Cerba ponto
| Cerba ponto | ||
|---|---|---|
| ||
| cerba regiono organa tipo klaso de anatomia unuo 
| ||
| cerba regiono • segment of metencephalon • individua anatomia ento | ||
_section_description.JPG)
La cerba ponto - latine pons cerebri - estas parto de la homa kaj besta cerbo. Kune kun la cerbeto ĝi konsistigas la "malantaŭan cerbon", latine nomata metencephalon. Se oni vidas anatomian preparaĵon de homa cerbo, unuarigarde elstaras la bulbo de la cerba ponto inter la "meza cerbo" (latine mesencephalon) kaj la mjela plilongigo, en la anatomia terminaro ankaŭ nomata "mjela cerbo" (latine myelencephalon). Kune kun la "meza cerbo" kaj la mjela plilongigo ĝi konsistigas la cerban trunkon.
Anatomio
Fakuloj dividas la ponton en antaŭan parton, nomata "ponta bazo" (pars basilaris pontis), kaj malantaŭan parton, nomata "ponta tegmento" (tegmentum pontis). En la ponto de kvarpiede moviĝantaj bestoj tiuj partoj pro la sekve alia korpa pozicio estas sube respektive supre.
En la bazo videblas du volbiĝoj, en kiuj ambaŭflanke situas la "piramida vojo" (tractus pyramidalis) aŭ "kortekso-spina vojo" (tractus corticospinalis) de neŭronoj. En la meza "baza sulko" (sulcus basilaris) inter tiuj neŭronaj vojoj situas la "baza arterio" (arteria basilaris). Malantaŭ la ponto ankoraŭ situas pli eta transversa volbaĵo, nomata "trapeza korpo" (corpus trapezoideum) en kiuj vojas la neŭronoj respondecaj pri aŭdado kaj en kiu la cerbaj nervoj VI ĝis VIII atingas la cerban surfacon. La en sekcoj videbla liga linio inter ambaŭ duonoj de la mjela plilongigo estas latine nomata raphe kaj konsistas precipe el kruciĝantaj nervaj fibroj.
Flanke de la ponto la kompare larĝa cerba nervo V (nervus trigeminus) atingas la cerban surfacon.
La supra finaĵo de la ponta tegmento estas la antaŭa parto de la fundo de la romba fosaĵo kaj do de la 4-a ventriklo. La ligon al la cerbeto ambaŭflanke konsistigas cerba strukturo nomata la "meza cerbeta piedeto" (pedunculus cerebelli medius).
Funkcio
La cerba ponto estas trairejo por ĉiuj nervaj fibroj inter la supraj kaj subaj partoj de la centra nerva sistemo. Krom tiuj neŭronaj vojoj ("blanka substanco") en la ponto situas iuj neŭronaj nukleoj, la "pontaj nukleoj" (nuclei pontis). Ili estas neŭronaj ligiloj inter cerbo kaj cerbeto, kiuj en la ponto kruciĝas de maldekstre dekstren respektive de dekstre maldekstren. En transversa sekco de la ponto bone videblas tiuj kruciĝantaj fibroj (fibrae transversae pontis).
En la ponta tegmento krome situas parto de la "reta formaĵo" (formatio reticularis) kaj la motoraj nukleoj de tri cerbaj nervoj, nome nervus trigeminus (V), nervus abducens (VI) kaj nervus facialis (VII).
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.