Operation Trojan Shield

Operation Trojan Shield
Operation Trojan Shield
sting operation (en) Traduki
internacia kunlaborado Redakti la valoron en Wikidata
Komenco oktobro 2018 vd
Fino junio 2021 vd
v • d • r

Operation Trojan Shield (Operacio Troja Ŝildo) estis kunlabora akcio de policoj de pluraj landoj (Usono, Aŭstralio kaj pluraj), efektivigita inter jaroj 2018 kaj 2021, kiu interkaptis milionojn da mesaĝoj senditaj tra supoze sekura servo ANOM (ankaŭ literumata AN0M aŭ ΛNØM) laŭcele kreita por ŝajne ebligi kriptigitan komunikadon pere de speciala poŝtelefono, sed ekde de komenco elpensita, havigita kaj kontrolata far la polico. Multaj krimuloj fervore fidis je la servo kaj uzis ĝin por interŝanĝi enhavon kiu malkaŝas gravajn krimojn. Laŭ provizoraj raportoj la polica operacio estis tre sukcesa.

La servo ANOM

La servo estis alirebla nur pere de speciala modifita poŝtelefono, per kiu oni komercis inter krimuloj, do temis pri nigra merkato. Eblis nek instali la programon sur aliaj poŝtelefonoj, nek aboni la servon aŭ aĉeti la telefonon sur la laŭleĝa merkato. La produktadon kaj programadon prizorgis la polico. Pli ol 12'000 ANOM-telefonoj estis enservigitaj dum 3 jaroj [1][2][3].

Komenco dum jaro 2018

Post fermo de pluraj servoj por kriptigita kominikado kiel "Phantom Secure" kaj "EncroChat", la krimuloj serĉis alternativojn [4]. Tiam la usona polico FBI (Federal Bureau of Investigation, Federacia Buroo de Enketado) ekhavis ideon krei ŝajnigitan servon ekde komenco kontrolatan far la polico por trompi kaj kapti la krimulojn.

Alarmiga raporto 2021-03-29

Anonima persono publikigis laŭraporte "profesian" analizon de la servo ĉe retejo anomexposed.wordpress.com (enhavo nun forigita). Laŭ ria prijuĝo "la servo estas tre malbona kaj malfidinda, ĝi sendas mesaĝojn al pluraj dubindaj serviloj kaj tra Usono, kaj estas plej verŝajne kontrolata rekte far la polico" [1].

Samtempaj policaj razioj 2021-06-07 kaj sekva malkaŝo

Je la 2021-06-07 la polico efektivigis grandan kvaton da razioj ĉe diversaj lokoj en la tuta mondo, interalie en Usono, Aŭstralio kaj Svedlando. Estis efektivigitaj pli ol 700 traserĉoj, kaj trovitaj 250 pafarmiloj kaj granda kvanto da diversspecaj drogaĉoj kaj plia materialo. Pli ol 800 personoj estis malliberigitaj [5]. Sekve la polico malkaŝis la fakton ke la servo ANOM ekde komenco estis kontrolata far la polico, malsame al kelkaj antaŭaj okazoj kiam la polico sukcesis rompi kriptigon, aŭ fermis servojn por kriptigita komunikado.

Rezultoj, reagoj kaj kritiko

La akcio de la polico estas pritaksita kiel multe sukcesa kaj reagoj estis plejparte pozitivaj. Estis esprimita kontento kaj espero ke ĉi-foje oni finege malliberigis kaj kondamnos la pezajn krimulojn alte en la krimeca hierarkio, kontraŭe al la ĉiutaga polica laboro kiu celas personojn plej sube (kiuj ekzemple etskale komercas per la drogaĉoj sur la stratoj aŭ kontrabandas ilin) kaj kunportas diskriminacion surbaze de raso, sekso, malriĉeco aŭ simile. Sed aŭdiĝis ankaŭ kritiko pri la metodo amase prispioni aŭ subaŭskulti sen konkreta suspekto [6].

Referencoj

  1. ↑ 1,0 1,1 https://webcache.googleusercontent.com/search?q=cache:PwQXt6Sn_YwJ:https://anomexposed.wordpress.com/+&cd=7&hl=en&ct=clnk&gl=au.it
  2. ↑ dn.se/varlden/har-slog-polisen-till-mot-anom-natverken-i-hela-varlden (svede)
  3. ↑ bbc.com/news/world-57394831 "ANOM: Hundreds arrested in massive global crime sting using messaging app"
  4. ↑ washingtonpost.com/world/2021/06/08/an0m-sting-faq "What is Anom, and how did law enforcement use it to arrest hundreds in a global sting?"
  5. ↑ dn.se/sverige/uppgifter-fbi-skapade-falsk-mobilapp-for-att-fa-fast-kriminella (svede)
  6. ↑ https://www.gp.se/nyheter/sverige/polisen-beredd-p%C3%A5-kritik-f%C3%B6r-trojan-shield-1.49049064

Eksteraj ligiloj

  • anom.io Arkivigite je 2021-06-10 per la retarkivo Wayback Machine - iama retpaĝo de la servo, ekde 2021-06-08 montras grafikaĵojn de FBI kaj AFP (Australian Federal Police, Aŭstralia federala polico) kaj mesaĝon "domajno konfiskita"

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.