La Simpsonoj
La familio Simpson. De maldekstre dekstren: Homer, Marge (kaj Maggie), Lisa, Bart
animacia televida serio
Originala titolo	The Simpsons
Originala lingvo	angla lingvo
Origina lando	Usono
Ĝenro	animacia situacia komedio, satiro, nigra humuro
Muziko de	Alf Clausen
Amplekso
Sezonoj	37
Epizodoj	805
Daŭro sen reklamoj	22 minutoj
Elsendo
Unua elsendo	17 dec. 1989
Eksteraj ligiloj
Oficiala retejo
ĉe IMDb
Partoj The Simpsons, season 1 (en) The Simpsons, season 2 (en) The Simpsons, season 3 (en) The Simpsons, season 4 (en) The Simpsons, season 5 (en) The Simpsons, season 6 (en) The Simpsons, season 7 (en) The Simpsons, season 8 (en) The Simpsons, season 9 (en) The Simpsons, season 10 (en) The Simpsons, season 11 (en) The Simpsons, season 12 (en) The Simpsons, season 13 (en) The Simpsons, season 14 (en) The Simpsons, season 15 (en) The Simpsons, season 16 (en) The Simpsons, season 17 (en) The Simpsons, season 18 (en) The Simpsons, season 19 (en) The Simpsons, season 20 (en) The Simpsons, season 21 (en) The Simpsons, season 22 (en) The Simpsons, season 23 (en) The Simpsons, season 24 (en) The Simpsons, season 25 (en) The Simpsons, season 26 (en) The Simpsons, season 27 (en) The Simpsons, season 28 (en) The Simpsons, season 29 (en) The Simpsons, season 30 (en) The Simpsons, season 31 (en) The Simpsons, season 32 (en) The Simpsons, season 33 (en) The Simpsons, season 34 (en) The Simpsons, season 35 (en) The Simpsons, season 36 (en) The Simpsons, season 37 (en) The Simpsons, season 38 (en) The Simpsons, season 39 (en) The Simpsons, season 40 (en) vd
v • d • r

La Simpsonoj (angle The Simpsons) estas usona animacia televidprogramo. Ĝi estas dissendata ekde la 17-a de decembro 1989 kiam ĝi unue aperis en la FOX-a reto. La disvolvigo de la serio uzas komedion por pritrakti multajn flankojn de la usona kulturo, politiko kaj familia vivo. Multaj kritikistoj konsideras ĝin la plej altkvalita animacia programo. La revuo Time nomumis ĝin en 1998 la plej altkvalita televidprogramo de la 20-a jarcento.

La ĉefajn rolulojn kreis Matt Groening kiel parton de serio por la elsendo The Tracey Ullman Show. Multaj roluloj en la programo nomiĝis laŭ familianoj de Groening — lia patro Homer, patrino Marge, kaj liaj fratinoj Lisa kaj Maggie. Bart estas kaŝnomo de Matt Groening.

La programoj koncentriĝis je la familio Simpson. Homer estas la malsaĝa patro. Marge estas la zorgema patrino kun tre alta blua hararo. Bart estas la petolema filo. Lisa estas la inteligenta filino. Maggie estas bebo kiu ĉiam havas suĉilon en sia buŝo. Krome en la urbo Springfield loĝas multaj aliaj roluloj.

Homer Simpson estas la edzo de Marge kaj la patro de Bart, Lisa kaj Maggie. Lia voĉaktoro estas Dan Castellaneta. Li laboras kiel teĥnikisto en nuklea centralo en la usona urbo Springfield, kvankvam li havas kompletan mankon de teĥnika kompetenco. Li estas malpli inteligenta ol averaĝe, kaj liaj plej grandaj interesoj en la vivo estas spekti stultajn televidprogramojn kaj trinki bieron kun siaj amikoj. Homer Simpson fariĝis tre fama rolulo, kaj lia fama esprimo d'oh eĉ aperis en vortaroj de la angla lingvo.

Marge estas la 34-jara edzino de Homer kaj la patrino de Bart, Lisa kaj Maggie. Ŝia voĉaktorino estas Julie Kavner. Ŝi estas bonega artistino ĉar ŝi studis arton. Ŝi ankaŭ interesiĝas pri kulturo kaj parolas la francon interalie ĉar ŝi mem estas francdevena.

Bart estas la plej aĝa el la gefiloj de Marge kaj Homer. Li estas ĉirkaŭ 10-jaraĝa. Lia voĉaktorino estas Nancy Cartwight. Bart estas malbonkonduta knabo, kiu malsukcesas en la lernejo kaj ĉiam petolas. Tamen, li fakte havas bonan karakteron. Li estas verŝajne la plej konata figuro de la serio, kune kun Homer.

Lisa Simpson estas la pli maljuna filino de Marge kaj Homer, kaj la pli juna fratino de Bart. Ŝia voĉaktorino estas Yeardley Smith. Unuafoje ŝi aperis en la mallonga epizodo "Good Night" ("Bonan nokton") de la usona televida serio "The Tracey Ullmam Show" en aprilo 1987. Lisa estas tre inteligenta. Tial la aliaj lernantoj ofte ĉagrenas ŝin kaj ŝi ne havas verajn amikojn. Homer estas tre fiera pri Lisa. Li klopodas helpi ŝin kiam li povas.

Lisa ankaŭ estis la nomo de la fratino de Matt Groening.

Maggie Simpson estas bebo. Ŝi havas eksterordinarajn kapablojn, sed la aliaj personoj de la Simpson-familio ne atentas ŝin ofte. Ŝia unua vorto estis "paĉjo" (angle "daddy").

Abe Simpson estas la maljuna patro de Homer.

Patty kaj Selma Bouvier estas la ĝemeloj, fratinoj de Marge. Ili malŝatas Homer.

Tio estas baratdevena posedanto de superbazareto Kwik-E-Mart en Springfield. La rolulo estis plurfoje kritikata pro karikatura bildigo de la usonaj baratdevenuloj. Dum pluraj jaroj lin voĉigis blankulo Hank Azaria, sed en 2020 li anoncis, ke li ne plu voĉigos la rolulon pro tiu ĉi kritiko.

La 26-an de junio 2020 produktoro diris, ke La Simpsonoj ne plu uzos blankulojn por voĉigi ne-blankulajn rolulojn. Temas unuavice pri Apu Nahasapeemapetilon, kiun dum pluraj jaroj lin voĉigis blankulo Hank Azaria. Hank Azaria voĉigis ankaŭ nigrulon-policanon Lou kaj meksikdevenulon Bumblebee Man. Alia blankula aktoro Harry Shearer voĉigis nigrulan doktoron Hibbert.

• 15a.- Deep Space Homer