Austin L. Rand
Persona informo
Naskiĝo	16-an de decembro 1905 (1905-12-16) en Kentville
Morto	6-an de novembro 1982 (1982-11-06) (76-jaraĝa) en Avon Park
Tombo	Oak Hill Cemetery (en) vd
Lingvoj	angla vd
Ŝtataneco	Kanado vd
Alma mater	universitato Acadia vd
Familio
Edz(in)o	Rheua Vaughn Medden (mul) vd
Infanoj	Austin Stanley Rand (en) , William M. Rand (mul) vd
Profesio
Okupo	ornitologo zoologo scienca kolektisto vd
Honorigoj Honorigoj  docteur honoris causa de l'université Acadia (fr) vd
vd	Fonto: Vikidatumoj
v • d • r

Austin Loomer RAND (16a de Decembro 1905 – 6a de Novembro 1982) estis kanada zoologo.

Li naskiĝis en Kentville (Nov-Skotio), en 1905 kaj kreskiĝis en apuda Wolfville, kie li estis tutorigita de fama loka ornitologo Robie W. Tufts. Li gradiĝis en Scienco en la Akadia Universitato, institucio en kiu li ankaŭ ricevis honoran doktorigon en 1961.

En 1929, estante studento en la Universitato Cornell, li veturis en ekspedicio al Madagaskaro kiel kolektanto de birdoj. Rand publikigis la rezultojn kiel doktoriga disertacio. En tiu ekspedicio li renkontiĝis kun Richard Archbold, zoologo kaj filantropo, kun kiu li iĝis dumviva amiko. Archbold poste financis kaj estris serion de biologiaj ekspedicioj al Nov-Gvineo en la 1930-aj jaroj, en kiuj ankaŭ Rand partoprenis kaj kunestris. En 1941 li helpis Archbold en la establado de la Archbold Biological Station en Lake Placid, Florido, kien li retiriĝis.

En 1942, Rand iĝis helpanta zoologo en la Nacia Muzeo de Kanado, nun Kanada Muzeo de Naturo, kie li laboris kun ornitologo Percy A. Taverner kaj mamulologo Rudolph Martin Anderson. El 1947 ĝis 1955, li estis zorganto de birdoj en la Muzeo Field en Ĉikago kaj estis ĉefa zorganto pri Zoologio tie el 1955 ĝis 1970.

Li estis ofta kontribuanto al The Auk, ornitologia gazeto de la American Ornithological Society, organizo en kiu li estis elektita kiel membro kaj Prezidento en 1962–1964.

En 1996 li estis omaĝita en la nomo de unu el la esplorkonstruaĵoj de la Archbold Biological Station.

Austin L. Rand estis patro de la fama tropik-herpetologo Austin Stanley Rand de la Smithsonian Institution.

Krom nombraj artikoloj kaj sciencaj artikoloj, gravaj reportoj kaj libroj verkitaj aŭ kunverkitaj de Rand estas jenaj:

• 1936. The distribution and habits of Madagascar birds. (Bulletin of the American Museum of Natural History).
• 1937. Results of the Archbold expeditions No.14: The birds of the 1933–1934 Papuan expedition. (Bulletin of the American Museum of Natural History. Kun Ernst Mayr).
• 1942. Results of the Archbold Expeditions. Birds of the 1936–1937 New Guinea Expedition. (Bulletin of the American Museum of Natural History).
• 1955. Stray feathers from a bird man's desk. Fascinating and unusual sidelights on the lives of birds.
• 1956. American Water and Game Birds.
• 1960. Birds of the Philippine Islands: Siquijor, Mount Malidang, Bohol, and Samar. (Fieldiana. Kun D.S. Rabor).
• 1961. A Midwestern Almanac, Pageant of the Seasons. (Kun sia edzino Rheua M. Rand).
• 1962. Birds in Summer.
• 1967. Ornithology: an Introduction.
• 1967. Handbook of New Guinea Birds. (Kun E. Thomas Gilliard).
• 1971. Birds of North America.