Hunyo
| << | Hunyo | >> | ||||
| Li | Lu | Ma | Mi | Hu | Bi | Sa |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
| 2026 | ||||||
Ang Hunyo ay ang ikaanim na buwan ng taon sa mga kalendaryong Huliyano at Gregoryano. May haba ito na 30 araw. Nasa Hunyo ang soltisyo ng tag-init sa Emisperyong Hilaga, ang araw na may pinakamaraming oras na sumisikat ang araw, at ang soltisyo ng tagniyebe sa Emisperyong Katimugan, ang araw na may pinakakaunting oras na sumisikat ang araw (maliban sa mga rehiyong polar sa parehong kaso). Ang Hunyo sa Emisperyong Katimugan ay ang katumbas na panahon ng Disyembre sa Emisperyong Hilaga at ang kabaligtaran nito. Sa Emisperyong Katimugan, nag-umpisa ang tagniyebeng meteorolohikal sa Hunyo.[1]
Etimolohiya at kasaysayan
.jpg)
Ang pangalang Latin ng Hunyo ay Junius. Nag-aalok si Ovidio ng maraming etimolohiya ng pangalan sa Fasti, isang tula tungkol sa kalendaryong Romano. Ang unang etimolohiya ng Hunyo ay ipinangalan sa diyosang si Huno, ang diyosa ng kasal at ang asawa ng kataasan-taasang diyos na si Hupiter; ang ikalawang etimolohiya ay nagmula sa salitang Latin na iuniores, na nangangahulugang "mga nakakabata", salungat sa maiores ("mga nakakatanda") kung saan ipinangalan ang nakaraang buwan na Mayo (Maius).[2] May isa pang sanggunian ang sinasabing ipinangalan ang Hunyo kay Lucius Junius Brutus, tagapagtatag ng Republikang Romano at ninuno ng Romanong gens Junia.[3]
Noong sinaunang Roma, tinuturing ang panahon mula kalagitnaan ng Mayo hanggang kalagitnaan ng Hunyo na hindi katanggap-tanggap para sa pagpapakasal. Sinabi ni Ovidio na kinunsulta niya si Flaminica Dialis, ang mataas na saserdotisa ni Hupiter, tungkol sa pagtatakda ng petsa sa kasal ng kanyang anak na babae, at pinayuhan na maghintay hanggang pagkatapos ng Hunyo 15.[4] bagaman, ipinahiwatig ni Plutarko, na ang buong buwan ng Hunyo ang mas kanais-nais para sa mga kasal kaysa Mayo.[5]
Mga simbolo
Ang mga birthstone o batong-kapanganakan ng Hunyo ay perlas, alehandrita at pieded de luna. Rosas at granidilya ang mga bulaklak-kapanganakan ng Hunyo. Ang mga senyas ng sodyak ng Hunyo ay Gemini at Cancer (mula Hunyo 21 pataas). Ang parehong petsa ito ay para sa Estados Unidos (Eastern Daylight Time o Oras ng Liwanag ng Araw sa Silangan). Para sa UT/GMT na petsang pang-mundo, ang mga petsa ay 19–20.[6][7]
Mga pagdiriwang
Buong buwan
- Buwan ng Banal na Puso ni Jesus (tradisyong Katoliko)
- Buwan ng Kamalayan sa LGBTQ+ at buwan ng Pagpapahalaga sa Sarili (o Pride month)
Iba't ibang petsa
- Araw ng Ama (Ikatlong Linggo ng Hunyo sa Pilipinas)
Nakapirmi
- Hunyo 1
- Araw ng mga Bata (Internasyunal), at ang mga kaungay na pagdiriwang
- Pandaigdigang Araw ng mga Magulang
- Pandaigdigang Araw ng Gatas
- Araw ng mga Bata (Internasyunal), at ang mga kaungay na pagdiriwang
- Hunyo 5
- Araw ng Kapaligirang Pandaigdig
- Hunyo 12
- Araw ng Kalayaan (Pilipinas)
- Pandaigdigang Araw Laban sa Patratrabaho ng Bata (Internasyunal)
- Hunyo 15
- Araw ng Karta ng Cagayan de Oro (Cagayan de Oro)
- Hunyo 19
- Pista ng Gubat (Palawan)
- Araw ng Laguna (Laguna)
- Araw ng Surigao del Norte (Surigao del Norte)
- Araw ng Surigao del Sure (Surigao del Sur)
- Hunyo 20
- Pandaigdigang Araw ng Repuhiyado (o Refugee) (Internasyunal)
- Hunyo 25
- Araw ng Arbol (Pilipinas)
- Hunyo 29
Mga sanggunian
- ↑ Holidays and Lore, Spells, Rituals and Meditations ISBN 978-0-738-72159-0 p. 111 (sa Ingles)
- ↑ Ovid, Fasti VI.1–88; H.H. Scullard, Festivals and Ceremonies of the Roman Republic (Cornell University Press, 1981), p. 126. (sa Ingles)
- ↑ Almanach général de Saint-Domingue, pour l'année 1790, http://gallica.bnf.fr/ark:/12148/bpt6k1203334d/f27, Mozard, p. 13, 1791 (sa Ingles)
- ↑ Scullard, Festivals and Ceremonies, p. 126. (sa Ingles)
- ↑ Karen K. Hersch, The Roman Wedding: Ritual and Meaning in Antiquity (Cambridge University Press, 2010), p. 47. (sa Ingles)
- ↑ Dadaan ang Daigdig sa pinagsangahan ng mga senyas sa 21:43 UT/GMT Hunyo 20, 2020, at dadaan muli sa 03:32 UT/GMT Hunyo 21, 2021.
- ↑ "Astrology Calendar", yourzodiacsign. (sa Ingles) Mga senyas nsa UT/GMT para sa 1950–2030.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.