France Inter [fʁɑ̃s ɛ̃tɛʁ](info) (manckmol àui kurz Inter gnännt) ìsch a Progràmm vum frànzeescha-n-äffentliga Rundfunk Radio France. Vor dr Liberàlisiarung vum frànzeescha Heerfunk ìn da Joohra 1980 ìsch France Inter d’ „Schtìmma vum Frànkrììch“ gsìì. Hìttz’tààgs ìsch’s noch dr Hàuiptprogràmm vum äffentliga Rundfunk, un s’ Progràmm, wo-n-ìm Lànd àm maischta gloost wìrd.

Ànna 1947 hàt ma Paris-Inter àls dritt Progràmm vum Frànzeescha Heerfunk (Radiodiffusion française, RDF) ärschtällt. Üüssgschtrààhlt worra sìnn doo Sandunga vum Club d’Essai so wia Müüsik —vor àllem Jazz— un Sandunga vun üüsslandischa Sander. Àm Ààfàng hat maa s’ Progràmma numma z’ Pàriis känna ämpfànga. Ìn da Joohra 1950 hàt maa noh z’ noh Sander ìm gànz Frànkrììch züagfiagt.

Ànna 1957 ìsch s’ Progràmm ìn France 1 umbnännt worra. Vu jetz àb sìnn Sandunga 24 Ühr uff 24 gsìì —vor àllem Noohrìchta-Sandunga. Ànna 1963 ìsch dr Sander mìt France 2-Régional füsioniart un ìn France Inter umbnännt worra; dr Nàmma-n-ìsch dur a Heererbefrààgung gwählt worra. Ìm nachschta Joohr ìsch France Inter ìn d’ Rundfunkànschtàlt ORTF iiglìedert worra, wo-n-’s bis züa dr Grìndung vu Radio France ànna 1975 gaa hàt.

Ànna 1965 ìsch uff France Inter dr äärschta Pop club üüssgschtrààhlt worra. Dia Oowa-Sandung hàt 40 Joohra làng dr José Arthur moderiart. Ìm Mai 1968 sìnn àlla Sander vum ORTF ìm Generààlschtraik gsìì. Dr Schtràik ìsch àm And vum Jüüni beandet worra.

Àm 31. Dezamber 2016 àm 23 Ühr 59 hàt maa d’ Üüsschtrààhlung ìwwer dr Làngwällasander z’ Allouis uff 162 kHz iigschtällt.

Sitter 2019 ìsch France Inter s’ Radioprogràmm, wo-n-ìm Frànkrììch àm maischta gloost wìrd. Ìm Harbscht 2021 sìnn taaglig äbb 6,5 Millioona Züaheerer gsìì. Ànna 2015 ìsch dàs noch numma 5,3 Millioona gsìì.^[1]

• Le 7/9: d’ Noohrìchta-Sandung àm Morga mìt dr Léa Salamé un em Nicolas Demorand (sitter 1991)
• Carnets de campagne: Brìcht ìwwer Theema un Litt üss’m làndliga Ràuim, mìt’m Philippe Bertrand (sitter 2007)
• Le Jeu des 1000 euros: Taagliga Quiz-Sandung mìt’m Nicolas Stoufflet (sitter 1958; ehamààlig hàt’s Cent mille francs par jour ghaissa)
• Le téléphone sonne: Sandung, wu d’ Züaheerer àm Telefoon mìtmàcha. Grädd wìrd’s um àktüälla Theema (sitter 1978)
• Sur les épaules de Darwin: Sandung ìwwer nàtüürwìssaschàftliga Theema, wo ìn’ma filosoofischa, poetischa un lìteràrischa Hìntergrund vorgschtällt wara, mìt’m Jean-Claude Ameisen (sitter 2010)
• L'heure bleue: Oowaprogràmm, wu d’ Laure Adler mìt Litt üss’m kültürälla Beraich reedet
• L'Humeur vagabonde: Oowa-Gschprach-Sandung mìt’ma Schtüdiogàscht üss’m kültürälla Beraich, mìt dr Kathleen Evin (sitter 2001)
• Le Masque et la Plume: a riicha Dischkussion àm Sunntigoowa, ìwwer näija Wark ìn dr Lìteràtüür, Theàter un Kino, mìt’m Jérôme Garcin (sitter 1955)

Ehamààliga Sandunga (Üüswàhl):

• C'est Lenoir: Taagliga Rockmüüsik-Sandung mìt’m Bernard Lenoir (1990–2011).
• Le Fou du roi: Taagliga kültürälla un hümoristischa Sandung mìt’m Stéphane Bern (2000–2011)
• Là-bas si j'y suis: a Sandung, wo d’ Globàlisiarung kritisiart, mìt’m Daniel Mermet (1989–2014)
• Rue des Entrepreneurs: Wìrtschàftssandung mìt’m Didier Adès un dr Dominique Dambert (1983–2010)
• Le Pop-Club: Müüsik- un Kültüürsandung mìt’m José Arthur (1965–2005)

 Commons: France Inter – Sammlig vo Multimediadateie

• Offiziälla Websitta (frànzeesch)

Dä Artikel basiert uff ere fräie Übersetzig vu dere Version vum Artikel „France_Inter“ vu de dütsche Wikipedia. E Liste vu de Autore un Versione isch do z finde.