Ang Cascading Style Sheets (CSS), literal na "Lumalagaslas na mga Pilas ng Estilo") ay isang wika ng pilas ng estilong ginagamit upang ilarawan ang semantikong presentasyon (ang anyo at pagpopormat) ng isang dokumentong nakasulat sa isang wikang markado. Ang pinaka pangkaraniwang aplikasyon ay estiluhin ang mga pahina ng web na nakasulat sa HTML at XHTML, ngunit ang wika ay maaari ring gamitin sa anumang uri ng dokumentong XML, kasama ang Payak na Lumang XML, SVG (Masusukat na Grapikong Bektor) at XUL.

Pangunahing dinisenyo ang CSS upang maisagawa ang paghihiwalay ng nilalaman ng dokumento (na nakasulat sa HTML o kahalintulad na wikang markado) mula sa presentasyon ng dokumento, kasama ang mga elementong katulad ng pagkakalatag ng pahina (page layout), mga kulay, at mga tipo ng titik (font).^[1] Ang paghihiwalay na ito ay makapagpapainam ng aksesibilidad o pagkanapupuntahan ng nilalaman, makapagbibigay ng higit pang pleksibilidad at kontrol sa pagtutukoy (espesipikasyon) ng mga karakteristiko o katangian ng presentasyon, makapagsasagawa ng maramihang mga pahina na makikibakas sa pagpopormat (pagbabalangkas), at makapagbabawas ng kasalimuotan o kompleksidad at pag-uulit o repetisyon sa nilalamang pangkayarian o pang-istruktura (katulad ng pagpapahintulot para sa disenyo ng web na walang talahanayan). Nakapagpapahintulot din ang CSS sa mismong pahinang markadong iyon na maiprisinta sa iba't ibang mga estilo para sa iba't ibang metodo ng paghahayag o pagrerender, katulad ng mga aparatong nasa iskrin (on-screen), nakalimbag, sa pamamagitan ng tinig (kapag binabasa at sinasambit ng isang pantingin-tingin o browser na nakabatay sa pananalita o pambasa ng iskrin at mga aparatong taktilo o nahihipo na nakabatay sa Braille. Habang ang may-akda ng isang dokumento ay tipikal na ikinakawing ang dokumentong iyon sa isang pilas ng estilo ng CSS, maaaring gamitin ng mga mababasa ang isang naiibang pilas ng estilo, marahil isang nasa kanilang pansariling kompyuter, upang mapangibabawan ang isang tinukoy ng isang awtor.

Tinutukoy ng CSS ang isang iskemang kailangang unahin upang mapag-alaman kung anong mga patakaran ng estilo ang gagamitin kapag mahigit sa isang patakaran ang tumutugma laban sa isang partikular na elemento. Sa ganitong tinatawag na cascade (kaskada) o paglagaslagas, kinakalkula ang mga priyoridad o mga timbang at itinatakda sa mga patakaran, upang matatantiya o mahuhulaan ang mga resulta.

Ang mga espesipikasyon ng CSS ay pinananatili ng World Wide Web Consortium (W3C). Ang tipo ng midya ng Internet (MIME type) text/css ay nakarehistro para magamit na kasama ang CSS sa pamamagitan ng RFC 2318 (Marso 1998).