Punkteca strigeto

Kiel legi la taksonomionVikipedio:Kiel legi la taksonomion
Kiel legi la taksonomion
Punkteca strigeto
A. b. indica, Barato
A. b. indica, Barato
Alvokanta paro en Pune
Biologia klasado
Regno: Animaloj, Animalia
Filumo: Ĥorduloj, Chordata
Klaso: Birdoj, Aves
Ordo: Strigoformaj, Strigiformes
Familio: Strigedoj, Strigidae
Genro: Athene
Specio: Punkteca strigeto, A. brama
Athene brama
(Temminck, 1821)
Konserva statuso
{{{220px}}}
Konserva statuso: Malplej zorgiga
Sinonimoj


Aliaj Vikimediaj projektoj
Sistematiko en Vikispecioj
Komunejo pri Punkteca strigeto
v • d • r

La Punkteca strigeto (Athene brama) estas eta strigo, tio estas birdospecio parto de pli granda grupo de noktaj rabobirdoj konataj kiel Strigedoj, kiuj enhavas plej parton de la specioj nomataj strigoj. La alia grupo estas la turstrigoj, nome Titonedoj.

Disvastiĝo

Ĝi reproduktiĝas en tropika Azio el Barato al Sudorienta Azio. La Punkteca strigeto estas ofta loĝanta birdo (nemigranta) en malfermaj habitatoj inkludante farmojn kaj homajn loĝejojn. Ili nestumas en truo en arbo aŭ konstruaĵo, kie la ino de metas 3-5 ovojn.

Taksonomio

Fruaj esploristoj foje traktis membrojn de ĉi tiu speciogrupo kiel subspecioj de Athene noctua. Ambaŭ estis apartigitaj, sed oni konsideras ilin kiel superspecian komplekson. Pluraj subspecioj estis priskribitaj kaj ĉirkaŭ kvar aŭ kvin estas vaste akceptitaj (la raso poikila[1] estas malvalida kaj rilatas al Aegolius funereus;[2] A. b. fryi de suda Barato priskribita de Stuart Baker kaj A. b. mayri priskribita de Deignan el norda Tajlando[3] kutime ne estas agnoskitaj.)[4]

La kvin vaste agnoskitaj subspecioj estas albida, Koelz, 1950 de okcidenta Azio en Irano kaj Pakistano; indica (Franklin, 1831) de norda Barato; brama (Temminck, 1821) de suda Barato, kiu estas pli malhela ol indica; ultra Ripley, 1948 (ne ĉiam agnoskita) de nordorienta Barato laŭdire havas blankajn makulojn sur la mantelo kaj "pli altajn kriojn"; kaj pulchra, Hume, 1873 de Sudorienta Azio de Birmo kaj Tajlando etendiĝanta en Kamboĝon kaj Vjetnamion. La nordaj kaj sudaj barataj populacioj miksiĝas kaj ne ekzistas dividlimo. La nordaj indica populacioj havas la suprajn partojn brunetajn. Grandeco malpliiĝas de nordo al sudo. La specio ne troviĝas en Srilanko, kvankam birdoj sur la barata ĉeftero troviĝas eĉ ĉe la pinto de Rameshwaram.[5][6]

Aspekto

Ĉe Kalkato, Okcidenta Bengalo, Barato.

La Punkteca strigeto estas eta kaj fortika strigo, 21 cm longa. Plenkreskuloj estas supre (kapo, nuko kaj dorso) grizbrunaj kun multaj blankaj punktoj kaj sube blanka kun brunaj strioj horizontalaj kaj ne vertikalaj kiel ĉe noktuo. Ĝi havas flavajn bekon kaj grandajn okulojn kun nigraj okulringoj kaj blankajn “brovojn”, kio havigas severecan mienon; la vizaĝo estas larĝa kaj la vizaĝa disko grizeca kun suba blankeca bordostrio. Ambaŭ seksoj estas similaj. La flugo estas tre ondeca.

Ekologio

Kutimaro

En Patiala, Barato, tagmeze, en Marto 2023

Tiu ĉi specio estas noktema, sed ofte videblas dumtage. Kiam ĝenataj de sia taga loko, ili balancigas sian kapon kaj rigardas entrudulojn.[7] Ilia ĉeesto ofte povas esti trovita per la malgrandaj birdoj, kiuj ĉikanas la strigetojn dum ili ripozas en arbo dumtage. La voko estas raŭka kaj laŭta zuma kaj raŭka ĉirur-ĉirur-ĉirur finiĝanta per ĉirŭak-ĉirŭak kaj ili vokas ĉefe dum frua tagiĝo aŭ tuj post sunsubiro.[8][9]

La cerbo havas pinealan glandon, antaŭe supozeble forestantan ĉe strigoj.[10] Birdoj montras varion en la koncentriĝo de melatonino inter tago kaj nokto. Alta melatonina nivelo estas asociita kun dormo kaj malaltaj niveloj estas asociitaj kun alta vigleco kaj manĝado. Tiuj strigetoj, tamen, montras nur iomete pli malaltan melatoninan koncentriĝon nokte kun eta pliiĝo en la frua posttagmezo. Aliaj strigoj kiel la turstrigo montras malmultan tagnoktan varion.[11][12] Laŭsezonaj ŝanĝoj en glanda aktiveco estis asociitaj kun mediaj faktoroj kiel temperaturo kaj malsekeco.[13]

Manĝado

Ili ĉasas diversajn insektojn kaj malgrandajn vertebrulojn. En Pakistano oni trovis, ke ili prenas plejparte insektan predon.[14][15][16] En la arida regiono de Jodhpur, oni trovis, ke ili prenas pli da ronĝuloj (precipe en la genro Mus kaj emas eviti aliajn ronĝulojn kiel ekzemple Tatera) antaŭ la reprodukta sezono.[17] Vespertoj, bufoj, malgrandaj serpentoj kiel ekzemple Ramphotyphlops braminus estis registritaj kiel predoj.[18][19] Ili ankaŭ povas kapti skorpiojn kaj moluskojn.[20] Nestoj proksime de homaj loĝejoj povas montri pli altan reproduktosukceson pro la pliigita havebleco de ronĝuloj por nutri idojn.[21]

Reproduktado

La reprodukta sezono estas de novembro ĝis aprilo.[8] La amindumada konduto inkluzivas bekoprenadon, alopretigadon kaj ritan manĝigon. La ino povas alvoki kun la masklo, skui la kapon kaj deviigi sian voston por inviti.[22] La socia organizado de familiaj grupoj ne estas klara kaj pluraj maskloj povas kopulacii kun ino kaj inoj povas provi pseŭdokopulacion,[23] eble specon de delokiĝa konduto.[24][25] Ili nestas en kavaĵoj ofte konkurante kun aliaj trunestantoj kiel ekzemple minaoj, koracioj kaj papagoj. Ili ankaŭ povas nesti en truoj en vertikalaj riverbordoj.[26] La nesto povas esti kovrita per folioj kaj plumoj aŭ povas uzi la ekzistantan tegaĵon de antaŭa loĝanto.

La tipa ovara ovodemetado konsistas el tri aŭ kvar sferaj blankaj ovoj (30.9mm longaj kaj 26.3 mm larĝaj, 11.6g) kaj la kovado komenciĝas per la unuaj demetitaj ovoj, kio kondukas al granda vario en la grandeco de la idoj. La idoj estas komence manĝigataj per insektoj kiel blatoj kaj poste manĝigataj per malgrandaj vertebrulaj predoj kiel musoj (bufo Bufo stomaticus estis rimarkita en Guĝarato). La idoj peziĝas dum la fruaj stadioj sed malpeziĝas antaŭ elnestiĝo.[27] Nur unu aŭ du idoj povas elnestiĝi kaj ili forlasas la neston post ĉirkaŭ unu monato.[18]

Bildaro

Referencoj

  1. ↑ (1989) “A New Subspecies of The Athene brama (Spotted Little Owl)—A. b. poikila (Belly-mottled Little Owl)”, Zoological Research 10 (4), p. 303–308. 
  2. ↑ (2003) “Belly-mottled little owl Athene brama poikila should be boreal owl (Aegolius funereus beickianus)”, Current Zoology 49 (3), p. 389–392. 
  3. ↑ Deignan HG (1941). “New birds from the Indo-Chinese sub-region”, The Auk 58 (3), p. 396–398. doi:10.2307/4078958. 
  4. ↑ Baker, ECS (1920). “Notes on a collection of bird-skins formed by Mr. E.G.Herbert, C.M.Z.S, M.B.O.U”, J. Nat. Hist. Soc. Siam 4 (1), p. 25–43. 
  5. ↑ (1981) Handbook of the birds of India and Pakistan, 2‑a eldono 3, Oxford University Press, p. 299–302. ISBN 0-19-562063-1.
  6. ↑ Baker, E. C. S. (1919). “Descriptions of subspecies of Carine brama”, Bulletin B.O.C. 40, p. 60–61. 
  7. ↑ Ali, Salim. (1996) The Book of Indian Birds., 12‑a eldono, Oxford University Press. ISBN 0-19-561634-0.
  8. ↑ 8,0 8,1 Citaĵa eraro Malvalida etikedo <ref>; neniu teksto estis provizita por ref-oj nomataj pcr; $2
  9. ↑ (1972) “On the daily screeching time of a colony of spotted owls Athene brama (Temminck)”, J. Bombay Nat. Hist. Soc. 69 (3), p. 649–651. 
  10. ↑ (2000) “Pineal gland of a nocturnal bird, Indian spotted owlet,Athene brama: Morphological and endocrine observations”, Journal of Experimental Zoology 287 (2), p. 145–150. doi:[[doi:10.1002%2F1097-010X%2820000701%29287%3A2%3C145%3A%3AAID-JEZ4%3E3.0.CO%3B2-K|10.1002/1097-010X(20000701)287:2<145::AID-JEZ4>3.0.CO;2-K]]. Bibkodo:2000JEZ...287..145H. 
  11. ↑ (1999) “Circadian rhythms of melatonin and sex steroids in a nocturnal bird, Indian spotted owlet Athene brama during reproductively active and inactive phases”, Biol Rhythm Res 30 (5), p. 508–516. doi:10.1076/brhm.30.5.508.1400. Bibkodo:1999BioRR..30..508G. 
  12. ↑ (2005) “Do night-active birds lack daily melatonin rhythms? A case study comparing a diurnal and a nocturnal-foraging gull species”, J. Ornithol. 147 (1), p. 107–111. doi:10.1007/s10336-005-0018-4. 32786182. 
  13. ↑ (2002) “Seasonal Adreno-Cortical Cycle of a Nocturnal Bird, Indian Spotted Owlet Athene brama: Biochemical and Morphological Observations”, Biological Rhythm Research 33 (1), p. 53–63. doi:10.1076/brhm.33.1.53.1323. Bibkodo:2002BioRR..33...53H. 85091322. 
  14. ↑ (2001) “Food of the Spotted Little Owl (Athene brama) at a place where a cropland and a sandy wasteland met”, Pakistan J. Zool. 33, p. 53–56. 
  15. ↑ (2001) “Food of the Spotted Little Owl (Athene brama) at a place where a cropland and a Sandy wasteland met”, Pakistan J. Zool. 33, p. 53–56. 
  16. ↑ Beg, M.A. (1990). “Food habits of spotted owlet, Athene brama”, Pakistan J. Agri. Sci. 27, p. 127–131. 
  17. ↑ (1983) “Winter food of spotted owlet, Athene brama indica”, Journal of the Bombay Natural History Society 80 (2), p. 415–416. 
  18. ↑ 18,0 18,1 Anika Jadhav, Parasharya, B. M. (2003). “Some observations on the nesting behaviour and food of the spotted owlet Athene brama”, Zoos' Print Journal 18 (8), p. 1163–1165. doi:10.11609/jott.zpj.18.8.1163-5. 
  19. ↑ (2011) “Food habits and prey spectrum of Spotted Owlet (Athene brama) in Madurai District, Tamil Nadu, southern India”, Chinese Birds 2 (4), p. 193–199. doi:10.5122/cbirds.2011.0027. 
  20. ↑ Pande, S. (2004). “Scorpions and molluscs: some new dietary records for Spotted Owlet Athene brama in India”, Newsletter for Ornithologists 1 (5), p. 68–70. 
  21. ↑ (2007) “Effect of Food and Habitat on Breeding Success in Spotted Owlets (Athene brama) Nesting in Villages and Rural Landscapes in India”, Journal of Raptor Research 41 (1), p. 26–34. doi:[[doi:10.3356%2F0892-1016%282007%2941%5B26%3AEOFAHO%5D2.0.CO%3B2|10.3356/0892-1016(2007)41[26:EOFAHO]2.0.CO;2]]. 85854496. 
  22. ↑ Hassan, Mehmood-ul (2008). “Some observations on behaviour of Spotted Owlet (Athene brama) during its breeding season”, The Journal of Animal and Plant Sciences 18 (1), p. 47–49. 
  23. ↑ (2007) “Study of the mounting behaviour of Spotted Owlets Athene brama in Maharashtra, India”, Abstracts of World Owl Conference.  Arkivigite je 2009-12-29 per la retarkivo Wayback Machine
  24. ↑ Watson, Adam (1957). “The behaviour, breeding, and food-ecology of the snowy owl Nyctea scandiaca”, Ibis 99 (3), p. 419–462. doi:10.1111/j.1474-919X.1957.tb01959.x. 
  25. ↑ Kasambe, Raju (2004). “Unusual mounting behaviour of a female Spotted Owlet (Athene brama)”, Newsletter for Birdwatchers 44 (4), p. 63–64. 
  26. ↑ Satish Pande (2006). “Changing nest site preference for holes in earth cuttings in Spotted Owlet Athene brama”, Indian Birds 2 (1), p. 7–8.  Arkivigite je 2011-07-20 per la retarkivo Wayback Machine
  27. ↑ (2011) “Biometry based ageing of nestling Indian Spotted Owlets ( Athene brama brama)”, ZooKeys (132), p. 75–88. doi:10.3897/zookeys.132.1346. Bibkodo:2011ZooK..132...75P. 

Eksteraj ligiloj

v • d • r
Birdoj
Regno: Animalo  • Filumo: Ĥorduloj  • Subfilumo: Vertebruloj  • Infrafilumo: Makzeluloj  • Superklaso: Tetrapodoj  • Klaso: Birdoj
Rilataj artikoloj: Birdomigrado ~ Birdoprotektado ~ Birdnestoj ~ Birdkanto
Vidu ankaŭ: Dinosaŭraj birdoj
Bibliotekoj

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.