa ibang mga gamit, tingnan ang Palitaw (paglilinaw).

Ang palitaw ay isang uri ng mamon[1] o keyk[1] sa Pilipinas na niluto mula sa giniling na malagkit na bigas, at hinaluan ng asukal at binudburan ng kinayod na murang niyog at linga.[2] Ang palitaw ay tinatawag na bilu-bilo (bilog o binilog)[2] kung kasama bilang sahog sa ginatang may lamang-ugat kagaya ng kamote, gabi, ube, atbp. Tinatawag itong palitaw dahil isang indikasyon na luto na ito ay ang paglutang o paglitaw nito sa kumukulong tubig.

Pagluluto

Tinatawag ang sangkap nito na giniling na malagkit na bigas bilang galapong. Nagiging galapong ang malagkit na bigas pagkatapos itong hugasan, ibabad, at dinurog sa ginilingan. Matapos na alisin ang sobrang tubig mula sa proseso ng pagdurog, binibilog ito sa ilang piraso at pinapatag upang maging hugis bilog. Niluluto naman ito sa pamamagitan ng paghuhulog nito sa kumukulong tubig; kapag lumutang na ito, luto na ito. Bago ito ihain, binubudburan muna ito ng kinayod na niyog at pwede ring mayroong asukal at tustadong linga.[3]

Sa panitikang Pilipino, nabanggit ang katangian ng palitaw sa isang tula ng manunulat na si Lamberto Antonio na Takada ni Islaw Palitaw kung saan ang unang dalawang linya ay sinabi na "Ang tawag sa akin ay Islaw Palitaw Lulubong-lilitaw sa tae ng kalabaw".[4]

Mga sanggunian

  1. ↑ 1.0 1.1 The New Filipino-English English-Filipino Dictionary (Ang Bagong Diksiyunaryong Pilipino-Ingles Ingles-Pilipino), ni Maria Odulio de Guzman, National Bookstore, 1968, muling nailimbag noong 2005, may 197 na mga pahina, ISBN 9710817760
  2. ↑ 2.0 2.1 Diksyunaryong Tagalog-Ingles ni Leo James English, Kongregasyon ng Kabanalbanalang Tagapag-ligtas, Maynila, ipinamamahagi ng National Book Store, may 1583 na mga dahon, ISBN 971910550X
  3. ↑ Nocheseda, Elmer I. "IN PRAISE OF SUMAN PAST". Tagalog Dictionary. Retrieved 2008-01-26.
  4. ↑ Santiago, Lilia Quindoza (2007). Mga panitikan ng Pilipinas. Published and distributed by C & E Pub. p. 80. ISBN 978-971-584-542-7.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.