Karnabal

Mga kalahok sa isang parada ng karnabal sa Rio de Janeiro, Brasil.
Karnabal ng Santa Cruz de Tenerife, Espanya.

Ang karnabal ay isang panahon ng kasayahan. Tinatawag din itong pestibal o mardi gras. Maaari ring tumukoy ang karnabal sa isang lugar ng kasayahan.[1] Bilang panahon, agad na nagaganap ito bago sumapit ang panahon ng Kuwaresma (Mahal na Araw o Santa Semana). Nangyayari ang pangunahing mga kaganapan tuwing Enero at Pebrero. Kalimitang kinasasangkutan ito ng pangmadlang pagdiriwang o paradang nagsasama ng ilang mga elemento ng isang sirkus, maske (mula sa Ingles na masque), at publikong handaan sa langsangan. Malimit na nagsusuot ng kostyum o mga maskara (maskarada, mula sa masquerade) ang mga tao sa panahon ng mga selebrasyon, na tanda ng pag-ikot ng pang-araw-araw na buhay. Bagaman magkakaiba ang umpisang araw ng karnabal, karaniwang umiigting ang pestibal sa linggo bago ang Kuwaresma, na nagtatapos sa Mardi Gras (bigkas: /mar-di-gra/, Pranses para sa "Matabang Martes"), bago ang Miyerkules ng Abo, ang simula ng Kuwaresma.

Etimolohiya

Bagaman pinagtatalunan ang pinagmulan ng salitang karnabal, ayon sa isang panukala o teoriya nagbuhat ang carnival sa Griyegong prepiks o paunang carn ("mangangain ng karne"),[2] na tumutukoy sa isang kariton sa isang paradang relihiyoso, katulad ng karo sa isang prusisyon sa taunang mga pestibidad ng pagpaparangal sa diyos na si Apollo. May ibang mga sanggunian naman ang nagmumungkahing nagmula ang pangalan sa Italyanong carne levare o katulad nito, na may ibig sabihing "tanggalin ang karne", dahil bawal ang laman tuwing Kuwaresma.[3] May isang panukalang nagsasaad na nagmula ang salita sa Huling Latin na ekspresyong carne vale, na nangangahulugang "paalam na sa karne", na tanda na ang mga ito ang huling mga araw kung kailan maaaring kumain ng karne ang isang tao bago ang pag-aayuno sa Kuwaresma. Subalit mayroon pa ring isang pagsasalinwikang naglalarawan ng carne vale bilang "isang pamamaalam sa laman", isang pariralang niyakap ng partikular na mga selebrasyon ng karnabal na nanghihikayat ng pagpapalaya o pag-aalis ng iyong dati o pang-araw-araw na sarili at pagyakap naman sa walang pakundangang kalikasan ng pestibal.

Tingnan din

Mga sanggunian

  1. ↑ Gaboy, Luciano L. Carnival, karnabal, festival - Gabby's Dictionary: Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
  2. ↑ Reichman, Ruth. Karnival, Fastnacht, Fasching[patay na link]
  3. ↑ Carnival, Online Etymology Dictionary, etymonline.com

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.