hsb Lubica

**Lubica**
	Lubica na karće Schleswigsko-Holsteinskeje
	Lubica na karće Schleswigsko-Holsteinskeje
Wopon
	Wopon
	Wopon
Zakładne daty
stat	Němska
zwjazkowy kraj	Schleswigsko-Holsteinska
wokrjes	bjezwokrjesne
wysokosć	13 metrow n.m.hł.
přestrjeń	214,14 km²
wobydlerstwo	219.044 (31. dec 2023)
hustosć zasydlenja	1023 wob. na km²
póstowe čisła	23501–23570
předwólby	(+49) 0451 (Hansestadt Lübeck) ; 04502 (Lübeck-Travemünde)
awtowa značka	HL
Politika a zarjadnistwo
adresa	Breite Straße 62; 23552 Lübeck
	wikidata: Lübeck (Q2843)

53.86666666666710.683333333333

Koordinaty: 53° 52′ S, 10° 41′ W

Hansowe město Lubica (němsce Lübeck; delnjoněmsce Lübęk abo Lübeek; dansce Lybæk; połobsce Liubice) je bjezwokrjesne wulkoměsto na sewjeru Němskeje. Leži w juhowuchodnej Schleswigsko-Holsteinskeje při Lübeckskim zaliwje Baltiskeho morja. Lubica je po přestrjeni najwjetše město Schleswigsko-Holsteinskeje a z něhdźe 215.000 wobydlerjemi po krajnej stolicy Kiel město z najwjace wobydlerjemi. Srjedźowěkowske Stare město je dźěl swětoweho herbstwa UNESCO.

Něhdźe 65 km juhozapadnje Lübecka leži město Hamburg, 78 km sewjerozapadnje Kiel a 68 km juhowuchodnje Zwěrin. Město Lübeck, přez kotrež běži rěka Trave, słuša wot apryla 2012 do europskeho metropoloweho regiona Hamburg. Něhdyše srjedźišćo Hansy mjenuje so tež „Město sydom wěžow“ abo „Wrota do sewjera“.

Prěnje sydlišćo z mjenom Liubice je so prawdźepodobnje za čas Korle Wulkeho we 8. lětstotku wot połobskich Słowjanow załožiło. Wot 10. lětstotka bě Lubica nimo Starohroda w Holsteinskej najwažniši hród Obodritow. Dźensniše město załoži so w lěće 1143 jako prěni němski přistaw při Baltiskim morju. Po přepołoženju biskopskeho sydła ze Starohroda do Lubicy měješe město nadregionalny wuznam. Wot 13. do 16. lětstotka bě jako srjedźišćo Hansy najwažniše wikowanske město baltiskeho regiona.

Wobrazarnja

Holstenske wrota (Holstentor)
Pohlad na stare město Lubicy
Plan města z 18. lětstotka
Stare město po ćežkim bombardowanju w lěće 1942

Měšćanske dźěle

01 Innenstadt (wokoło 12.000 wobydlerjow)
02 St. Jürgen (wokoło 40.000 wob.)
03 Moisling (wokoło 10.000 wob.)
04 Buntekuh (wokoło 10.000 wob.)
05 St. Lorenz-Süd (wokoło 12.000 wob.)
06 St. Lorenz-Nord (wokoło 40.000 wob.)
07 St. Gertrud (wokoło 40.000 wob.)
08 Schlutup (wokoło 6.000 wob.)
09 Kücknitz (wokoło 20.000 wob.)
10 Travemünde (wokoło 15.000 wob.)

Žórła

↑ Statistiski zarjad Sewjer – ludnosć gmejnow w Schleswigsko-Holsteinskej 4. kwartal 2023 (XLSX-dataja)

Wotkaz

Commons: Lübeck – Zběrka wobrazow, widejow a awdiodatajow

Wulkoměsta w Němskej

nad 1.000.000 wobydlerjow: Berlin | Hamburg | Köln | Mnichow

[Metadaty_wobydlerstwo_DE-SH-1] Statistiski zarjad Sewjer – ludnosć gmejnow w Schleswigsko-Holsteinskej 4. kwartal 2023 (XLSX-dataja)

[1]