IP
IP (англ.: Internet Protocol — міжсеткавы пратакол) — пратакол сеткавага ўзроўню у стэку TCP/IP. IP аб’ядноўвае абасобленыя камп’ютарныя сеткі ў адзіны Інтэрнэт. Неад’емнай часткай пратаколу з’яўляецца адрасацыя сеткі.
Пратакол IP дастаўляе інфармацыю ад аднаго вузла сеткі да іншага ў выглядзе пакетаў даных. Кожны пакет складаецца са службовай часткі (англ.: header — «загаловак») і карыснага змесціва (англ.: payload). Дастаўка пакетаў па пратаколе IP заснавана выключна на аснове IP-адрасоў у загалоўках пакетаў.
Пратакол IP выкарыстоўваецца для негарантаванай дастаўкі інфармацыі. Гэта азначае, што на ўзроўні гэтага пратаколу не даецца гарантый надзейнай дастаўкі пакета да адрасата. У прыватнасці, пакеты могуць прыйсці не ў тым парадку, у якім былі адпраўленыя, прадублявацца (калі прыходзяць дзве копіі аднаго пакета; у рэальнасці гэта бывае вельмі рэдка), быць пашкоджанымі (звычайна пашкоджаныя пакеты знішчаюцца) або не прыбыць зусім. Гарантыі беспамылковай дастаўкі пакетаў даюць пратаколы больш высокага (транспартнага) ўзроўню эталоннай мадэлі OSI — напрыклад, TCP.
Пратакол IP версіі 4 (IPv4) выкарыстоўваецца найбольш шырока ў Інтэрнэце. Яго пераемнікам з’яўляецца пратакол версіі 6 (IPv6), які прадастаўляе большую колькасць адрасоў для выкарыстання. Нягледзячы на тое, што пераход на IPv6 адбываецца даволі марудна[1], многія краіны ўжо шырока выкарыстоўваюць апошнюю версію. Па звестках кампаніі Google больш за 41 % запытаў да яе сервісаў перадаецца праз злучэнні IPv6.[2]
Версія 4
Вялікая частка сеткі Інтэрнэт выкарыстоўвае IP чацвёртай версии, вядомы таксама як IPv4. У пратаколе IP кожнаму вузлу сеткі ставіцца ў адпаведнасць IP-адрас даўжынёй 4 актэты (4 байты). Пры гэтым камп’ютары ў падсетках яднаюцца агульнымі пачатковымі бітамі адрасу. Шэраг гэтых біт, агульныя для пэўнай падсеткі, называется маскай падсеткі (раней выкарыстоўвалася дзяленне прасторы адрасоў па класам — A, B, C; клас сеткі вызначаўся дыяпазонам значэнняў старэйшага актэту і вызначаў колькасць адрасуемых вузлоў у пэўнай сетцы, зараз выкарыстоўваецца бяскласавая адрасацыя).
Гл. таксама
Зноскі
- ↑ IPv6 Adoption in 2021 (англ.). RIPE Labs (4 чэрвеня 2021). Праверана 20 верасня 2021.
- ↑ IPv6. Google. Праверана 19 мая 2023.
Спасылкі
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.