Resende
municipo de Portugalio vd
Flago	Blazono
Administrado
Poŝtkodo	4660
En TTT	Oficiala retejo [+]
Demografio
Loĝantaro	11 364  (2011) [+]
Loĝdenso	92 loĝ./km²
Geografio
Geografia situo	41° 6′ N, 7° 57′ U (mapo)41.1-7.95Koordinatoj: 41° 6′ N, 7° 57′ U (mapo) [+]
Areo	123,35 km² (12 335 ha) [+]
Horzono	UTC±00:00 [+]
DEC Situo de Resende
Alia projekto
Vikimedia Komunejo Resende, Portugal [+]
v • d • r

Resende estas urbo de Portugalio, situanta en la plej nordokcidenta pinto de la Distrikto Viseu, Centra regiono kaj la subregiono Viseu Dão-Lafões. Ĝi havas ĉirkaŭ 3 781 loĝantojn (2021).

Ĝi estas sidejo de la municipo Resende, kiu havas totalan areon de 123,35 km², kaj 10 051 loĝantojn (2021), subdividita en 11 fregezioj. La municipa teritorio limas norde kun Baião kaj Mesão Frio, oriente kun Lamego, sude kun Castro Daire kaj okcidente kun Cinfães. La teritorio estas tute sude de la rivero Douro, dum la sidejo mem estas apud la rivero kaj apud la ŝoseo 222 kiu bordas laŭ la maldekstra bordo inter Cinfães okcidente kaj Lamego oriente.

Prahistorian loĝadon atestas kastrumoj kaj monumentaj megalitoj troviĝantaj en la municipo, aparte ĉe la nekropolo de Trapas. El la romia epoko estas disaj restaĵoj, sed jam en la 6-a jarcento a.n.e., estis naviga komerco laŭ la rivero Douro inter grekoj kaj hispanoj. Kvankam ĝermanoj ja loĝis en la areo, la islamanoj ne lasis multajn restaĵojn tie. La areo de Resende estis konkerita el islamanoj inter 1058 kaj 1064, kiuj estis respektive, la jaroj de la konkeroj de Viseu kaj de Koimbro. Post la fondo de la Reĝlando Portugalio (en 1143), ekis administracia organizado, per kreado de municipoj.

Elstaras la romanikaj preĝejoj kaj arkitekturo de la 17-a kaj 18-a jarcentoj, videbla ĉefe en la senjordomegoj.

En la unua duono de la 20-a jarcento la loĝantaro estis stabila kaj atingis ĉirkaŭ 22 820 loĝantojn en 1940, sed poste malpliiĝis iomete pro elmigrado ĝis nunaj 10 000 loĝantoj, tio estas, oni perdis pli ol duonon.

Resende havas la jenajn fregeziojn:

En pluraj loĝlokoj estas interesaj preĝejoj kaj kapeloj, kun gravaj pentraĵoj kaj valoraj liturgiaj juveloj; krome estas ankaŭ nobelaj domegoj ĉefe el la 18a jarcento.

• Romanikaj preĝejoj
• Megalitoj de Felgueiras
• Kastelo de São Martinho de Mouros
• Monaĥejo de Santa Maria de Cárquere
• Preĝejo de São Martinho de Mouros
• Preĝejo de Anreade (en la tabelbildo)

• 
  Monaĥejo kaj preĝejo de Cárquere.
• 
  Preĝejo de São Martinho de Mouros.
• 
  Preĝejo de Santa Maria de Barrô.
• 
  Felgueiras.
• 
  Ponto de Panchorra.

• Municipo Resende
• Novaĵoj de Resende
• PAUS-RESENDE
• Casa do Concelho de Resende

• En tiu ĉi artikolo estas uzita traduko de teksto el vikipedia artikolo Resende (Portugal) portugale.