La skribsigno ‹′› (Unikode U+2032) havas plurajn uzojn:

• en geometrio, astronomio, geografio ĝi simbolas angulan minuton: ${\displaystyle 1^{\circ }=60'}$; 38°55′N;
• en matematiko (la esprimon ${\displaystyle a'}$ voĉlegu «a streko»):
  • simbolas respondan punkton en geometrio (${\displaystyle A'}$ respondas al ${\displaystyle A}$);
  • simbolas derivaĵon en analitiko (${\displaystyle f'}$: la unua derivaĵo de fo);
  • ${\displaystyle M'}$ simbolas transponon de matrico ${\displaystyle M}$.
• simbolas futon en la Usona-angla mezur-unua sistemo.

En la franca kaj angla partoj de la «Fundamenta Gramatiko de Esperanto» kaj en la Universala Vortaro minutsignoj estas uzataj por apartigi morfemojn: «mal′lum′a». Tiu notacio ne plu estas uzata, nun oni uzas tiucele la oblikvojn: «mal/lum/a».

Iam ‹′› estas neformale uzata por tempodaŭro, ekz‑e la daŭro de registraĵo: ${\displaystyle 2'33''}$ estas 2 minutoj 33 sekundoj, kvankam la normigaj instancoj tion malaprobas.