Sigrist

Sigrist isch en alemannische Familiname, wo bsunders i de Schwiiz verbraitet isch.

Forme und Verbraitig vom Name

De Familiname werd nöd aihaitlich gschribe: Sigrist, Sigerist, Sigriz, Siegrist, Siegerist, Siegeris, Siegriß und äänlichi Forme chömet vor.

De Name isch e Bruefsbizaichnig und bidüütet »Chiletiener, Mesmer« oder nordtütsch »Küster«. De Name isch i de Schwiiz und z Südwesttütschland verbraitet und ghört zu verschidnige Familie mit verschidnige Herkunft. Di ältiste Bileeg vom Familiname stamet usem End vom 13. Joorhundert, so ane 1285 Chuonrat der Sigeriste us Riehe im Aargau oder 1296 Berhtolt der Sigeriste vo Friiburg im Briisgi.

Natüürli sind spööter Lüüt mit dem Familiname uusgwanderet, so as de Name hüt au usserhalb vom alemannische Sproochruum vorchunnt.

Verbraitig vom Wort Sigrist

Sigrist (ahd. sigristo; mhd. sigriste) chunnt as Bruefsbizaichnig vor i de Schwiiz mit Uusnaam vo de Ostschwiiz und vo Graubünde, denn im Elsass und imene Tail vom Briisgi: Züripiet, östl. Aargau: sigerscht u.ä.; Bernpiet: sig(e)rischt u. ä.; Wallis und Südwalser: sigruschtu, sigurschtu; Oberelsass: sigrischt; Colmer, Strossburg: sejerscht, säjerscht. S Wort chunnt usem Latiinisch, wo de sacrista en »Tiener imene Hailigtum« isch. Im Bündnerland, i de Ostschwiiz und im übrige alemannische Sproochpiet werd degege s Wort Mesmer oder Mesner bruucht (mhd. mesnære; us lat. mansionarius »Hüeter vom Gotteshuus«), und s hochtütschi Wort dodeför isch Küster (us lat. costurarius »Chammertiener«). Die Wörter chömet au as Familiname vor, z. B. Messmer, Mössner, Kuster, Köster etc.

Woppe

Do de Name vo verschidnig Familene trait werd und bürgerlichi Woppe i de Schwiz aineweg jung sind, isch s Woppe nöd aihaitli. Uf de Bruef bizuug nint s Woppe, wo e geeli Glogge mit drai geele Steerne uf rotem Grund zaigt.

Bikannti Persone mitem Name Sigrist oder Siegrist

  • August Siegrist (1865–1947), Schwiizer Ophthalmolog
  • Karl Siegrist (Bürgermeister) (1862–1944), Bürgermaister vo Charlsrue
  • Karl Siegrist (Berlin), tütsche Ingenieur und Aafüerer vo de Märzrevolutioo ane 1848
  • Stephan Siegrist (* 1972), Schwiizer Extrembergstiiger
  • Ulrich Siegrist (* 1945), Schwiizer Politiker (SVP)

Büecher

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.