Da Woogsee, au Lôndsee, isch ä klains Gwässer im Oschde vu Raschdi in Bade-Wirdeberg. Är isch ca. 250 m long unn 15 m breit, hedd ä longgezogene Form unn dehnt sich ugfähr vum Norde nach Süde uus.

Da See isch ä klains Reschdl vum so gnonnde Kinzig-Murg-Fluss, wu vor gonz longer Zitt barallel zum Rhing gflosse isch. Seller Fluß hedd sich ä aigene Stromoue mit Hochgschdade unn Ibberschwemmungsgebiede gschaffe. D´Reschd vun seim Strombett hänn än großer See gebildet, wo damols vun Oos, Eberschde unn Sondwier, Kubbene unn Nidderbiil bis noch Raschdi, Muggeschdurm unn Ferch graicht hedd. Do heddss Fisch drinn gänn unn mr hedd mid'm Schiff druff fahre kenne. Im 16. Johrhunnert henn sälle Ortschafte, wo ôm Ufer gwä sinn, dän See nôch unn nôch trocke glegt fer Wiise unn Äcker z'gwinne. Da hittig Woogsee isch bloß noch än Reschd devu.

Am 14.11.1939 isch er zumme Nadurdenkmol erklärt worre. Abber in da 60er- unn 70er-Johr hedd ma ne, wiel er direkt amme Induschdriegebiet ogrenzt, als a Millkipp unn sei Ufer als kommerzielle Himbeer- unn Brombeerblandasch uusgnitzt. Usserdem sinn illegal Hitte uffbout worre, bevor ma in der 80er-Johr sei urspringlicher Zustond hedd widder herstelle kenne. Unn d´Stadt Raschdi hedd damols 500 Kubikmeter Schlamm uusbaggere lasse, damit er sei ursprüngliche Dief vun 2 Meter hedd widder erraiche kenne.

• 
  Blick vum Nordufer uff´s Südufer
• 
  ´s Nordufer
• 
  Der See in da Breite
• 
  In da Mitt vum See
• 
  Blick vum Süde uff da Norde
• 
  ´s südliche End vum See

 Commons: Woogsee – Sammlig vo Multimediadateie