Yu Menglong
Persona informo
于朦胧
Naskiĝo	15-a de junio 1988 en Urumĉio, Ŝinĝango, Ĉinio
Morto	11-a de septembro 2025 en Beijing, Ĉinio
Mortis per	morto per falo vd
Etno	hanoj vd
Lingvoj	norma ĉina lingvo de Ĉeftera Ĉinio vd
Ŝtataneco	Ĉinio vd
Profesio
Okupo	aktoro, kantisto
Laborkampo	amuzindustrio kaj aktorado vd
Aktiva dum	2007–2025
Verkado
Verkoj	Eternal Love ❦ Go Princess Go vd
vd	Fonto: Vikidatumoj
v • d • r

YU Menglong (ĉine: 于朦胧; pinjine: Yú Ménglóng; naskiĝis en la 15-a de junio 1988, mortis en la 11-a de septembro 2025) estis ĉina aktoro kaj kantisto. Li naskiĝis en Urumĉio, Ŝinĝango, kaj studis ĉe la mezlernejo de la Pekina Akademio de Moderna Muziko antaŭ ol diplomitiĝi ĉe la Pekina Kolegio de Trejnado pri Prezentartoj.^[1]

En 2007, Yu konkuris en la televida programo My Show de Dragon Television. Li partoprenis ankaŭ en Super Boy 2010 de Hunan Television, kaj poste fariĝis trejnato ĉe la knabobando Happy Boy Group 8090. Li revenis al la konkurso de Super Boy en 2013, kie li atingis la dekan rangon naciskale. Tio kondukis al lia subskribo kun EE-Media. Liaj reprezentaj verkoj inkluzivas la retan dramon Go Princess Go (2015) kaj la fantazian historian dramon Eternal Love (2017). Aldone al sia aktora kariero, li eldonis plurajn muzikajn projektojn.

La 11-an de septembro 2025, raportoj disvastigitaj en ĉinaj amaskomunikiloj asertis, ke viro suspektita esti Yu Menglong falis al sia morto en loĝkomunumo en la distrikto Chaoyang, Pekino, pli frue tiun matenon. La posedadministrado de la komunumo poste konfirmis, ke mortiga falo vere okazis, kvankam la identeco de la mortinto ne estis konfirmita. Je la 18:44 de tiu sama tago, la studio de Yu, kiu estis malregistrita en julio 2025, konfirmis en oficiala deklaro lian morton kaj notis ke la polico jam ekskludis kriman implikiĝon.^[2][3]

La publiko vaste pridubas la mortokaŭzon de Yu Menglong, ĉar enketistoj ne publikigis detalojn pri tio, ĉu la morto estis akcidenta, rezulto de kuraca kondiĉo, aŭ ligita al iu ajn alia faktoro.^[4] La 16-an de septembro, lia studio publikigis deklaron nome de lia patrino asertante, ke li mortis post hazarda falo.^[5] Liaj fanoj postulas justicon kaj veron, sed rilataj diskutoj estis limigitaj kaj eĉ forigitaj en ĉinaj amasmokunikiloj.^[6][7] Weibo anoncis, ke ĝi forigis pli ol dek mil rilatajn enhavojn kaj malpermesis pli ol 600 kontojn pro ilia implikiĝo en "kreado de konspiraj teorioj" kaj aliaj kontraŭleĝaj aŭ nelaŭregulaj agoj.^[8]

La 21-an de septembro, la polico de Beijing publikigis deklaron pri la afero de Yu Menglong kaj konfirmis ke li hazarde falis post drinkado kaj ke la suspekto pri krima afero estis jam ekskludita. La polico samtempe insistis, ke ĝi laŭleĝe enketos kaj punos tiujn, kiuj disvastigas falsajn informojn en la interreto.^[9]