Pays de Bitche

S Bitscher Land, franzöösisch Pays de Bitche oder Bitcherland, isch e Naturlandschaft im Oste vo Frankriich im Departemänt Moselle in dr Regioon Grand Est. Es entspricht em franzöösische Däil vom Gebiet vo dr ehemoolige Herrschaft Bitsch.

Geografii

Charte vo dr Herrschaft Bitsch am Ändi vom 12. Joorhundert

S Bitscher Land het im ganze 57 Gmäinde und umfasst im Oste e Däil vom Naturpark Nordvogeese. Im Weste und Südweste isch die landwirtschaftlig brägti Westricher Hoochflechi. Im Süüde gränzt isch s Chrummen Elsass, wo zum Arrondissement Saverne ghöört, im Oste dr Kanton Wissembourg. Im Norde si Rhiiland-Pfalz und s Saarland, im Weste d Kantöön Sarralbe und Sarreguemines-Campagne vom Arrondissement Sarreguemines, wo au s Bitscher Land drzue ghöört. Dr Kanton Rohrbach goot do bis an d Saar aane. D Nord-Südlinie Liederschiedt – Rahling bezäichnet d Drennig vo de underschiidlige Landschafte, wo rächt scharf isch. Westlig vo deere Linie bestoot dr Undergrund fast nume us Chalkstäi, wääred östlig drvo bewaldeti Farbigsandstäihüügel ligge, wo dur diefi Daaliischnitt verstücklet si. Sit em 16. Joorhundert si in däm Landschaftsdäil e Hufe Däiche und See aagläit worde, mäistens für landwirtschaftligi und industrielli Zwäck.

D Hauptabflüss Schwalb, Bickenalb und Hornbach fliesse vor allem in ere Süd-Nord-Richdig und entwässere über d Blies zur Saar.

Dr Hasselfurther Weijer im Oste vom Pays de Bitche, Ufnaam us dr Zit vor em Zwäite Wältchrieg

Dr Falkestäinerbach und die Nördligi Zinsel, wo d Kwelle von ene im Lembärger Ruum si, fliesse uf Südoste zum Rhii. D Ache fliess uf Wesze und mündet bi Kalhuuse in d Saar. Dr niidrigst Punkt im Bitscher Land isch Baerethal an dr Nördlige Zinsel und diräkt an dr Gränze zum Kanton Reichshoffen mit 190 m, die höggsti Stell mit 510 m lit nid wit drvo am Garnfirst bi Philippsbourg, au an dr Gränze zu Reichshoffen.

Seenswürdigkäite

  • S Wäägchrüz bi Rolbing
    S Wäägchrüz bi Rolbing
  • S Bäihuus vo Schorbach
    S Bäihuus vo Schorbach
  • D Museumsmüüli vo Eschviller
    D Museumsmüüli vo Eschviller
  • Dr Zwölfapostelstäi, e voorgschichtlige Menhir uf dr Gränze zwüschen em Elsass und Lothringe
    Dr Zwölfapostelstäi, e voorgschichtlige Menhir uf dr Gränze zwüschen em Elsass und Lothringe
  • D Zitadelle vo Bitche
    D Zitadelle vo Bitche

Weblingg

Liddratuur

  • Le Pays de Bitche, Didier Hemmert 1990.
  • Bitche et son pays, André Schutz 1992.
  • Les grelots du vent, images et mirages du Pays de Bitche, Bernard Robin 1984.
Dä Artikel basiert uff ere fräie Übersetzig vu dere Version vum Artikel „Pays_de_Bitche“ vu de dütsche Wikipedia. E Liste vu de Autore un Versione isch do z finde.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.