Jordan Anderson

Jordan Anderson
May-akda ng pang-1865 na Letter from a Freedman to His Old Master ("Liham mula sa isang Taong Pinalaya sa Kaniyang Dating Amo")
Kapanganakan
Jourdon Anderson

Disyembre 1825
Tennessee, Estados Unidos
KamatayanAbril 15 1907 (edad 81)
Dayton, Estados Unidos
MamamayanEstados Unidos ng Amerika

Si Jordan Anderson o Jourdon Anderson (Disyembre 1825 – 15 Abril 1907)[1] ay isang Amerikanong Aprikano na dating alipin na kinikilala dahil sa isang liham na isinulat niya, na pinamagatan bilang "Letter from a Freedman to His Old Master" ("Liham mula sa isang Taong Pinalaya sa Kaniyang Dating Amo"). Nakalaan ang sulat para sa kaniyang dating amo o panginoon na si Koronel P. H. Anderson, bilang pagtugon sa kahilingan ng Koronel na magbalik Jordan sa plantasyon (taniman) upang makatulong sa pagpapanumbalik ng sakahan pagkaraan ng kaguluhang naganap noong panahon ng digmaan. Inilarawan ito bilang isang bihirang halimbawa ng nakadokumentong "katatawan ng alipin" noong kapanahunang iyon, at dahil sa estilo nitong estrikto, hindi natitigatig, at hindi nagbabago na maihahambing sa estilo ng panunudyo ni Mark Twain.[2]

Talambuhay

Ipinanganak si Anderson noong bandang 1825 sa isang pook sa Tennessee, Estados Unidos.[1] Pagsapit ng kaniyang ika-7 o ika-8 taon, ipinagbili siya bilang isang alipin kay Heneral Paulding Anderson ng Big Spring sa Wilson County, Tennessee, at lumaong naipasa papunta sa anak na lalaki ng heneral na si Patrick Henry Anderson, marahil bilang isang personal na tagapaglingkod at kalaro dahil sa ang dalawa ay mayroong magkahalintulad na edad. Noong 1848, pinakasalan ni Jordan Anderson si Amanda (Mandy) McGregor. Sa pagdaka ang dalawa ay magkakaroon ng labing-isang mga anak. Noong 1864, nagkampo ang Hukbo ng Unyon sa taniman ng mga Anderson at pinalaya si Jordan Anderson, na pagdaka ay nanatili sa Dayton, Ohio.[2] Nakatagpo siya doon ng hanapbuhay bilang isang katulong, tagapaglinis, kutsero, o tagapag-alaga ng kabayo, hanggang 1894, nang siya ay maging isang sexton, marahil sa Simbahang Metodistang Wesleyano; isang posisyong hinawakan niya hanggang sa kaniyang kamatayan.[1] Namatay siya sa Dayton noong 15 Abril 1907 dahil sa "kapaguran" (pagkahapo) sa gulang na 81, at inilibing sa Sementeryo ng Woodland, isa sa pinakamatatandang mga libingang "hardin" sa Estados Unidos.[1] Namatay si Amanda noong 12 Abril 1913; inilibing siyang katabi ng lugar na pinaglibingan kay Jordan Anderson.[1]

Mga sanggunian

  1. ↑ 1.0 1.1 1.2 1.3 1.4 Dalton, Curt. "Jourdon Anderson, Dayton History Books". Dayton History Books Online. Inarkibo mula sa orihinal noong 2016-03-03. Nakuha noong 22 Setyembre 2012.
  2. ↑ 2.0 2.1 Breed, Allen G.; Italie, Hillel (14 Hulyo 2012). "How did ex-slave's letter to master come to be?". The Salt Lake Tribune. Associated Press. Nakuha noong 16 Hulyo 2012.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.