Dr James Dewey Watson, KBE (* 6. April 1928 z Chicago; † 6. November 2025 z Huntington, New York) isch en amerikanische Biochemiker und Nobelbriisdreeger gsii. Er het zämme mit em Francis Crick, em Maurice Wilkins und dr Rosalind Franklin d Molekularstruktur vo dr Desoxyribonukleinsäure (DNA) entdeckt, won er 1953 veröffentligt het, ooni d Rolle vo dr Franklin z erwääne oder si überhaupt z frooge, öb er iiri Daate döf bruuche.^[1] In dr wüsseschaftlige Gmäinschaft gältet er as äine vo de bedütendste Molekularbiologe vo alle Zite. Er isch meermols ufgfalle wäge sine rassistische, sexistische und homofoobe Ussaage und het 2007 sogar as Kanzler vom Cold Spring Harbor Laboratory müesse zruggdräte drwääge.^[2]

S Time Magazine het dr Watson zu de 100 iiflussriichste Persoone vom 20. Joorhundert zelt. Sis Buech Die Doppelhelix, won er din verzelt, wie d DNA-Struktur entdeckt worden isch, isch e internazionale Bestseller gsi. Mit andere zämme het er s Human Genome Project aagstoosse, wo s Genom vom Mensch sekwenziert het.

Er het 1962 dr Nobelbriis für Füsiologii oder Medizin überchoo. 1977 het er d Freihäitsmedallei („The Presidential Medal of Freedom“), die höggsti ziviili Uszäichnig in de USA überchoo.^[3]

• Die Doppelhelix. Rowohlt, Reinbek 1997, ISBN 3-499-60255-5. (erste deutsche Auflage Rowohlt, 1969)
• Gene, Girls und Gamow. Erinnerungen eines Genies. Piper, München 2003, ISBN 3-492-04428-X.
• Avoid Boring People: Lessons From A Life in Science. Knopf Publ., 2007, ISBN 0-375-41284-0.

• Ernst Peter Fischer: Am Anfang war die Doppelhelix. James D. Watson und die neue Wissenschaft vom Leben. Ullstein, München 2003, ISBN 3-550-07566-9.
• Wulf D. Hund: Ein Traum der Vernunft - Das weiße Eutopia des James Watson. In: Blätter für deutsche und internationale Politik. Ausgabe 11/2008, S. 73–80 (PDF-Datei; 72 kB).

 Commons: James D. Watson – Sammlig vo Multimediadateie

• Literatur vu un iber James Watson im Katalog vu dr Virtuelle Fachbibliothek Biologi (vifabio)
• Rezensione zue Wärch vu James Watson bi perlentaucher.de
• Informatione vu dr Nobelstiftig zue dr Pryysverleihig 1962 an James Watson (änglisch)
• Typoskript von Molecular structure of Nucleic Acids (Originalveröffentligung vom Watson und Crick über d DNA-Struktur 1953)

1. ↑ eprint: Plagiate und unethische Autorenschaften Gerhard Fröhlich, Linz (Österreich) Archivlink (Memento vom 5. Dezämber 2008 im Internet Archive) 2006
2. ↑ Nach rassistischen Äusserungen zurückgetreten. Abgrüeft am 25. Oktober 2007.
3. ↑ Presidential Medal of Freedom Recipient James D. Watson. medaloffreedom.com. Abgrüeft am 10. Juni 2008.

Dä Artikel basiert uff ere fräie Übersetzig vu dere Version vum Artikel „James_Watson“ vu de dütsche Wikipedia. E Liste vu de Autore un Versione isch do z finde.