Dr Josef Burg (hebr. יוסף בורג; uf d Wält cho 31. Januar 1909 z Dresde; gstorbe 15. Oktober 1999 z Jerusalem) isch en israelische Politiker und Rabbiner gsi.

Dr Shlomo Josef Burg isch 1901 z Dresde uf d Wält cho, und het vo 1928 bis 1931 am Rabbiner-Seminar vo der Israelitische Synagoge-Gmeind Adass Jisroel z Berlin und dr Universität Berlin gstudiert. 1933 het er e Doktorat in Philosophii an der Universität Leipzig übercho. Er het siis Studium am Rabbiner-Seminar z Berlin wiitergmacht und isch 1938 Rabbiner worde. 1939 isch er noch Israel gange und het e Forschigsstipendiat vo der Hebräische Universität Jerusalem übercho.

Z Israel isch dr Burg Mitgliid vo der Hapoel HaMizrachi, ere religiös-zionistische Partei, worde. Bi den erste Knesset-Wahle 1949 het d Hapoel HaMizrachi mit drei andere religiöse Parteie e gmeinsamei Liste (die Vereinigti Religiösi Front) gha. D Liste het 16 Sitz gwunne und dr Burg isch Mitgliid vo dr Knesset und ihre Vizesprächer worde.

Bi de Wahle 1951 isch dr Hapoel HaMizrachi elei adräte und het acht Sitz gwunne. Dr Burg isch in der Knesset bliibe und isch Minister für Gsundheit in der dritte Regierig worde. In dr vierte, fümfte und sächste Regierig isch er Minister für d Post gsi, e Boste won er bis 1958 bhalte het.

1956 het d Hapoel HaMizrachi Partei mit ihrem ideologische Zwilling, der Mizrachi-Partei zur Nationalreligiöse Partei (NRP) fusioniert. Die Partei isch Mitgliid vo allne Regierige bis 1992 gsi und as eins vo de wichtigste Parteimitgliider, het dr Burg in jeder Regierig e Ministerposte gha. Bis zu siim Rückdritt us der Knesset 1986 het er die Böste gfüllt: Minister für Wohlfahrt, Inneminister, Minister ohni Gschäftsberiich und Minister für religiösi Aglägeheite.

1977 isch er Präsident vo der World Mizrachi Bewegig worde. Er isch der Vater vom Avraham Burg, em Sprächer vo dr fünfzähnte Knesset.