Klaas Dijkstra (taalkundige)

Klaas Dijkstra politikus echte namme Klaas Dijkstra nasjonaliteit Nederlânsk bertedatum 10 juny 1924 berteplak Sigerswâld (Fryslân) stjerdatum 4 maart 1997 stjerplak Drachten etnisiteit Frysk partij PvdA Wethâlder fan Harns amtsperioade 19?? – 19??

Klaas Dijkstra skriuwer wurk taal Frysk sjenre poëzij, non-fiksje (taalkunde, letter- kunde), oersettings perioade 2e helte 20e iuw bekendste   wurk(en) Oersettingen yn it Frysk Lyts Hânboek fan de Fryske    Literatuer jierren aktyf 1950 – 1997 offisjele webside gjint

Klaas Dijkstra of Klaes Dykstra (Sigerswâld, 10 juny 1924 - Drachten, 4 maart 1997)^[1] wie in Frysk ûnderwizer, universitêr meiwurker, oersetter en politikus.

Klaas Dijkstra wurke as wittenskiplik haadmeiwurker foar Fryske literatuerskiednis oan 'e Ryksuniversiteit, te Grins. Dêrfoar wied er learaar Ingelsk yn ûnder mear Harns. Teffens wied er polityk aktyf, as wethâlder fan 'e gemeente Harns foar de PvdA. Yn syn frije tiid sette er út en troch oer út it Ingelsk (wurken fan sawol Britske as Amerikaanske skriuwers). Hy promovearre op histoaryske oersettings yn it Frysk. Syn dissertaasje wurdt nòch faak brûkt as neislachwurk.

• 1950-1952 - Untwyk: Twa Balladen fan de Sé
• 1962 - Oersettingen yn it Frysk (sa. 1860-1960) (dissertaasje)
• 1976 - Lyts Hânboek fan de Fryske Literatuer
• 1997 - Lyts Hânboek fan de Fryske Literatuer, mei Taheakke: De Resinte Fryske Literatuer (twadde edysje, mei Bouke Oldenhof)

• 1949 - Foar Helen (oersetting fan in gedicht nei Edgar Allan Poe)
• 1949 - Ulalûm (oersetting fan in gedicht nei Edgar Allan Poe)
• 1958 - In Ynspekteur Skillet Oan (oersetting fan in toanielstik nei J.B. Priestley)
• 1966 - Dit Is it Jier (oersetting fan in roman nei Frederick Feikema Manfred)