DOKUMEN123.COM

Bourseul / Boursaout
komunumo
komunumo en Francio vd
	Blazono
Administrado
Regiono	Bretonio
Departemento	Côtes-d'Armor
Arondismento	Dinan
Kantono	Plancoët / Plangoed
INSEE kodo	22014 [+]
Poŝtkodo	22130
En TTT	Oficiala retejo [+]
Demografio
Loĝantaro	1 277 (2023) [+]
Loĝdenso	57 loĝ./km²
Geografio
Geografia situo	48° 29′ N, 2° 16′ U (mapo)48.487222222222-2.2597222222222Koordinatoj: 48° 29′ N, 2° 16′ U (mapo) [+]
Alto	60 m [+]
Areo	22,23 km² (2 223 ha) [+]
	Bourseul / Boursaout (Côtes-d'Armor)
	Situo de Bourseul / Boursaout
	Bourseul / Boursaout (Francio)
	Situo de Bourseul / Boursaout
Alia projekto
	Vikimedia Komunejo Bourseul [+]
	v • d • r

Bourseul - prononco [buʁsœl], jen france, bretone Boursaout - estas komunumo de Francio. Ĝi situas en la departemento Côtes-d'Armor (jen france, bretone Aodoù-an-Arvor), “marbordoj de la lando ĉe la maro”, en la regiono Bretonio (france Bretagne, bretone Breizh). Laŭ la stato de 2023 en la komunumo vivis 1 277 loĝantoj sur areo de 22,23 kvadrataj kilometroj, kio rezultigas loĝdenson de 57 loĝantoj/km². Ene de la departemento, la komunumo apartenas al la arondismento Lannion kaj al la kantono Plancoët / Plangoed. La teritorio havas komunan limon kun Corseul, Jugon-les-Lacs, Plancoët, Plorec-sur-Arguenon, Pluduno, Saint-Méloir-des-Bois kaj Plélan-le-Petit.

Heraldiko

Vidu ankaŭ: Blazonaro de la komunumoj de Côtes-d'Armor

	Blazono	france Écartelé, au 1) d'argent à un chêne de sinople englandé de gueules; au 2) de gueules à trois étoiles d'argent posées 2 et 1; au 3) de gueules à une hermine passante d'argent colletée de la jarretière de Bretagne; au 4) coupé émanché d'azur et d'hermines. esperante Kvarpartigita, la unua arĝenta kun sinopla kverko ŝarĝita per ruĝaj glanoj; la dua ruĝa kun tri arĝentaj steloj metitaj 2 kaj 1; la tria ruĝa kun pasanta arĝenta ermeno kun skarpo ŝarĝita per la Ĝartero de Bretonio; la kvara ermenplena kun lazuraj segildentoj.
	Detaloj

Lokoj kaj monumentoj

Bourseul enhavas tri monumentojn klasitajn historiaj (MH):

Preĝejo Saint-Nicodème, 12-a jarcento, havanta sudan porĉon kun romanika pordo, kun enirejo kun duobla centra mezfosto. Maskoj ornamas la kapitelojn.
Kruco de tombejo, 18-a jarcento, situanta piede de la preĝejo, staranta sur soklo kun la skulptitaj signoj de la kvar evangeliistoj.
Kastelo Beaubois, 17-a jarcento.

Muelejo de Pont Loyer

La muelejo ekfunkciis en 1821.

Jean-Baptiste Chesnais, posedanto, estas aŭtenta muelisto, kiu lernis sian metion en 1936 de sia onklo. La alveno de elektro en 1959 finis la agadon de muelisto.

S-ro Chesnais neniam vidis nek konis la originan radon de tiu muelejo, kiu ĉesis labori en 1920. Sed post baldaŭ unujarcenta dormo, S-ro Chesnais kaj lia bofilo rekonstruis tiun radon nun videblan.

En 1891 okazis batalo por la restaŭro de la muelejo.

Priskribo: 2 tabulradoj el kverko : unu, 7 metrojn diametra kun 48 tabuloj, dekstraflanke, restaŭrita, unu, 5 metrojn diametra kun 32 tabuloj, maldekstraflanke, refarita en 1988.

La muelejoj de Pont-Loyer ĉerpas sian movenergion de la rivero Arguenon. 400 metrojn pli alte, baraĵeto sur la rivero Arguenon kun kanaleto alportas akvon al la muelejo.

Elstaruloj ligitaj al la komunumo

Apolline de Bédée, naskiĝinta en Bourseul en 1726, patrino de François-René de Chateaubriand^[1].
Désiré Letort naskiĝinta en Bourseul konkuris en ok Tour de France kaj surhavis la flavan ĵerzon en 1969 : li gajnis ĝin fine de la kvina etapo inter Nancy kaj Mulhouse kaj cedis ĝin la sekvantan tagon al Eddy Merckx fine de la sesa etapo en Ballon d'Alsace.