Rainer Stickelberger

Dialäkt: Undermarkgreflerisch
Rainer Stickelberger (2013)

Dr Rainer Stickelberger (* 6. April 1951 z Löörech) isch e dytsche Jurischt un Bolitiker (SPD). Är isch isch vu 2001 bis 2021 as Verdrätter vum Wahlchrais Löörech Mitglid vum Landdag vu Bade-Wirttebärg gsii. Vum Mai 2011 bis Mai 2016 isch dr Stickelberger Juschtizminischter im Kabinett Kretschmann I gsii.

Läbe

Dr Stickelberger het anne 1970 syy Abitur am Hans-Thoma-Gymnasium z Löörech gmacht un het derno z Fryybeg Rächtswisseschafte studiert. Dr SPD isch er im Johr 1971 byydrätte. Zwische 1979 un 1984 isch er Richter an dr Verwaltigsgricht z Fryybeg un z Charlsrue gsii. Zwische 1984 un 1992 isch er Burgermaischter vu dr Stadt Wyyl am Ryy gsii. Vu 1992 bis Mai 2011 het er as Rächtsaawalt in ere Chanzlei z Löörech as Sozius gschafft, vor allem in dr Beraich Kommunalwäse un Böu- un Blanigsrächt. Syt em 17. April 2001 isch er as Mitglid vum Landdag rächtsbolitische Sprächer un Juschtiziar vu dr SPD-Landdagsfraktion.

Wie 2006 isch dr Stickelberger au 2011 iber e Zwaitmandat in dr Landdag vu Bade-Wirttebärg yyzoge.[1] Dr Stickelberger isch ain vu dr Verdrätter vum Landdag vu Bade-Wirttebärg im Rundfunkrot vum SWR. Vu 2011 bis 20216 isch er as Juschtizminischter in dr grien-rote Koalitionsregierig (Kabinett Kretschmann I) gsii. Au bi dr Wahl anne 2016 het dr Stickelberger sy Landdagsmandat erfolgrych verdaidigt.[2] Vu 2016 bis 2021 isch er Vorsitzer vum Finanzuusschuss vum Landdag gsii. Bi dr Landdagswahl 2021 isch er nimi aadrätte.[3]

Sunschtigs

Dr Rainer Stickelberger isch ghyrote un het e Dochter. Är wohnt z Wyyl-Haltige, wun er sich im ertlige Sportverain engaschiert. Derzue isch er Uufsichtsrot vu dr Böugnosseschaft z Wyyl am Ryy, Mitglid in dr Arbaiterwohlfahrt un in wytere regionale Organisatione un Verain.

 Commons: Rainer Stickelberger – Sammlig vo Multimediadateie

Fueßnote

  1. ↑ Landtagsabgeordnete: Lusche Frey Stickelberger, Badische Zeitung, 27. Merz 2011
  2. ↑ Josha Frey gewinnt das Direktmandat, Badische Zeitung, 14. Merz 2016
  3. ↑ Rainer Stickelberger kündigt den Rückzug aus der Landespolitik an, Badische Zeitung, 13. Juli 2019
Dä Artikel basiert uff ere fräie Übersetzig vum Artikel „Rainer_Stickelberger“ vu de dütsche Wikipedia. E Liste vu de Autore un Versione isch do z finde.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.