Batalo de Cable Strato (angle : Battle of Cable Street) okazis la 4-an de oktobro 1936, kiam loĝantoj de la East End de Londono malhelpis, fakte blokis, paradon de Brita Unio de Faŝistoj, gvidata de Oswald Mosley, subtenata de la Metropola Polico de Londono.

Mosley kaj lia bando de nigraĉemizuloj deziris marŝi tra la homplenaj judaj kvartaloj de orienta Londono (precipe la kvartalo Stephanie) por trudi terorismon. Ili ricevis permeson de la polico kaj eĉ eskorton. Fronte al ĉirkaŭ 3 000 marŝistoj subtenataj de 2 000 policanoj, organizitaj grupoj de kontraŭfaŝismaj fortoj barikadis sin malantaŭ barikadoj, inkluzive judojn (kiuj malobeis la ordonojn de la estroj de la komunumo, kiuj postulis, ke la judoj restu fermitaj en siaj hejmoj), membroj de la Brita Komunista Partio, socialistoj de la sendependa laborista partio, anarkiistoj kaj irlandanaj-katolikoj.

La kontraŭfaŝismaj manifestaciantoj, loĝantoj de la regiono, nombris ĉirkaŭ 100 000 homojn. Ilia devizo estis "They shall not pass!" (Ili ne preterpasos), La traduko de la frazo en la hispana "no pasarán", la slogano de la respublikanoj en la Hispana Enlanda Milito ). En la perfortaj tumultoj kaŭzitaj de la kolizio, la homoj ĉe la barikadoj atakis la marŝantojn kaj la policanojn, kiuj protektis ilin per bastonoj, per ĵetado de ŝtonojn, meblojn kaj rubojn, kiujn ili pretigis deantaŭe. Grupo de judaj manifestaciantoj eĉ verŝis barelojn da rulglobetoj, kio kaŭzis la falon de la policaj ĉevaloj kaj vundon mem de la policistoj.

Fine de la tago, ĉirkaŭ 175 homoj vundiĝis, inkluzive virinojn kaj infanojn, kaj ĉirkaŭ 150 kontraŭfaŝismaj manifestaciantoj estis arestitaj de polico. La faŝisma parado ĉesis kaj la faŝistoj disvastiĝis ĉie. Post la batalo, nova leĝo, nomata "Public Order Act (1936)" (Publika Ordo-Leĝo) estis promulgita, kiu malpermesis la portadon de politikaj uniformoj publike kaj kontribuis al la dissolvo de la movado de Mosley.

 Batalo de Cable Strato en Vikimedia Komunejo