Fragmacio
 | ||||||||||||||
|---|---|---|---|---|---|---|---|---|---|---|---|---|---|---|
 Fragmacio
.jpg) | ||||||||||||||
| Biologia klasado | ||||||||||||||
| ||||||||||||||
| Phragmacia substriata (Smith, 1842) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Fragmacio aŭ Blankabrusta fragmacio estas malgranda paserina birdo de la familio de Cistikoledoj. Ĝi estas la ununura membro de la genro Phragmacia kaj estis iam lokita en la genro Prinia, sed oni trovis ĝin sufiĉe distinga por meriti propran genron. Tiu cistikoledo estas loĝanta reproduktulo en okcidenta Sudafriko kaj plej suda Namibio.
Ĝi estas specio endemia de la regiono de karuo de akacioj, en densa arbustaro aŭ dornarbustaro en sekaj riverujoj kaj kareksejoj ĉe riveroj kaj akvorezervujoj. Ankaŭ ĉe fruktoĝardenoj kaj ĉe irigaciaj kanaloj aŭ ĝardenoj.
Aspekto
La Fragmacio estas 12-13 cm longa, kun mallongaj rondoformaj flugiloj, longa vosto, fortaj kruroj kaj mallonga rekta nigra beko. La kapo havas blankecan superokulan strizonon kaj supraj partoj estas tre brunaj kun ruĝecbrunaj flugiloj. Gorĝo, subvizaĝo kaj ventro estas blankecaj sen strieco kaj la brusto estas blanka kun fajna vertikala strieco. La subaj flankoj estas sablokoloraj. La longa bruna vosto estas tipe levata. La piedoj kaj kruroj estas rozbrunecaj, kaj la iriso estas tre bruna. Ambaŭ seksoj estas identaj, sed junuloj estas pli senkoloraj ol plenkreskuloj.
La alvoko de tiu specio estas altatona triiip-triip-trrrrrr.
La Fragmacio povas esti konfuzata nur kun la Karua prinio, sed tiu specio havas pli mallongan voston, pli senkoloran brunan dorson kaj sablokolorajn pintojn en subvosto.
Kutimaro
La nesto estas profunda, malferma taso konstruita el seka herbo, eroj de tifao (Typha capensis) folioj kaj radikoj, kovrita per mildaj plumoj, molaj semoj kaj radiketoj. Ĝi estas tipe lokata en herbotufo, arbusto, junkejo aŭ riverrubejo ĉe riverbordo; la ekstero de la nesto estas ofte kamuflita per arboŝelo, likenoj, bastonetoj kaj mortaj folioj. Nestosezono estas el aŭgusto al aprilo. La ino demetas 2-4 ovojn, kiuj estas kovataj dum ĉirkaŭ 16 tagoj. Oni scias malmulte pri idozorgado, nur ke tiuj restas en la nesto dum ĉirkaŭ 15 tagoj.
La Fragmacio estas kutime vidata en paroj aŭ malgrandaj grupoj, tipe malalte en arbusto, manĝanta malgrandajn insektojn, havante la voston levata.
Konservadostatuso
Tiu komuna specio havas grandan teritorion, kun ĉirkaŭkalkulata etendo de 380,000 km². Oni supozas, ke ankaŭ la populacio estas granda kaj ke la specio ne alproksimiĝas al sojloj de la kriterioj por malpliiĝo fare de la IUCN Ruĝa Listo kaj pro tio ĝi estas konsiderata kiel Malplej Zorgiga.
Referencoj
- http://www.biodiversityexplorer.org/birds/cisticolidae/phragmacia_substriata.htm Arkivigite je 2015-10-10 per la retarkivo Wayback Machine
- Ian Sinclair, Phil Hockey and Warwick Tarboton, SASOL Birds of Southern Africa (Struik 2002) ISBN 1-86872-721-1
- Ryan, Peter (2006). Family Cisticolidae (Cisticolas and allies). Pp. 378-492 in del Hoyo J., Elliott A. & Christie D.A. (2006) Handbook of the Birds of the World. Volume 11. Old World Flycatchers to Old World Warblers Lynx Edicions, Barcelona ISBN 978-84-96553-06-4
- Nguembock B.; Fjeldsa J.; Tillier A.; Pasquet E. (2007): A phylogeny for the Cisticolidae (Aves: Passeriformes) based on nuclear and mitochondrial DNA sequence data, and a re-interpretation of a unique nest-building specialization. Molecular Phylogenetics and Evolution 42: 272-286.
| ||||||||||||||||||
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.