WE Charity
| WE Charity | ||
|---|---|---|
| ||
neprofitcela organizaĵo 
| ||
| Komenco | 1995 vd | |
| Landoj | Kanado vd | |
| Sidejo | Toronto | |
| Fondintoj | Craig Kielburger • Marc Kielburger vd | |
| Retejo | Oficiala retejo | |
WE Charity (antaŭe Free the Children ĝis 2016), estas internacia karitata organizaĵo kaj eduka partnero, kies misio estas povigi homojn ŝanĝi la mondon loke kaj internacie, samtempe prosperante kaj transformante la vivojn de aliaj.[1]
Eko
La organizaĵon fondis en 1995 Craig Kielburger, tiam 12-jaraĝa kanadano. Li eksciis pri la laboro de Iqbal Masih, pakistana knabo, kiu estis vendita al tapiŝofabriko en la aĝo de 4 jaroj, eskapis ŝuldsklavecon, kampanjis por la liberigo de aliaj sklavigitaj infanoj, kaj finfine estis murdita en la aĝo de 12 jaroj.
La sorto de Iqbal inspiris Kielburger ankaŭ agi kontraŭ infanekspluatado kaj fondi Free The Children por ĉi tiu celo. Komence, li gvidis la organizaĵon kune kun 11 lernejaj amikoj. La tutan organizaĵon, inkluzive de ĉiuj ĝiaj naciaj sekcioj, gvidas infanoj kaj junuloj, kaj Free The Children havas proksimume unu milionon da subtenantoj tutmonde.
Projekto
Nuntempe, la organizaĵo aktivas en pli ol 45 landoj. Ĝia fokuso estas aliro al edukado; laŭ siaj propraj ciferoj, pli ol 400 lernejoj estis konstruitaj, provizante edukadon al 35 000 infanoj. En la sansektoro, sanklinikoj estis konstruitaj por 500 000 homoj en 40 landoj. 125 000 homoj akiris aliron al pura trinkakvo. Krome, la organizaĵo helpas malriĉajn familiojn kreante malgrandajn enspezfontojn, por ke familioj jam ne dependas de la aldona enspezo de siaj infanoj kaj la infanoj povu ĉeesti lernejon anstataŭ labori. Ĝis nun, 20 000 homoj profitis de tio.[2]
Evoluiga laboro
Children's Aid nuntempe disvolvas Adopt a Village, disvolviĝan modelon por kamparaj komunumoj en sep landoj: Ĉinio, Srilanko, Kenjo, Siera-Leono, Barato, Haitio kaj Ekvadoro. Adopt a Village konsistas el kvin komponantoj: edukado, sanservo, enspeza anstataŭigo, kaj akvo kaj sanitaraĵoj. Inter aliaj projektoj, Adopt a Village konstruas lernejojn, putojn, kaj provizas medicinan prizorgon kaj aliajn enspezgenerajn agadojn por evolulandoj. Ĉi tiuj projektoj celas trakti la radikajn kaŭzojn de malriĉeco kaj forigi barojn al edukado por infanoj en evolulandoj. En 2008, Children's Aid festis la konstruadon de sia 500-a lernejo. En 2010, la organizaĵo ĝisdatigis sian retejon por montri, ke ĝi nun konstruis 650 lernejojn kaj lernejĉambrojn, kiuj edukas 55 000 infanojn tage.
Kritiko
La kanada novaĵmagazino The Fifth Estate, produktita de CBC/Radio-Canada , rivelis, ke WE Charity sendis fotojn de la samaj lernejkonstruaĵoj al pluraj donacantoj, asertante, ke la donacanto plene financis ilin. La uzo de la donacitaj financoj estis konsiderata neklara kaj levis suspektojn pri misuzo.[3]
Referencoj
- ↑ WE Charity. Arkivita el la originalo je 2019-06-05. Alirita 2019-06-19 .
- ↑ . Free The Children at 20: An unlikely Canadian success story (angle) (2015-04-25). Arkivita el la originalo je 2019-08-10. Alirita 2019-06-19 .
- ↑ WE Charity. Arkivita el la originalo je 2019-06-05. Alirita 2019-07-30 .
Eksteraj ligiloj
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.