Nusantara

Ang ginintuang mapa ng Nusantara sa loob ng Hall of Independence, Indonesian National Monument, Jakarta. Makikita na kasama rin ang Sabah, Sarawak, Brunei at Silangang Timor.

Ang Nusantara ay isang makabagong salitang Malay-Indones na pumapatungkol sa kabuuan ng Kapuluang Indonesia.[1] Ito ay nagmula sa Lumang Habanes at nangangahulugang "kapuluan".[2] Sa kasalukuyang Malaysia, ang salita ay pumapatungkol sa "Kaligirang Malay".

Ang salitang Nusantara ay kinuha mula sa panunumpa ni Gajah Mada noong 1336, na isinulat gamit ang Lumang Habanes sa Pararaton at Nagarakretagama.[3] Si Gajah Mada ay isang makapangyarihang pinuno ng militar at punong ministro ng Majapahit na nagbigay katanyagan sa buong imperyo. Siya ay nagbigay-panata na pinamagatang Sumpah Palapa, kung saan siya ay nanumpang hindi kakain ng kahit na anong pagkain na may halong panimpla hangga't hindi niya nasasakop ang buong Nusantara sa karangalan ng Majapahit.

Sa kasalukuyang pag-aaral, ang konseptong Nusantara ay pinaniniwalaang hindi nagmula kay Gajah Mada sa unang pagkakataon noong 1336. Ito ay mas naunang nabuo noong 1275 bilang Cakravala Mandala Dvipantara na nagmula kay Kertanegara ng Singhasari.[4] Ang Dvipantara ay salitang Sanskrit na ang ibig-sabihin ay "mga islang nakapagitan", ang magkatumbas na salitang "nusa" ng Nusantara at dvipa ay parehong nangangahulugang "isla". Ang salita ay tumutukoy sa Kapuluang Timog-silanganin ng Asya. Binalak ni Kertanegara na pagsamahin ang mga kaharian sa Timog-silangang Asya sa pamumuno ng Singhasari bilang depensa sa lumalakas na pwersa ng Dinastiyang Yuan sa kalupaan ng Tsina.

Mga sanggunian

  1. ↑ Echols, John M.; Shadily, Hassan (1989), Kamus Indonesia Inggris (An Indonesian-English Dictionary) (ika-1st (na) labas), Jakarta: Gramedia, ISBN 979-403-756-7
  2. ↑ Friend, T. (2003). Indonesian Destinies. Harvard University Press. p. 601. ISBN 0-674-01137-6.
  3. ↑ Mpu, Prapañca; Robson, Stuart O. (1995). Deśawarṇana: (Nāgarakṛtāgama). KITLV. ISBN 978-90-6718-094-8. {{cite book}}: Invalid |ref=harv ()
  4. ↑ Wahyono Suroto Kusumoprojo (2009). Indonesia negara maritim. PT Mizan Publika. ISBN 978-979-3603-94-0. {{cite book}}: Invalid |ref=harv ()

Mga kawing panlabas

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.