Briareo
Hekatonkiroj
Verko	La inĝenia kavaliro Don Kiĥoto el Manĉo
Informoj
Eble sama	Aegaeon
Sekso	vira
Patro	Urano
Patrino	Geo
Gefratoj	Kotoso • Gyges
Edzo/Edzino	Cymopoleia
Infanoj	Oeolyce • Sikanos • Aetna
v • d • r

Briareo (helene Βριαρεως, Briareôs, latine Briareus) estis en la helena mitologio unu el la teruraj kvindekkapaj, centmanaj gigantoj, kies patrino estis diino de la tero Gaja kaj patro dio de la ĉielo Urano. Probable la sama mitologia figuro estis konata ankaŭ sub la nomo Aigaiono (helene Αἰγαίων, Aigaíōn , latine Aegaeon)

Li estas unu el fratoj Hekatonkiroj (laŭvorte, centmanaj) nomataj Koto, Briareo kaj Gieso, kiuj estis fratoj de titanoj kaj antaŭuloj de Ciklopoj. Onidire ili estis fieraĉaj kaj tiel malbelaj, ke eĉ ilia patro ne povis rigardi ilin. Pro tio tuj post ilia naskiĝo li ĵetis ilin en profundojn de la tero kun strikta malpermeso eliradi eksteren.

Tio kolerigis ilian patrinon, kaj ŝi petis la plej junan el la titanoj, Kronon, ke li pro tio punu Uranon kaj senigu lin de la regado. Krono tion faris kaj proklamis sin mem reganto, sed Hekatonkirojn li ne liberigis, ĉar li timis ilian forton.

Tion faris nur Zeŭso, kiu pli malfrue ribelis kontraŭ sia propra patro, Krono. Hekatonkiroj helpis al li pri tio en bataloj kontraŭ titanoj, kaj post ties malvenko kaj ĵeto en profundojn de la Tartaro ili fariĝis gardantoj de ilia prizono.

En kelkaj helenaj mitoj oni asertas, ke t.n. "Kolonoj de Heraklo" origine nomiĝis "Kolonoj de Krono" kaj pli malfrue "Kolonoj de Briareo". Ili onidire estis nomataj laŭ giganto, kies potenco atingis ĝis ili. Kiam oni Briareon forgesis, la kolonoj estis nomataj laŭ Heraklo. Sed oni ne forgesu cirkonstancon, ke ankaŭ Heraklo estis en komenco nomata Briareo.

Pri preciza fiziognomio de Hekatonkiroj ne estas imagoj. Nek en antikva tempo, nek en la moderna ili ne estis bildigitaj.

Aŭ alia versio de la mito, aŭ alia persono estas Briareo, kiun homoj nomis Aigaiono. Laŭ Homero li ankaŭ estis malbela centmana giganto, kies patro estis mara dio Posejdono. Li obeis alvokon de la diino Tetiso kaj alrapidis Olimpon en momento kiam la plej altan dion Zeŭson la dioj Hero, Atena kaj Posejdono volis katenigi kaj detronigi.

Kiam la ribeluloj ekvidis la malbelan giganton rigidiĝis kaj maltenis ŝnurojn. Laŭ la alia fonto Zeŭso jam estis katenita kaj Briareo per siaj cent manoj malnodigis ŝnurojn kaj la regnestron liberigis kaj savis.

• Eltiraĵoj el la originaj grekaj fontoj (en la angla)

Transprenita kaj malstrikte tradukita de
cs:Briareós