Clavelgut

Koordinate: 47° 35′ 5,5″ N, 7° 35′ 32,2″ O; CH1903: 611559 / 270475

S Clavelguet
Dialäkt: Baseldütsch

S Clavelguet isch en ehemoolige Landsitz z Kläihünige.[1]

S Guet isch im 18. Joorhundert baut worde und het fümfmol dr Bsitzer gwäggslet, bevor s 1860 dr sälbständig Siidebandfärber Alexander Clavel-Lindenmeier übernoo het. Dr Clavel het 1868 en Anilinfabrigg uf em Gländ ufdoo, wo sich spööter d Baasler Chemiiindustrii entwigglet het.[2] D Farbstofffabrigg isch 1873 an d Firma Bindschelder & Busch verkauft worde und drus isch denn s Chemiiundernääme Ciba entstande.[3] D Siidefärberei isch vo sim Soon Alexander Clavel-Merian gläitet worde. Dä isch ums Joor 1900 e wichdige Aarbetgääber gsi. Under iim het mä au e groossi Parkaalaag baut, wo wildi Dier din gsi si und chliini Jagde veraastaltet worde si. In dr Aalaag si zwäi Weijer gsi, us äim vo deene het mä spööter e Schwümmbeggi gmacht. D Haupstrooss, wo „Hiltalingerstrooss“ ghäisse het und wo denn au dr Sportplatz Clavelguet gsi isch,[4] isch grad am Clavelguet verbiigange. Wo mä aber vo 1936 bis 1939 s Haafebeggi II baut het, isch si verläit worde.

1943 het die Schwizerischi Reederei AG, wo hüte nüme existiert, s Huus kauft und het s für Rhiischiffer brucht, vor allem für sonigi wo dr Bruef no gleert häi. Hüte ghöört d Liigeschaft, wo jetz s Restorant «Schifferhuus» stoot, im Kanton Baasel-Stadt. Sit 2000 stoot s Fischerhuus Bürgin nääbedraa.

Fuessnoote

  1. ↑ Ortsbeschreibung «Kleinhüningen /Clavelgut» uf www.baleidoskop.ch (Verein Basel Erleben)
  2. ↑ Antonia Schmidlin: Clavel, Alexander.. In: Historisches Lexikon vo dr Schwiiz.
  3. ↑ Bernard Degen: Ciba.. In: Historisches Lexikon vo dr Schwiiz.
  4. ↑ Basler Fussballplätze und Heimstätten (Site cha nüme abgrüeft wärde; Suche im Webarchiv)[1] [2] Vorlage:Toter Link/www.fussballstarbasel.ch uf fussballstarbasel.ch
Dä Artikel basiert uff ere fräie Übersetzig vu dere Version vum Artikel „Clavelgut“ vu de dütsche Wikipedia. E Liste vu de Autore un Versione isch do z finde.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.