S ehmolig Bärgbuuredorf Gerschtrube (dt Gerstruben) in dr Märtgmei Oberschtdorf isch s hegschtgläge Dorf vu Dytschland gsi (uf 1155 m). S lyt am Aafang vum Dietersbachtal un het hite fimf Hyyser un e Kapälle, wu alli zwische 400 un 500 Johr alt sin. Deerzue git s d "Rechtler"-Wirtschaft, e Bärggaschthuus, wu s ganzjehrig uffe un bewohnt isch. Im „Jakobe-Hüüs“ isch hite ne Museum unterbrocht, wu in dr Saison all Samschtig 13:00 bis 16:00 Uhr uffe isch.

Gerschtrube isch im 15. Johrhundert vu Walser us Vorarlberg grindet woren un isch bis 1892 ganzjehrig vu Bärgbuure bewohnt gsi. Syter 1818 ghert s zue Oberschtdorf. S isch vu dr Yywohner verloo wore, wel e Stauseeprojäkt blant gsi isch. Wu des Vorhabe nit verwirkligt woren isch, het dr Wormser Baron Cornelius Freiherr von Heyl zu Herrnsheim anne 1896 s Gebiet vum Dorf ufgchauft, wu s as Jagdgebiet het welle. Syt 1953 isch s Eigetum vum "Oberstdorfer Verein vu dr ehmolige Rechtler" un wird as Museum unterhalte un bflägt. D Buurehyyser z Gerschtrube stehn hite alli unter Dänkmolschutz un sin in dr Johre 1975 bis 1982 reschaturiert wore. Au di historischi Sägmihli vu 1846, wu syter 1940 still glägen isch, isch vum Verein reschtauriert wore.

Gerschtrube isch z Dytschland s einzig Walserdorf.

• 
  Gerschtrube im Dieterschbachtal
• 
  chleini Kapälle z Gerschtrube, wahrschyns us em 17. Johrhundert
• 
  Wäg z Gerschtrube mit alte Buurehyyser
• 
  e alt Buurehuus z Gerschtrube
• 
  alt Buurehuus z Gerschtrube am Rai
• 
  Blick vu Gerstrube

• www.gerstruben.de
• Gerschtrube: Bschryybig un Gschicht

47.36944444444410.313055555556Koordinate: 47° 22′ N, 10° 19′ O

Dä Artikel basiert uff ere fräie Übersetzig vu dere Version vum Artikel „Gerstruben“ vu de dütsche Wikipedia. E Liste vu de Autore un Versione isch do z finde.