Home Radio Maynila (DWQZ)

Pasig Pilipinas
Lugar na pinagsisilbihan	Kalakhang Maynila at mga karatig na lugar
Frequency	97.9 MHz
Tatak	97.9 Home Radio
Pagproprograma
Wika	English
Format	Soft adult contemporary
Network	Home Radio Network
Pagmamay-ari
May-ari	Aliw Broadcasting Corporation (Insular Broadcasting System)
Sister station	DWIZ Aliw Channel 23
Kaysaysayan
Unang pag-ere	Setyembre 28, 1994
Dating call sign	DWCD (1982–1997)
Kahulagan ng call sign	Baryante ng DWIZ
Impormasyong teknikal
Awtoridad na naglisensiya	NTC
Class	A/B/C
Power	25,000 watts
ERP	75,000 watts
Link
Website	http://www.979homeradio.com/

Ang DWQZ (97.9 FM), sumasahimpapawid bilang 97.9 Home Radio, ay isang himpilan ng radyo na pagmamay-ari at pinamamahalaan ng Aliw Broadcasting Corporation sa pamamagitan ng Insular Broadcasting System bilang tagahawak ng lisensya. Ang estudyo nito ay matatagpuan sa 5th floor, Citystate Center, 709 Shaw Blvd., Brgy. Oranbo, Pasig, at ang transmiter nito ay matatagpuan sa Nuestra Señora Dela Paz Subdivision, Sumulong Highway, Brgy. Santa Cruz, Antipolo.^[1]

Sinimulan ng 97dot9 Home Radio ang broadcast nito noong Oktubre 1994. Tinaguriang "#1 Easy Listening Station" sa Metro Manila, nagdala ito ng easy listening na format. Matapos makamit ang tagumpay sa loob ng kalahating taon, ipinatupad ito sa mga istasyong panlalawigan nito. Bukod sa karaniwang programming nito mula Lunes hanggang Sabado, nagpalabas ito ng iba't ibang hit programming tuwing Linggo.

Noong 2006, ipinakilala ng Home Radio ang una nitong 24-oras na ganap na awtomatikong DJ Jackie (tininigan ni Lannie Chan, na nagtrabaho rin bilang isa sa mga babaeng voiceover para sa RPN 9 ). Noong 2009, nag-recruit ito ng mga babae (at kalaunan, lalaki) na mga DJ sa board, kasunod ng istilong less talk, more music.

Noong Pebrero 28, 2014, pagkatapos ng 14 na taon, huling umere ang himpilan ng Home Radio sa nasabing format.

Noong Marso 17, 2014, pagkatapos ng dalawang linggo ng transisyon, ang network ng Home Radio ay nag-reformat sa pang-masa na format, na may bagong slogan, " Natural! " . Pinangasiwaan ni Bryan "Idol T-Bone" Quitoriano, kasama ang , pinangalanan sila sa mga prutas. Ang OPM singers na sina Jimmy Bondoc at Duncan Ramos mula sa kasikatan ng Sabado Boys ay nag-host ng kanilang sariling programa sa radyo na "The R&B Show: The Ramos and Bondoc Show" mula Hulyo hanggang Disyembre ng taong iyon. Noong Nobyembre 2014, ibinalik ang pangalan ng himpilan tungo sa Home Radio.

Noong Abril 5, 2015, unti-unting binago ng istasyon ang format nito tungo sa isang Top 40 na format na may diin sa OPM, na kilala bilang CHR Local. Sa pamumuno ni Migz Anzuares (ng RT), inangkop nito ang bagong positioner na "Be You".

Sa pagtatapos ng taon, tuluyang nagbago ang format ng Home Radio bilang Top 40 na istasyon kung saan si Braggy Braganza (ng WLS-FM) ang bagong namahala sa istasyon. Pinalitan nila ang islogan na "Natural!" tungo sa "The Music of Now" at "The Home Of the Millennials". Inilunsad din ng istasyon ang student DJ search nito na tinatawag na "Aircheck 979", kung saan kinuha ang iba't ibang student DJ mula sa iba't ibang paaralan at unibersidad sa buong bansa.

Noong Hunyo 30, 2017, sa ganap na 9am, bumalik ang Home Radio (binibigkas na ngayon bilang nine-seven-nine) sa orihinal nitong easy listening format, at bagong bansag na "It Feels Good to Be Home". Kasama ng reformat nito ang isang bagong jingle na kinanta ni Chi Bocobo (kilala noon bilanng Ces Datu). Kalaunan ay sinabi ni Braganza na ang biglaang pag-reformat ay ginawa upang ma-target ang mas malawak na madla at para mapataas ang benta ng istasyon.^[2]

Noong Mayo 1, 2026, pansamantalang namaalam ang Home Radio bilang bahagi ng pagbabago sa pamamahala. Namaalam ang mga personalidad nito noong nakaraang araw. Noong Mayo 8, muling ibinalik ang branding na may bansag na "Always Be Home".^[3]