Karpfenartige
| Charpfenartigi | ||||||||||||
|---|---|---|---|---|---|---|---|---|---|---|---|---|
Karausche (Carassius carassius) | ||||||||||||
| Systematik | ||||||||||||
| ||||||||||||
| Wüsseschaftlige Name | ||||||||||||
| Cypriniformes | ||||||||||||
| Goodrich, 1909 |
Di Charpfenartige (Cypriniformes) sin en arterychi Ornig vu Sießwasserfisch. Si cheme z Europa, z Asie, z Afrika un z Nordamerika vor un dominiere vylfach di dertig Fischfauna. Z Sidoschtasien isch dr Arterychdum am greschte. Charpfenartigi hän am liebschte wermer Wasser, im Norde un in chalte Bärgbach wäre si all mee vu Forällefisch ersetzt. Si fähle z Sidamerika, z Madagaskar, z Auschtralien un eschtli vu dr Wallace-Linie.
Merkmol
Di Charpfenartige sin zmaischt schlanki bis hochruggigi Fisch. Unter der Schmerle git s au e baar oolartig langgestreckti Forme (Moorgrundle, Dornauge). Arten us gmäßigte Regionen un großi tropischi Forme sin zmaischt schlicht, chlaini tropischi Arte vylmol bunt gfärbt un gärn ghalteni Aquariefisch.
D Chifer, di andere Muulchnoche un d Chiemebege 1 bis 4 sin zahnlos, im Racheruum sitze ai bis zwoo Raie Schlundzehn uf sichelfermige Schlundchnoche. D Schlundzehn sin e wichtig Merkmol fir d Artbstimmig. S Muul isch vylmol stark vorwelbbar, d Lippel vylmol mit Bartle bsetzt. Zwische Furtsetz vu dr Praemaxillare sitzt e Kinethmoid gnännte Chnoche, wu fir d Charpfenartie tipisch isch. Chopf- un Chiemedeckel sin nackig, dr Rumpf mit Elasmoidschiebe deckt. E Fettflosse fählt. Gräte, Verchnecherige vum Bindgwääb zwische dr Muskelsegment, sin vylmol arg zahlrych. D Schwimmblotere isch dur Yyschnierige in zwoo oder drei Chammere dailt un het e Verbindig zum Vorderdarm, aber ohni inneri Wand.
Di meeschte Charpfenartige sin chlaini bis mittelgroßi Fisch. Dr grescht isch Tor putitora, e sidoschtasiatischi Art us dr Familie vu dr Cyprinidae, wu bis uf e Lengi vu 2,75 Meter chaa chuu.[1] Aber au dr chlaischt Fisch, wu mer chännt, isch e Charpfenartige, Paedocypris progenetica chunnt uf e Lengi vu 10 mm.[2]
Sischtematik
D Ornig vu dr Charpfenartige (Cypriniformes) ghert zäme mit dr Salmlerartige, dr Welsartige un zwoo andere Familie mit weniger Arte (di Sandfischartige un d Neiwält-Mässerfisch) zue dr Iberornig vu dr Ostariophysi, wu dodermit d Meezahl vu allne Sießwasserfisch umfasst. Zue dr Charpfenartige ghere sechs Familie un rund 3730 Arte, also rund zwelf Brozänt vu allne Fischarte.
- Schmerlenartige (Cobitoidea)
- Suugcharpfe (Catostomidae) (iber 70 Arte)
- Suugschmerle (Gyrinocheilidae) (3 Arte)
- Brachtscherle (Botiidae) (rund 50 Arte)
- Vaillantellidae (3 Arte)
- Staibysser (Cobitidae) (rund 130 Arte)
- Flossesuuger (Balitoridae) (rund 170 Arte)
- Ellopostomatidae (2 Arte)
- Bachschmerle (Nemacheilidae) (iber 400 Arte)
- Barbuccidae (2 Arte)
- Serpenticobitidae (3 Arte)
- Cyprinoidea
- Charpfefisch (Cyprinidae) (iber 2700 Arte)
- Spindelscherle (Psilorhynchidae) (18 Arte)
Literatur
- Joseph S. Nelson, Fishes of the World, John Wiley & Sons, 2006, ISBN 0-471-25031-7
- Kurt Fiedler, Lehrbuch der Speziellen Zoologie, Band II, Teil 2: Fische, Gustav Fischer Verlag Jena, 1991, ISBN 3-334-00339-6
- Wilfried Westheide & Reinhard Rieger: Spezielle Zoologie Teil 2: Wirbel und Schädeltiere, 1. Auflage, Spektrum Akademischer Verlag Heidelberg • Berlin, 2004, ISBN 3-8274-0307-3
- Mayden et al.: Inferring the Tree of Life of the order Cypriniformes, the earth’s most diverse clade of freshwater fishes: Implications of varied taxon and character sampling. Journal of Systematics and Evolution 46 (3): 424–438 (2008) doi:10.3724/SP.J.1002.2008.08062 (currently unavailable)
Weblink
Commons: Charpfenartigi – Sammlig vo Multimediadateie- Karpfenartige uf Fishbase.org (englisch)
Fueßnote
- ↑ Tor putitora uf Fishbase.org (englisch)
- ↑ M. Kottelat, R. Britz, H.H. Tan & K.-E. Witte. 2005: Paedocypris, a new genus of Southeast Asian cyprinid fish with a remarkable sexual dimorphism, comprises the world's smallest vertebrate. Proceedings of the Royal Society, Volume 273, Number 1589 / April 22, 2006 doi:10.1098/rspb.2005.3419
|
Dä Artikel basiert uff ere fräie Übersetzig vu dere Version vum Artikel „Karpfenartige“ vu de dütsche Wikipedia. E Liste vu de Autore un Versione isch do z finde. |
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.