Elefant

Dä Artikel behandlet die verschidnige Elifantearte. Für d Familie vo de Elifante, d Elephantidae lueg doo.
Elifante

Afrikanischi Elifante

Systematik
Amniote (Amniota)
Chlass: Süüger (Mammalia)
Underchlass: Hööcheri Süüger (Eutheria)
Überordnig: Afrotheria
Ordnig: Rüsseldier (Proboscidea)
Familie: Elifante
Wüsseschaftlige Name
Elephantidae
John Edward Gray 1821
Art

As Elifant (altgr. ἐλέφαντ- eléphant-, Stamm vo ἐλέφᾱς eléphās ‚Elifant‘) bezäichnet mä alli Arte vo Rüsseldier us dr Familie vo de Elephantidae. Do drzue ghööre die drei Arte, wo hüt no lääbe, dr Afrikanisch Elifant (Loxodonta africana), dr Waldelifant (Loxodonta cyclotis) und dr Asiatisch Elifant (Elephas maximus) und usgstorbnigi Arte wie s Mammut.

Elifante si die grösste Landdier vo dr Gegewart. Scho bi dr Geburt wägt e Chalb bis zu 100 Kilogramm. D Draagzit isch 20 bis 22 Mönet und isch die lengsti vo alle Landsüüger. Je noch dr Art cha en Elifant im Durchschnitt zwüsche 2 und 5 Donne schweer und bis zu 4 Meter hooch si. S grösste Indiwiduum isch e Männli gsi, wo am 4. April 1978 im Damaraland (Namibia) verschosse worde isch. Dä isch 4,21 Meter grooss und 10,39 Meter lang gsi.[1] Dr eltist Elifant het im Zoo vo Taipeh gläbt und isch säggsenachzgi worde.[2][3]

Süstematik

Vo de Rüsseldier lääbe hüt nume no drei Arte, und die ghööre alli zu de ächte Elifante. Das si:

Es git e baar Elifanteforscher und Kryptozoologe wo dr Zwärgelifant (Loxodonta pumilio) as Art vorgschlage häi; das isch in dr Fachwält aber nit akzeptiert. Er söll näben em groosse Waldelifant as e chliineri Art im dropische Räägewald vo Gabun, vom Kongo und vo Kamerun vorchoo. Au genetischi Undersuechige an verschidnige Exemplar us dr zentralafrikanische Region häi käni Hiiwiis uf e vierti Elifantenart brocht.[4]

Die äinzigi bekannti Hybride zwüschen ere asiatische Elifantechue und eme afrikanische Elifantemännli isch 1978 im Zoo vo Chester uf d Wält choo und isch zwäi Wuche noch dr Geburt gstorbe.[5]

Verbräitig

0 D Verbräitig vom Afrikanische
und vom
0 Asiatische Elifant

S Verbräitigsgebiet vom Asiatische Elifant het früener s südlige Asie vo Sürie bis zu China umschlosse. Hüte läbt er no in Vorder- und Hinderindie, Sri Lanka und e baar vo de groosse Sundainsle.

Dr Afrikanisch Elifant (= Steppenelifant) het früener uf em ganze afrikanische Kontinänt gläbt, hüte befindet sich die nördligsti Gränze vo sim Verbräitigsgebiet im Süde vom Sudan. Er chunnt hüte in vier drennte Populazione vor: in de Savanne vom östlige und südlige Afrika, in Westafrika, in dr nördlige Namib (Südwestafrika) und im zentralafrikanische dropische Räägewald. Im südlige Afrika findet men en vor allem in de Nationalpark.

Dr Waldelifant läbt in de Räägewälder vo Westafrika, under anderem in Kamerun, dr Demokratische Republik Kongo und dr Zentralafrikanische Republik.

Litratuur

  • Christine und Michel Denis-Huot: Elefanten. Verlag Karl Müller GmbH, 2003, ISBN 3-89893-068-8.
  • Adrian Lister, Paul Bahn: Mammuts – Riesen der Eiszeit. Thorbecke Verlag, Sigmaringen 1997, ISBN 3-7995-9050-1.
  • Ronald M. Nowak: Walker’s mammals of the world. 6. Auflage. Johns Hopkins University Press, Baltimore, ISBN 0-8018-5789-9.
  • Larousse (Hrsg.): Lebendige Wildnis – Tiere der afrikanischen Savanne. Das Beste, Stuttgart 1992, ISBN 3-87070-405-5.
  • Dietmar Jarofke: Jarofkes Elefantenkompendium. Haltung, Zucht, Verhalten und Krankheiten der Elefanten. Schüling-Verlag, Münster 2007, ISBN 978-3-86523-085-0.

Weblingg

 Commons: Elifante – Sammlig vo Multimediadateie

Fuessnoote

  1. ↑ Guinness-Buch der Rekorde 1992, Ullstein, Münche, ISBN 3-550-07750-5.
  2. ↑ Guinness World Records 2007, Bibliographisches Institut, Mannheim 2006
  3. ↑ New York Times: World’s Oldest Elephant, 86, Is Dead (23. Februar 2003)
  4. ↑ PDF bei socserv.mcmaster.ca. Archiviert vom Original am 27. Februar 2008; abgruefen am 27. Februar 2008.
  5. ↑ Motty, die Kreuzung aus afrikanischem und asiatischem Elefanten. Archiviert vom Original am 13. November 2003; abgruefen am 6. August 2015.
Dä Artikel basiert uff ere fräie Übersetzig vum Artikel „Elefanten“ vu de dütsche Wikipedia. E Liste vu de Autore un Versione isch do z finde.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.