Atrium
| Atrium | ||
|---|---|---|
| Atrium | ||
| ||
| eldonejo libroeldonejo 
| ||
| Dum | 1935 - nekonata/nuntempe | |
| Jura formo | akcia kompanio | |
| Fondita | 1924/1933/1935 (vidu tekste) | |
| Sidejo | Zuriko kaj Hamburgo | |
| Lando | Germanio • Svislando | |
| Agokampo | libroeldonado de porplenkreskula literaturo | |
| TTT | atrium-verlag.com | |
Eldonejo Atrium - germane Atrium Verlag - estas germanlingva libreldonejo de porplenkreskula literaturo kun centraj oficejoj en Zuriko kaj Hamburgo. Kunordiga eldonisto estas Nikolaus Hansen.
Historio
La eldonejo fakte ekestis en 1933, kiam la en 1924 de la juda germanino Edith Jacobsohn fondita eldonejo Williams & Co. sub la nova reĝimo de Nazia Germanio politike kaj ekonomie premiĝis je malfondiĝo. Edith Jacobsohn sekve elmigris el Germanio kaj vendis la eldonejon al Kurt Maschler. En 1935 Kurt Maschler krome en Bazelo fondis svislandan eldonejon Atrium, por ebligi al la verkisto Erich Kästner, kies verkaĵoj intertempe estis malpermesitaj en Nazia Germanio, pluan publikigon de sia verkaro. Preskaŭ ĉiujn publikigajn rajtojn de la germania eldonejo Williams la eldonisto Kurt Maschler transdonis al la svislanda eldonejo Atrium, por protekti ilin de la nazia reĝimo en la Germana Regno. Baldaŭ la centra eldoneja sidejo translokiĝis al Zuriko. De la 1930-aj ĝis 1950-aj jaroj en la eldonejoj interalie publikiĝis la germanlingvaj verkaĵoj de Stefan Zweig, Kurt Tucholsky, Erich Fried kaj la germanlingvaj tradukoj de verkaĵoj de la usonano Norman Mailer.
Kurt Maschler en 1937 ankaŭ devis fuĝi el Nazia Germanio kaj fine troviĝis en Londono. De tie li distance plugvidis la eldonejon en Zuriko, sed post la 1950-aj jaroj iom post iom pojare malpliiĝis la novaj eldonejaj publikaĵoj. En 1978 la germania eldonejo Friedrich Oetinger, mem specialiĝinta pri porinfana literaturo, ekzemple la germanlingvaj tradukaĵoj de la libroj de Astrid Lindgren, transprenis la eldonejon en Zuriko. Tamen ĉiujare daŭre nur publikiĝis malmultaj novaj eldonaĵoj. Ekde 2004 en kunlaboro kun la eldonejo Arche same apartenanta al la eldona grupo Friedrich Oetinger, en la eldonejo Atrium denove regule publikiĝas novaj porplenkreskulaj verkaĵoj en signifa kvanto.
Por plia internacia distribuo de la produktaĵoj ĝi kompreneble intense kunlaboras kun alilandaj eldonejoj kaj tial prezentiĝas en internaciaj librofoiroj kiel ekzemple la frankfurta librofoiro en Germanio.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.