Lev Kerbel
Persona informo
Naskiĝo	7-an de novembro 1917 (1917-11-07) en Semenivka
Morto	14-an de aŭgusto 2003 (2003-08-14) (85-jaraĝa) en Moskvo
Tombo	Novodeviĉje tombejo
Lingvoj	rusa
Ŝtataneco	Respubliko Rusio Soveta Unio Rusia Soveta Federacia Socialisma Respubliko Rusio
Alma mater	Surikov State Academic Institute of Fine Arts (en) Russian Academy of Arts (en) Repin Institute of Arts (en)
Okupo
Okupo	pentristo skulptisto
Verkoj	Sovetunia Militmonumento (Tiergarten, Berlino)
v • d • r

Lev Jefimoviĉ KERBEL (ruse: Лев Ефимович Кербель, jide: לב קרבל; naskiĝinta la 7-an de novembro 1917 en Semenivka, mortinta la 14-an de aŭgusto 2003 en Moskvo) estis sovetia skulptisto. Li nombriĝis inter la plejaltrange honoritaj artistoj de sia lando.

Originante el juda familio Kerbel transloĝiĝis el vilaĝo en la ĉirkaŭaĵojn de Smolensko kie li jam en fruaj jaroj okupiĝis pri skulptado. Jam en 1934 Komsomolo aljuĝis al li premion por memortabulo por Lenin.

La kreanto de heroigaj, grandegaj bronzplastikoj komisiiĝis fare de la Ruĝa Armeo, poste ankaŭ de aŭtoritatoj de GDR, faradi monumentojn. La plej gravaj aĵoj de li troviĝas en lokoj memorantaj la marŝon de la Unua blankrusa fronto inter februaro 1944 kaj la komenco de la batalo de Berlino (1945): la obelisko de Kostrzyn ĉe Odro (forigo en novembro 2008), monumento pri la batalo de la altebenaĵoj de Seelow kaj la sovetiarmea honorigilo je Tiergarten. Apud la Sovetunia Militmonumento en la Treptova Parko ili estas la plej imponaj monumentoj en Germanujo pri la Dua mondmilito.

Tre konata estas ankaŭ la kraniego de Karl Marx (moknomite Nischel)^[1] en Chemnitz. La monumentala plastiko kun pezo de pli ol 40 tunoj kaj 7 metrojn da alteco fariĝis en Moskvo kaj Leningrado kaj en 95 pecoj transportiĝis al GDR; tie ĝi senvualiĝis en la 1971-a jaro.

Jena aliaj veroj: monumento por Ernst Thälmann je Prenzlauer Berg, monumentoj por Lenin kaj Marx en Moskvo kaj multo da Lenin-statuoj, ekz. je Birobiĝano^[2], aĵoj kiuj en ĉiuj iam socialismaj landoj kaj en en Kubo admireblis. Post la Turniĝo ne malmulto el ili detruiĝis. La lasta verko de Kerbel datumas de 2002, memorŝtono por 118 mortintoj dum la sinko de la submarŝipo Kursk.^[3][4]

Kerbel persone amikiĝis kun Erich Honecker.

• 1950: Stalin-premio
• 1961: Lenin-premio
• 1985: Heroo de Socialisma Laboro
• 1986: Nationalpreis der DDR, unua klaso

• 
  (ne plu ekzistanta) venk-obelisko en Kostrzyn
• 
  Karl-Marx-monumento, Chemnitz
• 
  Thälmann monumento en la berlina Thälmann-parko
• 
  sovetia poŝtmarko de 1975, kun Gagarin-busto de Kerbel

• Informoj pri Lev Kerbel en katalogo de la Germana Nacia Biblioteko (germane)
• Ingeborg Ruthe: "Zum Tode des russischen Bildhauers Lew Kerbel: Helden müssen 30 Tonnen wiegen." - Ĉe: Berliner Zeitung, 15.8.2003

1. ↑ "Sehenswürdigkeiten – Karl-Marx-Monument."
2. ↑ "В Биробиджане коммунист «обезглавил» бюст Ленина." - Ĉe: NEWSru.com, 24.4.2015
3. ↑ "В Казани завершается отливка памятника экипажу «Курска»." - Ĉe: NEWSru.com, 20.6.2002
4. ↑ "В Казани отлит памятник экипажу «Курска». - Ĉe: NEWSru.com, 25.7.2002