Terrence Malick
Terrence Frederick MALICK (naskita la 30-an de novembro 1943, en Otavo, Ilinojso) estas usona scenaristo, reĝisoro kaj filmproduktanto. Li unue gajnis rekonon en la 1970-aj jaroj per la filmoj Badlands kaj Days of Heaven. Kun The Thin Red Line, li sukcese revenis al filmkreado en 1998 post 20-jara paŭzo. Lia filmo The Tree of Life (2011) gajnis la Palme d'Or ĉe la 64-a Festivalo de Cannes.[1][2]
La filmoj de Malick estas konataj pro esplorado de temoj kiel individua transcendeco, naturo, kaj la konflikto inter racio kaj instinkto. Ili estas tipe karakterizitaj per larĝaj filozofiaj kaj spiritaj nuancoj, same kiel la uzo de meditaj voĉoj de individuaj roluloj. La stilaj elementoj de la verkado de la reĝisoro elvokis miksitajn opiniojn inter filmakademiuloj kaj publiko. Liaj filmoj ofte estis laŭditaj pro sia kinematografio, estetiko kaj filozofiaj ambicioj, sed ankaŭ foje kritikitaj kiel mankantaj distingivo kaj estante malfortaj rilate al intrigo kaj roluloj. Tamen, liaj unuaj kvin filmoj konstante rangis alte en retrospektivaj enketoj pri filmhistorio.[3][4]
La verko de ĉi tiu reĝisoro fokusiĝas al prezentado de la beleco de la naturo en akra kontrasto kun homa ambicio kaj krueleco. Li kronikis kelkajn el la plej malhelaj epizodoj en la historio de sia lando, kiel ekzemple la Dua Mondmilito kaj la detruo de la indiana kulturo. Li ankaŭ estas konata pro siaj ekstreme maloftaj publikaj aperoj, sia uzo de la "magia horo", kaj la malfacileco trovi iujn ajn fotojn de li. Klaŭzo en liaj reĝisoraj kontraktoj sendevigas lin de apero en iu ajn varba materialo.[5][6]
Referencoj
- ↑ "Terrence Malick: The return of cinema's invisible man", The Guardian, 2 July 2011.
- ↑ Michaels, Lloyd. (2009) Terrence Malick. University of Illinois Press. ISBN 978-0-252-07575-9.
- ↑ Wickman, Forrest, "Terrence Malick's Personal Period", 2013-04-13. (en-US)
- ↑ Berlinale 2015. Dialogues: Terrence Malick's "Knight of Cups" on Notebook | MUBI (February 10, 2015). Alirita 2016-02-10 .
- ↑ The secret life of Terrence Malick (angle) (2011-05-24). Alirita 2019-03-22 .
- ↑ "The Terrence Malick file", USA Today, December 16, 2005.
Eksteraj ligiloj
- Terrence Malick ĉe Interreta filma datumbazo (angle)
- The Films of Terrence Malick ĉe YouTube, kompilo de filmtranĉetoj, 3 minutoj.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.